JOHAN 15:20 - Lai (Hakha) Common Language Bible 2006

²⁰ ‘Sal cu a bawipa nakin a ngan deuh bal lo,’ tiah kan chimhmi hna kha philh hlah u. Keimah kha an ka hrem ahcun nannih zong an in hrem ve ko hna lai; ka bia kha an ngaih ahcun nan bia zong kha an ngaih ve lai.

Laibaibal Thiang (BSI)

²⁰ Sinum a pu nâkin a ngan deuh lo, timi bia kan chimh cangmi hna kha philh hlah u. Kei anka serhsat ahcun, nannih zong serhsat nan si ve lai. Ka bia an zulh ahcun nan bia zong an zulh lai.

JOHAN 15:20 ပူးပေါင်းရင်းမြစ်များ

EZEKIEL 3:7

Sihmanhsehlaw Israel mi nih cun na bia ngaih kha an duh lai lo, zeicahtiah keimah ka bia ngaih kha an duh lo i annih cu ningzah hngal lomi le lung a hak i a ṭhawng hringhranmi an si.

MATTHAI 10:24

“Siangngakchia cu ahohmanh a saya nakin a ngan deuh lo; sal zong a bawipa nakin a ngan deuh fawn lo.

MARKA 10:39

Annih nih, “Kan ti khawh ko lai,” tiah an leh. Jesuh nih cun, “Ka din dingmi hrai hi nan din khawh ve taktak ko lai i ka in dingmi tipil inning hi nan in khawh ve taktak ko lai.

LUKA 2:34

Simeon nih cun thluachuahnak a pek hna i a nu Mary kha a thawh i, “Hi ngakchia cu Pathian nih Israel mi lakah mi tampi an rawk nakhnga le khamh an si nakhnga caah a thimmi a si. Amah hi Pathian sinin a rami hmelchunhnak, mi tampi nih an doh laimi a si i

LUKA 6:40

Siangngakchia cu a saya nakin a ngan deuh lo, sihmanhsehlaw siangngakchia nih a cawnnak kha a dih tikah cun a saya bantuk a si lai.

JOHAN 10:31

Cun Judah mi hna nih cun amah chehnak ah lung an i char ṭhan.

JOHAN 11:57

Tlangbawi upa hna le Farasi mi hna nih khan, Jesuh umnak a hngalmi paoh nih nan kan chimh lai i kan tlaih lai, tiah an ti hna.

JOHAN 13:16

Biatak kan chimh hna: sal cu a bawipa nakin a ngan deuh bal lo; fialmi zong a fialtu nakin a ngan deuh bal lo.

JOHAN 5:16

Damnak kha Sabbath ni ah a tuah caah Jesuh nih cun Judah mi cu an thin a phawh hna i amah kha ral hram an thawk.

JOHAN 7:32

Farasi mi hna nih khan mizapi, cu bantukin a thli in an i ceih kha an theih caah, anmah le tlangbawi upa pawl nih khan Jesuh va tlaih awkah cun biakinn vengtu palik kha an hei thlah hna.

JOHAN 8:51

Biatak kan chimh hna: Ka bia a zulmi cu zeitikhmanh ah an thi lai lo,” tiah a leh hna.

JOHAN 8:52

Judah mi nih cun an thawh i, “Atu cu khuachia na ngei hrimhrim ti kha fiang tein kan hngalh cang. Abraham cu a thi diam cang, profet hna zong kha an thi cang, asinain naa thawh i, ‘Ka bia a zulmi cu zeitikhmanh ah an thi lai lo,’ na ti.

JOHAN 8:59

Amah chehnak ah lung kha an i char, sihmanhsehlaw Jesuh cu aa thup i biakinn chung khan aa zuk.

LAMKALTU 14:22

Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

1 KORIN 4:12

kan paw i cawmnak dingah kan kut in fak piin rian kan ṭuan.

2 KORIN 4:9

ral tampi kan ngei, sihmanhsehlaw hawi pakhat loin kan um bal lo; cei tein an kan ṭhuat tawn, sihmanhsehlaw kan thi taktak bal lo.

1THESALON 2:15

Judah mi cu Bawipa Jesuh le profet hna a rak thattu le kanmah hremnak a kan petu kha an si. Zeitluk in dik Pathian a ngaih an hei chiatter! Annih cu an minung hawi ral an si.

2TIMOTE 3:12

Khrih Jesuh he i pehtlai i Pathian nunning in nun a duhmi paoh cu hremnak an ing ko lai;

1 SAMUEL 8:7

Cun Bawipa nih Samuel cu a chawnh i, “Mizapi nih na sinah an chimmi bia vialte ah an aw kha ngai tuah; zeitintiah nangmah an in hlawt a si lo, an cung i siangpahrang ka sinak hin keimah an ka hlawt a si.