JOHAN 10:24 - Lai (Hakha) Common Language Bible 2006

²⁴ Judah mi nih khan an fuh i, “Zei can dah lungawṭawm in na kan chiah lai? Biafiang kan chim: Messiah cu na si maw?” an ti.

Laibaibal Thiang (BSI)

²⁴ Judah mi hna nih an rak kulh i, “Zeicandah lung awṭawm in nakan umter lai? Krih na si ahcun fing tein kan chim lawlaw,” tiah an ti.

JOHAN 10:24 ပူးပေါင်းရင်းမြစ်များ

1 SIANGPAHRANG 18:21

Cun Elijah cu mi vialte pawngah khan a ra i, “Zei can dah bei lengmang in ruahnak pahnih he nan kal lai? Bawipa cu Pathian a si ahcun, amah cu zul u; sihmanhsehlaw Baal cu Pathian a si ahcun, amah cu zul fawn ko u,” tiah a ti hna. Mi zapi nih cun bia kaa khat hmanh an let lo.

MATTHAI 11:3

“ ‘A ra dingmi cu nangmah hi na si maw, asiloah, midang dah kan hngah rih lai,’ tiah va hal u,” a ti hna.

MARKA 8:32

Hihi fiang tein a chimh hna caah Peter nih kaa dang deuh ah khin a hei i kalpi i a mawhchiat.

LUKA 3:15

Mizapi cu an i ruahchannak kha a hung ṭhang i Johan hi aho ko dah a si hnga, amah hi Messiah cu a si sual hnga maw, tiah an ruat lengmang.

JOHAN 1:19

Jerusalem khua Judah upa hna nih tlangbawi hna le Levi mi hna cu Johan sinah khan an hei thlah hna i, “Ahodah na si?” tiah an va hal.

JOHAN 10:31

Cun Judah mi hna nih cun amah chehnak ah lung an i char ṭhan.

JOHAN 10:33

Judah mi nih cun, “Lung in cheh kan in duhnak cu thil ṭha ruangah a si lo, Pathian na serhsat ruangah khan a si deuh. Nang cu minung menmen na si ko nain Pathian ah ser naa zal,” an ti.

JOHAN 16:25

“Atu caan tiang cu tahchunhnak bia in kan cawnpiak lengmang hna, asinain ka Pa kong kha tahchunhnak hmang ti loin biapiang in kan chimh hna lai caan a phan lai.

JOHAN 8:25

Annih nih, “Aho ka si na ti dah cu?” tiah an hal. Jesuh nih cun, “A hramthawk tein kan chimh lengmangmi hna kha hen ta.

JOHAN 8:53

Kan pu Abraham cu a thi cang; Abraham nakin ka ngan deuh na ti ko lo maw cu? Cun profet hna zong cu an thi cang. Aho ah dah naa rel?” an ti.

JOHAN 9:22

Cu bantukin a nu le a pa nih an chim cu zeicahdah a si ti ahcun, Judah upa hna nih khan Jesuh cu Messiah a si tiah a titu paoh cu pumhnak inn khan kan chuah hna lai tiah hnatlaknak an rak tuah cang i cu hna cu an ṭih hna caah a si.

2 KORIN 3:12

Hi ruahchannak kan ngeih caah hin kan ral a ṭha ngam.