JOHAN 13:23 - Lai (Hakha) Common Language Bible 2006

²³ Zultu lak i pakhat, Jesuh nih a dawtmi kha, Jesuh chang ah cun a ṭhu i

Laibaibal Thiang (BSI)

²³ A lamkaltu lakah pakhat, Jesuh nih a dawtmi kha Jesuh ṭang hngatchan in a ṭhu.

JOHAN 13:23 ပူးပေါင်းရင်းမြစ်များ

2 SAMUEL 12:3

sihmanhsehlaw misifakpa nih cun a cawkmi tuu a nute pakhat lawng khi a ngeih. Cun amah nih cun a cawm i a fale hna he cun an ṭhang ṭi, a kheng le a hrai kha aa hrawm ve tawn i a ṭang chungah a pom tawn, amah cu a caah fanu bantuk a si ko.

1 SIANGPAHRANG 4:5

Nathan fapa Azariah kha peng uktu bawi hna cung bawi a si; Nathan fapa Zabud cu tlangbawi le siangpahrang kawi a si;

LUKA 16:22

Misifakpa cu a thi i vancungmi nih vancung puai tuahnak ah khan an zuanpi i Abraham pawngah khan an ṭhutter. Mirumpa zong cu a thi ve i an vui.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

JOHAN 11:3

Cu unau pahnih hna nih cun Jesuh cu bia an hei cah i, “Bawipa, na dawtmi na hawi kha a zaw,” an ti.

JOHAN 11:36

Cucaah Judah mi nih cun, “Zeitluk in dah a dawt kha zohhmanh u,” an ti.

JOHAN 11:5

Jesuh nih Martha le a naunu le Lazaruh kha a dawt hna.

JOHAN 13:24

Simon Peter nih khan a kut a zaoh i, “A chimmi hi ahodah a tihnawh duhchanmi kan si hnga, hei hal tuah,” tiah a ti.

JOHAN 13:25

Cucaah Jesuh cu a zultu nih khan a hei naih deuh i, “Ahodah a si? Bawipa,” tiah a hal.

JOHAN 19:26

Cuka i a nu le a dawtmi a zultu an dir ko kha a vun hmuh hna i a nu cu, “Ka nu, khaka ah khan na fapa a um khah,” tiah a vun ti,

JOHAN 20:2

Mary cu a tli i Simon Peter le zultu dang pakhat, Jesuh nih a dawtmi kha, “Bawipa cu thlan chung khan an lak cang i khuazei i an chiah kan hngal lo,” tiah a chimh hna.

JOHAN 21:20

Peter cu a hun i mer i Jesuh dawtmi zultu nih a zulh hna kha a hmuh — cu pa cu rawl an ei lio i Jesuh hngauh in a um i, “Bawipa, ahodah nangmah rawitu cu a si lai,” tiah a haltu kha a si.

JOHAN 21:24

Hi pa cu zultu a si i hi thil hna a chimtu le a ṭialtu zong a si; a chimmi cu ahmaan ti kha kan hngalh.

JOHAN 21:7

Jesuh dawtmi zultu nih khan Peter cu, “Bawipa dahkaw a si,” tiah a chimh. Bawipa a si ti kha Peter nih cun a theih tikah a puan kha aa menh i ti chungah a zuang (a puan kha a rak i phoih caah a si).