JOHAN 11:48 - Lai (Hakha) Common Language Bible 2006

⁴⁸ Hitihin kan thlahdorh ko ahcun mi vialte nih an zumh lai. Cun Rom pawl kha an ra lai i kan biakinn he kan miphun he an kan hloh dih lai,” an ti.

Laibaibal Thiang (BSI)

⁴⁸ Hibangin kan zohsawh ko ahcun, mi vialte nih Amah an zumh lai, Rommi an ra lai i kan hmun le kan miphun hi an kan lâkpiak ko lai,” tiah an ti.

JOHAN 11:48 ပူးပေါင်းရင်းမြစ်များ

MATTHAI 22:7

Siangpahrang cu a thin a hung i a ralkap kha a thlah hna i cu lainawngmi hna cu a thah hna i an khua kha a duah hna.

MATTHAI 22:9

Cucaah zatlang lam ah khan va kal u law nan hmuhmi paoh vun sawm hna u,’ tiah a ti.

MATTHAI 24:15

“Cun profet Daniel nih, ‘Ṭhiotu Fihnung,’ a timi kha hmunthiang i a dir cu nan hmuh lai. (A reltu hna, hi a sullam hi i hngalh u).

MATTHAI 27:25

Mizapi nih cun an dihlak in, “Hi pa thahnak ruang i dantatnak cu kanmah le kan tefa hna cungah tlung ko seh,” an ti.

LUKA 11:52

“Nannih Phungbia cawnpiaktu saya hna, nan caah ṭihnung a va si dah. Hngalhnak innka hunnak tawh kha nannih nih nan ken, nanmah cu nan lut duh ṭung lo i luh aa zuammi hna zong kha nan dawnh fawn ṭung hna,” tiah a ti.

LUKA 8:12

Lam i a tlami thlaici cu, a theih cu a theimi an si ko: asinain khuachia nih a rathnawh hna i an lung chungin thlaici kha a chuahpiak ṭhan hna caah a zum lo i khamhnak a hmu lomi kha an si.

JOHAN 1:7

Johan nih cun mi kha ceunak kong cu a chimh hna. Mi vialte nih cu kong cu an theih i an zumh nakhnga annih chimh awk i a rat cu a si.

LAMKALTU 5:28

A thawh hna i, “Hi pa min hin cawnpiak hna hlah u tiah fek tein nawl kan in pek hna, sihmanhsehlaw nan tuahmi hi zohhmanh u! Jerusalem khua hi nan cawnpiaknak in nan khahter i hi pa thihnak hi kanmah tuahmi siter nan duh,” tiah a ti.