JOB 8:9 - Lai (Hakha) Common Language Bible 2006

⁹ Kannih cu nizan mi ceote kan si ko i zeihmanh kan hngal lo, Zeicahtiah vawleicung kan ni hna cu thladem men an si ko.

JOB 8:9 ပူးပေါင်းရင်းမြစ်များ

GENESIS 47:9

Jakob nih cun, “Ka vahvaih chung hi kum za le sawm thum a si cang. Hi kum hna hi a harmi kum an si. Ka pupa hna an vahvaih kum he tuak chun ahcun tlawmte a si ko,” tiah a leh.

1 CHANRELNAK 29:15

Zeitintiah kannih cu, kan pupa vialte hna mipem an rak si bantuk khan, na hmaiah khual kan si; vawleicung i kan nunchung ni hna hi thladem bantuk men an si i ruahchannak zeihmanh a um lo.

2 CHANRELNAK 10:6

Cun Siangpahrang Rehoboam nih cun, a pa Solomon a nun lio i a hmai i a rak dirmi tar hna kha ruahnak a hal hna i, “Hi mi hna hi zeitin va let hna ti ah dah nan ka ti?” tiah a ti.

JOB 14:1

“Nu hrinmi minung paoh cu a chan a tawi i harnak in a khat.

JOB 14:2

Pangpar bangin a hung par i a uai ṭhan ko; Thladem bangin a tli i aa peh lo.

JOB 32:7

Keimah le keimah cu, ‘Kum le khua a saumi nih chim ko hna seh, chan a saumi nih chim ko hna seh,’ kaa ti.

JOB 7:6

Ka ni hna cu thiamtaktu thiampheifung nakin an khul a rang deuh i An donghnak cu ruahchannak zeihmanhlo he an phan.

JOB 8:10

Annih nih nangmah cu an in cawnpiak in an in chim in, an hngalhnak cu an in chim hnga lo maw?

SALM 102:11

Ka nunnak cu zanlei sang thladem bantuk men a si; Kei cu ram bantuk ka si ko.

SALM 102:12

Sihmanhsehlaw Bawipa, nangmah cu siangpahrang na si zungzal ko; chan vialte nih an in philh lai lo.

SALM 144:4

Minung cu thaw bantuk men a si ko, a nun chung ni hna cu a liam zaumi thladem bantuk men an si ko.

SALM 39:5

Ka nunnak hi zabok can men ah na ser! Nang na mit ah cun ka nun chung hi zei karlote bantuk a si ko. Minung hi voi khat thaw chem tluk men an si dih taktak ko;

SALM 82:5

“Nan va hrut thiam dah, nan va fim lo thiam dah! Khuamui chungah nan um i vawlei cungah hin dinnak zeihmanh a um ti lo.

SALM 90:4

Kum thong khat hi nang caah cun ni khat bantuk a si; a dih cangmi nizan bantuk kha a si ko, zan khat chung i suimilam caan tawite pakhat bantuk khi a si ko.