JOHAN 14:19 - Lai (Hakha) Common Language Bible 2006

¹⁹ Hi hnu tlawmpal ah hin vawlei nih cun a ka hmu ti lai lo, sihmanhsehlaw nannih nih cun nan ka hmuh lai; cun keimah hi ka nun lai caah nannih zong nan nung ve lai.

Laibaibal Thiang (BSI)

¹⁹ “A rauh hlan ah vawlei nih anka hmu ti lai lo, asinain nannih nih cun nan ka hmuh lai, ka nun ruangah nan nih zong nan nung ve lai.

JOHAN 14:19 ပူးပေါင်းရင်းမြစ်များ

JOHAN 11:25

Jesuh nih Martha cu, “Keimah hi thawhṭhannak le nunnak cu ka si. Keimah a ka zummi paoh cu a thih hmanh thi seh law a nung lai;

JOHAN 12:35

Jesuh nih cun, “Nan sinah hin ceunak cu tlawmpal chung cu a um ko rih lai. Ceunak nan sin i a um chung cu, muihnak nih an phanh hna nakhnga lo, hmailei ah kal lengmang ko u; zeicahtiah mui lak i khual a tlawngmi cu khuazei i an kal kha an i hngal tawn lo.

JOHAN 13:33

Ka fale hna, nan sinah sau ka um ti lai lo. Nan ka kawl lai, sihmanhsehlaw ‘Ka kalnak ah cun nan ra kho lai lo,’ tiah Judah mi ka chimh hna bang khan nannih zong kan chimh hna.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

JOHAN 16:16

“Hi hnu tlawmpalte ah nan ka hmu ti lai lo, cun tlawmpalte hnuah nan ka hmuh lai,” tiah a ti.

JOHAN 16:22

Cu bantuk cun nannih zong nan si lai: atu cu nan ngaih a chia, sihmanhsehlaw kan hmuh ṭhan hna lai i nan lung cu lunglawmhnak in a khat lai; cu lunglawmhnak cu ahohmanh nih an in chuh khawh lomi hna lunglawmhnak phun a si lai.

JOHAN 6:40

Zeicahtiah Fapa kha a ka hmu i a ka zummi paohpaoh cu ni hmanung bik ni ah nunnak i thawhter kha ka Pa nih a duhmi cu a si,” a ti.

JOHAN 7:33

Jesuh nih cun, “Caan tlawmpal chung cu nan sinah hin ka um rih lai i cu hnuah cun a ka thlahtu sinah ka kal lai.

JOHAN 8:21

Jesuh nih annih cu a thawh ṭhan hna i, “Kei cu ka kal lai; nan ka kawl lai, sihmanhsehlaw nannih cu nan sualnak chungah nan thi lai. Ka kalnak hmun ah nannih cu nan ra kho lai lo,” tiah a ti hna.

LAMKALTU 10:41

Pathian nih tehte caah a kan thimmi kanmah sin lawngah khan Pathian nih cun a langhter. Thihnak in a thawh hnuah amah he cun kan ei ṭi kan ding ṭi.

ROM 5:10

Kannih cu Pathian ral kan rak si, sihmanhsehlaw a Fapa thihnak thawngin a hawi ah a kan ser cang. Atu cu Pathian hawikom kan si cang caah Khrih nunnak nih cun zeitluk in dah a kan khamh chinchin lai.

ROM 8:34

Cucaah annih cu aho tal nih sual an phaw kho hna lai maw? Khrih hmanh nih sual a phaw hna hnga lo; zeicahtiah an ca i a thimi kha Khrih Jesuh kha pei a si cu, cu nak hmanh cun, thihnak in thawhter a si i Pathian orhlei kamah a um i kan ca i a kan nawlpiaktu cu amah cu pei a si cu.

1 KORIN 15:20

Sihmanhsehlaw biatak cu hihi a si: Khrih cu thihnak in thawhter a si i cucu thihnak chung i aa hngilhmi hna zong kha thawhter an si ve lai tinak aamahkhan a si.

1 KORIN 15:45

Zeicahtiah Cathiang nih, “Mi hmasa bik Adam cu minung ah ser a si,” a rak ti, sihmanhsehlaw Adam hmanung bik cu nunnak petu Thlarau a si.

HEBRU 7:25

Cucaah cun amah thawngin Pathian a fuhmi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawlpiak khawh zungzal hna.

BIAPHUAN 20:4

Cun bawiṭhutdan hna le a cung i a ṭhumi hna kha ka hmuh hna; annih cu biaceihnak nawl kha pek an si. Jesuh nih a phuanmi biatak le Pathian bia an chim ruangah thahnak a ingmi thlarau hna zong kha ka hmuh hna. Sahrang kha an bia lo, a milem zong an bia lo, an cal le an ban zongah sahrang hmelchunhnak kha an ngei lo. An hung nung i Khrih he cun siangpahrang bantukin kum thong khat chung uktu bawi an si.