JOHAN 15:18 - Lai (Hakha) Common Language Bible 2006

¹⁸ “Vawlei nih an huat hna ahcun, keimah a rak ka huat hmasa ti kha philh hlah u.

Laibaibal Thiang (BSI)

¹⁸ Vawlei nih an huat hna ahcun, an huat hna hlan in keimah anka huat cang ti kha nan hgalh.

JOHAN 15:18 ပူးပေါင်းရင်းမြစ်များ

1 SIANGPAHRANG 22:8

Cun Israel siangpahrang nih Jehoshafat cu, “Bawipa kan hal khawhnak ding mipa a dang pakhat a um rih, amah cu Imlah fapa Mikaiah a si; sihmanhsehlaw ka kong ah thil ṭha chim bal loin thil ṭhalo lawng kha a chim caah ka huat,” tiah a ti. Cun Jehoshafat nih cun, “Cuticun siangpahrang nih chim hlah seh,” tiah a ti.

PHUNGTHLÛKBIA 29:27

Miding mi nih miding lomi kha an huat hna, miṭhalo nih miding mi kha an huat ve hna.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

ISAIAH 53:3

Zeihmanh ah kan rak rel lo i kan rak hlawt; ngaihchiatnak le nganfahnak kha a rak in hna. Ahohmanh nih a zoh hmanh kan rak zoh duh lo — zei ah a rel in kan rak rel hrimhrim lo.

ISAIAH 66:5

Nannih Bawipa kha a ṭih i a nawl a ngaimi hna, Bawipa nih a chimmi kha ngai tuah u. “Ka cungah zumh awk tlak in nan um ruangah nanmah mi lila a cheu nih an in huat hna i an in hlawt hna. An in nihsawh hna i, ‘Lunglawm in nan um kha hmuh kan duh, cucaah cun Bawipa nih a lianhngannak kha langhter seh law in khamh tuah hna seh,’ an ti. Sihmanhsehlaw ningzahnak a hmumi cu anmah kha an si lai.

ZEKHARIAH 11:8

Thla khat chungah tuukhal pathum cu ka hlawt hna, zeicahtiah an cungah ka lung a sau kho ti lo i annih nih an ka huat.

MATTHAI 10:22

Mi kip nih nannih cu keimah ruangah an in huat hna lai, sihmanhsehlaw a dongh tiangin aa tlaih pengmi cu khamhnak nan hmu lai.

MATTHAI 24:9

“Cun mi nih an in tlaih hna lai i dantat awkah an in chanh hna lai i an in thah hna lai. Keimah ruangah mi vialte nih an in huat hna lai.

MATTHAI 5:11

“Nannih cu ka zultu nan si ruangah mi nih an in nihsawh hna i an in hrem hna i lih a phunphun an in puh hna tikah, nan caah lunglawmh awk a va si dah!

MARKA 13:13

Keimah ruangah mi kip nih an in huat hna lai. Sihmanhsehlaw a dongh tiang a hmunmi cu khamh nan si lai.

LUKA 6:22

Mi Fapa ruangah mi nih an in huat hna i an in hlawt hna i an in serhsat hna i miṭhalo an in ti hna tikah i lawm ko u.

JOHAN 16:1

“Nan tluk sual nakhnga lo hi bia cu kan chimh hna.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

JOHAN 3:20

Thil ṭhalo a tuahmi paoh nih cun ceunak kha a huat i ceunak i rat kha a duh lo, zeicahtiah thil ṭhalo a tuahmi langh kha a duh lo.

JOHAN 7:7

Nannih cu vawlei nih hin an hua kho hna lo, sihmanhsehlaw na umtu ningcang a ṭha lo tiah ka chimh lengmang caah kei cu a ka huat.

LAMKALTU 14:22

Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

1JOHAN 3:1

Pathian nih zeitluk in dah a kan dawt hi ruat hmanh u! A kan dawtnak kha a ngan tuk caah Pathian fa tiah ti kan si — Pathian fa ti lawng hmanh si loin, a si in kan si hrimhrim. Hi ruangah hin vawlei nih a kan hngalh lonak cu a si, Pathian zong kha a hngal lo.

1JOHAN 3:13

Cucaah vawleicung mi nih an in huat hna ahcun nan khuaruahhar hlah u.

1JOHAN 3:3

Khrih zohchih in, cu ruahchannak a ngeimi paoh cu, Khrih kha a thianhlim bantukin thianghlim tein a um ve.