JOHAN 10:20 - Lai (Hakha) Common Language Bible 2006

²⁰ Mi tampi nih, “Khuachia a ngei, a hrut cang, zeicahdah a bia nan ngaih?” an ti.

Laibaibal Thiang (BSI)

²⁰ Mitampi nih, “Khuachia nih a tuah i a mawlhmi a si, zeiruangahdah a bia nan ngaih?” tiah an ti.

JOHAN 10:20 ပူးပေါင်းရင်းမြစ်များ

ISAIAH 53:8

An tlaih, thah awkin bia an khiah i thah awkah an kalpi, zei ti a va um te lai ding kha ahohmanh an zei a poi lo.

JEREMIAH 29:26

“Bawipa nih Jehoiada hmun ah khan tlangbawi ah an ser cang i atu cu biakinn chungah bawi bik na si cang. Cucaah na rian cu profet ka si aa timi, mihrut hna paoh kha thir cincik in khih le an hngawng i thirkual oih kha a si lai.

MATTHAI 10:25

Cucaah siangngakchia caah a saya tluk si cu a za ko i sal caah a bawi tluk si kha a za ko. Innchungkhar i an lu cu Beelzebul ti a si ahcun, innchungkhar mi chinchin cu cu nak min chia deuh in pei auh an si lai cu,” tiah a si.

MATTHAI 11:18

Johan cu a ra i rawl a ul i zu zong a ding lo, asinain a mi kip nih, ‘Khuavang a ngei,’ an ti.

MATTHAI 9:34

Sihmanhsehlaw Farasi mi hna nih cun, “Khuachia ṭhawl khawhnak nawl a petu hi khuachia bawi a si,” an ti.

MARKA 3:21

Cucu le mi nih, “A hrut cang,” an ti kha a chungle nih an theih tikah, kan va hnuh lai, tiah an i thawh.

JOHAN 7:20

Mizapi nih cun, “Khuachia na ngei i a si ko lai? Aho nih dah thah kan in zalh?” an ti.

JOHAN 8:52

Judah mi nih cun an thawh i, “Atu cu khuachia na ngei hrimhrim ti kha fiang tein kan hngalh cang. Abraham cu a thi diam cang, profet hna zong kha an thi cang, asinain naa thawh i, ‘Ka bia a zulmi cu zeitikhmanh ah an thi lai lo,’ na ti.

LAMKALTU 26:24

Cu bantukin Paul nih a sual lonak kong a chim lioah khan Festas nih cun a hei auh chih i, “Paul, na hrut cang! Na cawn sannak nih an hruhter cang,” tiah a hei ti.