JOB 9:5 - Lai (Hakha) Common Language Bible 2006

⁵ Tlang cu a ṭhial hna i a thinhun in a leh hna tikah an hngal lo;

JOB 9:5 ပူးပေါင်းရင်းမြစ်များ

JOB 26:6

Sheol cu Pathian hmaiah cun taklawng in a um i Abaddon cu a khuhnak a chin kha hun a si.

JOB 28:9

“Minung nih ṭeklung pipi cu an kuai hna i tlang pipi cu a hram in an leh dih hna.

JOB 34:25

Cucaah an tuahmi vialte kha pakpalawng ah a canter i Zan ah khan a merhnawh hna i an kuai dih.

JOB 40:11

Na thinhunnak cu chuahter law aa porhlawmi paoh cu zoh hna law ṭhum hna.

JOB 41:11

Amah a dotu paoh cu, ahodah hmapu loin a um hna? Van kaupi tangah hin pakhat hmanh an um lo.

SALM 114:6

Tlang hna zeicahdah meheh bantukin nan i hlawh? Fing hna, zeicahdah tuu bantukin nan peh i nan choi?

SALM 46:2

Cucaah cun vawlei cu i hnin in tlang cu rili chungah tla hna hmanh seh law ka thin a phang lai lo;

SALM 68:8

vawlei cu aa hnin i van in ruahpi a sur; cu bantukin a si cu Sinai Tlang Pathian a rat ca le Israel Pathian a rat ruangah a si.

ISAIAH 40:12

Aho tal nih rilipi ti khi a zapei kuar in a tah kho maw? van khi tah a khap in a tah khotu aho tal an um maw? Vawlei hi tah aho nih dah hrai pakhat chungah a vawlei a khumh dih khawh? Asiloah, fing le tlang vialte hna hi aho nih dah cuaithlainak in a thlai khawh hna?

NAHUM 1:5

A hmaiah tlang pipi kha an i hnih i tlang hme deuhdeuh hna kha an i let, A hmaiah vawlei le a cung i a ummi vialte hna cu i tuaibur in an um.

NAHUM 1:6

Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

HABAKKUK 3:10

Tlang nih an in hmuh tikah an i ngerh cukmak, Tilian hna cu an luang hluahmah; a thukmi rili hna cu an awn.

HABAKKUK 3:6

A dir tikah vawlei kha aa hnin, a zoh hna tikah miphun kha an ther; Zungzal in a hmunmi tlang hna cu an i cheu i zungzal in a hmunmi fing hna cu an cim;

ZEKHARIAH 4:7

Dawntu, tlang tia pipi kha na hmai in an lo lai. Biakinn cu na sak ṭhan lai i lung hmanung bik na vun khin ah khin mizapi nih, “Aa dawh, aa dawh,” tiah an au lai.

MATTHAI 21:21

Jesuh nih cun, “Hihi philh hlah u: nan zumh i lung awṭawm lo tein nan um ahcun, hi theipi kung cung i ka tuahmi hi nan tuah khawh ve lai; cu lawng hmanh si loin hi tlang hmanh hi, ‘I ṭhial law rili chungah i paih,’ nan ti ahcun aa ṭhial lai i aa paih ko lai.

MATTHAI 27:51

Khi tikah Biakinn chung puanzar kha a lu in a taw tiang aa cheu. Vawlei kha aa hnin, lung kha an i cheu i

LUKA 21:11

hmun kip ah ṭih a nungmi lihnin le mangṭam le ngal-eu zawtnak a tlung lai; thil ṭihnung le hmelchunhnak ngan pipi kha van in an lang lai.

1 KORIN 13:2

Phungchim thiamnak laksawng ka hei ngei ko hnga i hngalhnak phun tling ka hei ngei ko hnga i biathuk vialte ka hei hngalh dih ko hna hnga; cun tlang ṭhial khawhnak zumhnak zong ka hei ngei ko hnga, sihmanhsehlaw dawtnak ka ngeih lo ahcun zeihmanh ka si lo.

BIAPHUAN 11:13

Cu caan te ah cun lihnin fak ngaingai pakhat a um; khuapi cu cheu hra cheukhat a rawk i minung thong sarih lihnin nih cun a thah hna. A tangmi pawl cu an thin a phang i vancung Pathian a lianhngannak kha an thangṭhat.

BIAPHUAN 6:14

Cazual an zual bantuk khin van cu a lo i tlang le tikulh vialte cu an umnak hmun in an ṭhial dih hna.