JOEL 2:28 - Lai (Hakha) Common Language Bible 2006

²⁸ “Cun cu hnuah cun, mi vialte kha ka thlarau ka toih hna lai i Nan fapa hna le nan fanu hna nih ka bia kha an chim lai, Nan tar hna nih mang an manh lai i Nan tlangval hna nih langhnak an hmuh lai.

JOEL 2:28 ပူးပေါင်းရင်းမြစ်များ

PHUNGTHLÛKBIA 1:23

Kan chimhhrin hnanak kha nan ngaih ahcun ruahnak kha kan cheuh hna lai i Ka bia kha kan cawnpiak hna lai.

ISAIAH 32:15

Asinain Pathian nih voi khat cu a thlarau kha a kan thlahhnawh ṭhan lai. Zeihmanh a ṭhahnem lomi hmun kha vawlei ṭha ah a cang ṭhan lai i lo chungin rawl tampi a chuak ṭhan lai.

ISAIAH 40:5

Cun Bawipa sunparnak cu a lang lai i mi vialte nih an hmuh lai. Hi biakamnak cu Bawipa hrimhrim nih a tuahmi a si,” a ti.

ISAIAH 44:3

“Ti a halmi ram kha ti ka pek lai i thetse ram ah khan tiva ka luanter hna lai. Nan tefa cu ka lianhngannak ka toih hna lai i nan ciruang cu ka thluachuahnak ka toih hna lai.

ISAIAH 49:26

Nanmah an hremtu hna cu anmah le anmah kha ka thahter hna lai, lainawn le thinhun kha a rit in an i rit chih lai. Cu tikah mi vialte nih Bawipa ka si kha an hngalh lai i, nanmah an khamhtu hna le an luattertu hna ka si kha an hngalh lai. Keimah cu Israel Pathian ṭhawng ka si kha an hngalh lai,” a ti.

ISAIAH 49:6

Bawipa nih cun a ka thawh i, “Ka sal, nangmah caah rian ngan deuh chin ka ngei; Israel mi chungin a tangmi hna kha lianhngannak ah phakter ṭhan lawng si loin, Nangmah cu miphun hna ca ceunak ah kan ser lai — cuticun vawlei dihlak nih khamhnak a hmuh lai,” a ti.

ISAIAH 54:13

“Keimah hrimhrim nih na mi cu ka cawnpiak hna lai i ṭhanchonak le daihnak ka pek hna lai.

JEREMIAH 23:25

Ka min in lih a chimmi profet hna nih, ‘Mang ka manh cang, mang ka manh cang,’ an ti cu ka theih.

JEREMIAH 23:28

Profet pakhatkhat nih mang a manh ahcun, a mang cu chim ko seh, bia chim awk a ngeih ahcun, ka bia cu a ning tein chim ko seh. Favai le a fang cu nan thleidang kho hna lo maw, tiah Bawipa nih a ti.

EZEKIEL 36:27

Ka thlarau cu nan chungah ka khumh lai i ka nawlbia he aa tlak in kan umter hna lai i ka phunglam zulh in nan nung lai.

EZEKIEL 37:14

Khi tikah ka thlarau cu nan chungah ka chiah lai i nan nung lai i nan vawleite ah khan kan umter hna lai i hi bia cu Bawipa nih ka chimmi a si i tuah zong ka tuah laimi a si ti kha nan hngalh lai. Mah hihi Bawipa bia hrimhrim a si,” a ti.

EZEKIEL 39:29

Israel mi hna cungah ka thlarau kha ka thlet lai caah annih cu ka hmai kha ka thuhkanh ti hna lai lo, tiah Bawipa Pathian nih a ti.

DANIEL 7:1

Babilon siangpahrang Belshazzar a bawi kum khatnak ah, Daniel nih a ihkhun i a ih lioah khan mang le langhnak kha a lu chungah an hung lut. Cun a mang cu a ṭial i a ṭialmi cu hitihin aa thawk:

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

NAMBAR 11:17

Cun ka rung ṭum lai i khika ah nangmah he kan i chawn lai; cun nangmah cungah a ummi thlarau cu tlawmpal in ka lak lai i an cungah ka chiah lai i nangmah lawng nih na phorh nakhnga lo, mi hna thil cu an in phorhpi lai.

NAMBAR 12:6

Cun amah nih, “Ka bia ngai tuah u: Nannih lakah profet an um tikah Bawipa keimah nih langhnak in an sinah kaa hngalhter i mang in ka chawnh hna.

LUKA 1:67

A pa Zekhariah cu Thiang Thlarau in a khat i, Pathian bia kha a chim:

LUKA 3:6

Cun minung phun paohpaoh nih Pathian khamhnak kha an hmuh lai,’ a ti,” tiah aa ṭialmi kha a hung tling.

JOHAN 7:39

Jesuh nih a chim duhmi cu Thlarau kong kha a si, cu Thlarau cu amah a zummi paoh nih an hmuh ding kha a si. Cu caan ah cun Thlarau cu pek an si rih lo, zeicahtiah Jesuh cu sunparnak in thawhter a si rih lo.

LAMKALTU 2:33

Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

LAMKALTU 2:39

Zeicahtiah Pathian nih bia a kamhmi hna cu nanmah hi le nan fale hna hi le lam hlat pipi i a ummi hna zong nan si — Bawipa kan Pathian nih an kawhmi hna paoh caah hin a si,” tiah a ti.

LAMKALTU 21:9

Amah nih cun va a ngei lomi fanu pali a ngeih hna i annih nih cun Pathian bia kha an chim.

GALATI 3:28

Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.

HEBRU 1:1

Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si.

1 SAMUEL 19:20

Khi tikah Saul nih David kha lak awkah mi a hei thlah hna; annih nih profet bu cu an holh cukmak len ko le Samuel kha an cungah haotu in a um kha an va hmuh tikah, Saul nih a thlahmi hna cungah khan Pathian thlarau cu a tlung i annih zong an holh cukmak ve.

1 SAMUEL 19:21

Mah cucu Saul kha an chimh tikah, midang kha a thlah ṭhan hna; cun annih zong cu an holh cukmak ve. Cun Saul nih a voi thumnak ah mi a hei thlah ṭhan hna i annih zong cu an holh cukmak ve ṭhiamṭhiam.

1 SAMUEL 28:6

Cun Saul nih Bawipa kha a hal tikah Bawipa nih mang in siseh, Urim in siseh, profet hna in siseh, a let lo.