JOHAN 11:40 - Lai (Hakha) Common Language Bible 2006

⁴⁰ Jesuh nih Martha cu, “Na zumh ahcun Pathian sunparnak na hmuh lai, tiah ka rak in ti lo maw?” tiah a ti.

Laibaibal Thiang (BSI)

⁴⁰ Jesuh nih, “Na zumh ahcun Pathian liannganâk nahmuh lai, kan ti lo maw?” tiah a ti.

JOHAN 11:40 ပူးပေါင်းရင်းမြစ်များ

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

SALM 63:2

Hmunthiang ah cun in hmu ning law zeitluk in dah na lianhngan le na sunpar kha in hngal ning, ti ka duh.

SALM 90:16

Kannih na sal rual hi khuaruahharmi thil na tuahmi cu kan hmuhter law kan tefa hna nih a liannganmi na ṭhawnnak cu hmu ve hna seh.

EXODUS 16:7

zinglei ah Bawipa sunparnak kha nan hmuh lai. Amah cung i nan phunhrannak kha a theih. Asi, nan phunhran kha amah cung i nan phunhran a si, zeicahtiah kannih cu phunhranhnawh awk tlak kan si ṭung lo,” an ti hna.

MATTHAI 17:20

Jesuh nih cun, “Nan zumhnak a zat lo caah a si. Hihi va philh hlah u: Anṭam ci tiate hmanh zumhnak nan ngeih ahcun, hi tlang hi, ‘I thawn,’ ti u law aa thawn ko lai. Zei paohpaoh kha nan tuah khawh ko lai.

MARKA 9:23

Jesuh nih, “Na kan bawmh khawh ahcun na ti maw? Asi, zumhnak a ngeimi caah cun zei paoh a si kho ko,” tiah a ti.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOHAN 11:4

Cu bia cu Jesuh nih a theih tikah, “Hi zawtnak hi a donghnak cu thihnak a si lai lo, sihmanhsehlaw Pathian sunparnak langhternak caah a si lai i hi thawng hin Pathian Fapa zong nih sunparnak a hmuh lai,” a ti.

JOHAN 12:41

Isaiah nih hi bia a rak chimmi cu Jesuh sunparnak kha a rak hmuh caah a si i amah kong cu a rak chimmi kha a si.

JOHAN 9:3

Jesuh nih cun, “A mitcawtnak hi amah sualnak ruangah siseh, a nu le a pa sualnak ruangah siseh a si lo. Pathian ṭhawnnak cu amah damnak thawng hin a langh nakhnga caah a mit a cawt hi a si.

ROM 6:4

Cucaah tichung i tipilnak kan vung in ah khan amah he vui ṭi kan si i a thihnak ah khan kan thi ve; cu bantuk ṭhiamṭhiam in Khrih cu Pa sunparnak ṭhawnnak nih a thawhter bang khan kannih zong nunnak thar ah kan nung ve lai.

2 KORIN 3:18

Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa rianṭuannak cu a si.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.