JOB 9:4 - Lai (Hakha) Common Language Bible 2006

⁴ Pathian cu a lungthin in a fim i a thazang in a ṭhawng Aho nih dah an doh khawh lai?

JOB 9:4 ပူးပေါင်းရင်းမြစ်များ

2 CHANRELNAK 13:12

Zohhmanh u, kan hmaisuang ah Pathian cu a um i nannih doh awk i thawng thanhtu ah tlangbawi hna cu an raldohnak muko he an um. Maw Israel fale hna, Bawipa nan pupa hna Pathian cu doh hlah u, zeitintiah nan hlawhtling lai lo,” tiah a ti.

2 CHANRELNAK 20:6

“Maw Bawipa, kan pupa hna Pathian, nangmah cu vancung i Pathian na si lo maw? Miphun hna ram vialte cu nangmah nih na uk lo maw? Nangmah na kut chungah lianhngannak le ṭhawnnak cu an um i ahohmanh nih an in celh lo.

JOB 11:6

Fimnak hi thap tampi a um i Minung fimnak nih a phak khawh lomi thil thuk an um ti kha an chimh hnga. Pathian nih na sualnak a cheu cu hmu duh loin an umpiak kha hngal tuah.

JOB 15:13

Zei nih dah na thinhunnak kha Pathian cungah an chuahnawhter i Cu bantuk bia hna cu na kaa in na chuahter len hna?

JOB 23:6

Keimah cu nam chih awkah a ṭhawnnakpi cu a hmang hnga maw? A hmang lai lo, ka bia cu a ka ngaihpiak deuh ko lai.

JOB 24:22

Sihmanhsehlaw Pathian nih a ṭhawnnak in a ṭhawngmi kha a thah hna i Pathian nih a ṭuan tikah cun miṭhalo mi cu an thi.

JOB 25:2

“Pathian cu zeizong vialte tuah khotu a si, A pennak vancung ah khin daihnak a umter.

JOB 28:23

“Sihmanhsehlaw cuka kalnak lam cu Pathian nih a hngalh i Amah lawnglawng nih a hram cu a hngalh.

JOB 36:5

“Pathian nih a sangmi le a ṭhawngmi cu a hrawh hna i Miṭhalo cu thluachuahnak a pe hna lo.

JOB 37:23

Lianngan Bik cu kannih nih kan hmu kho lo; Amah a ṭhawnnak cu kannih nih kan hngalh khawh leng a si, A dinnak cu biading tuah awkah khan a khul a nuar lo.

JOB 38:36

Aho nih dah khuadawm chungah khin fimnak a chiah i minmei cu hngalhnak a pek hna?

JOB 38:37

Vawlei cu thir bantukin a hah i leitlang hna cu pakhat le pakhat an i sengh dih tikah, Ahodah ruah kha kawh khawhnak dingah le vancung ti khonnak cu phongh khawhnak dingah, fimnak a ngei?

JOB 40:9

Pathian kut bantuk kut na ngei maw? Amah aw bantukin khuarit in na ri kho maw?

JOB 41:2

A hnar cu hri in na thil kho hnga maw? A kha chungah sio na banh kho hnga maw?

JOB 6:10

Mah hihi ka hnangamnak a si ko hnga; Zawnruahnak ngei lo fahnak ah cun kaa lawm ko hnga; Zeicahtiah Mi Thiang bia cu ka hlaw hna lo.

JOB 9:19

Thazang zuamkhawnnak a si ahcun, zohhmanh, amah cu a ṭhawng bik a si ko! Cun biading kong ah a si ahcun, aho nih dah, a bia cu ngaihpiak ko, tiah an ti khawh lai?

SALM 104:24

Bawipa, na sermi thil hi an tam hringhran ko! An dihlak in fimnak in na ser hna. Vawlei cu na sermi thil in a khat.

SALM 136:5

A fimnak in van khi a ser hna, a dawtnak cu zungzal in a hmun.

EXODUS 15:7

A ṭhawngmi na lianhngannak in na ral cu na tei hna i na thinhunnak cu a alh in a alh i, capawl bangin a kangh dih hna.

EXODUS 9:7

Faro nih khan zeitindah thil umtuning a si ti kha a hal tik hna ah, Israel mi ta a simi saṭil cu pakhat hmanh an thi lo ti kha a hngalh. Sihmanhsehlaw Faro cu a lung a hak ṭhiamṭhiam i a kalter duh hlei hna lo.

PHUNGTHLÛKBIA 28:14

Bawipa a ṭih zungzalmi cu mi thluachuak an si, sihmanhsehlaw a lung a hahtermi cu vanchiatnak chungah an tla lai.

PHUNGTHLÛKBIA 29:1

Atu le atu chimhhrin a si ko nain a lung a ṭhawng rih komi cu, Damh khawh ti loin chikkhatte ah a kiak lai.

ISAIAH 45:9

Tlak um nih a sertu kha bia a al ngam hnga maw? Um dang bantuk cio a si vemi nih khan a al ngam hnga maw? Um nih khan, a sertu kha, a ser na ka thiam lo, tiah a zaihnawh bal maw?

JEREMIAH 50:24

Maw Babilon, rap na chiah i nangmah rawhnak caah a si; Hngalh loin nangmah le nangmah naa foih ai; Khakha na si cang ko khah, naa foih ko cang khah, Zeicahtiah Bawipa pei na zuamcawh cu.

DANIEL 2:20

Fimnak le ṭhawnnak vialte cu a ta a si caah Pathian min cu chan khat hnu chan khat thangṭhat si ko seh.

NAHUM 1:3

Bawipa cu phuchim le ṭotho in a kal i khuadawm hna cu a ke toi i leidip an si.

ROM 11:33

Pathian hi a va rum hringhran dah! A fimnak le a hngalhnak hi an va thuk hringhran dah! Biakhiahnak a tuahmi hi aho nih dah a sullam an purh khawh lai? A thil tining hi aho nih dah an hngalh khawh lai?

1 KORIN 10:22

Bawipa cu a nahchuak seh ti maw kan duh? Amah nakin kan ṭhawng deuh tiah maw kan i ruah?

EFESA 1:19

a zummi hna chung i rian a ṭuantu a ṭhawnnak cu zeitluk in dah a ngan ti kha nan hngalh khawh nakhnga caah a ceunak cu nan hmuh khawhnak hnga, nan lung kha in hunpiak ko hna seh. Hi kan chung i a ummi ṭhawnnak hi,

EFESA 1:8

Cu tluk tam in a kan pekmi a vel cu a va lianngan hringhran dah!

EFESA 3:10

cu ti a rak thuh cu, khrihfabu thawng hin vancung khua uktu vanmi hna nih hin, Pathian fimnak a phunphun cu, atu caan ah hin hngal hna seh ti a duh caah a si.

EFESA 3:20

Kan chungah rian a ṭuantu a ṭhawnnak thawngin kan hal khawh leng le kan ruah khawh lengin thil a tuah khotu Pathian cu,