JOB 8:3 - Lai (Hakha) Common Language Bible 2006

³ Pathian nih biading cu a merh bal maw? Asiloah, Lianngan Bik nih a dikmi cu a merh bal maw?

JOB 8:3 ပူးပေါင်းရင်းမြစ်များ

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

2 CHANRELNAK 19:7

Cucaah Bawipa ṭihnak cu nan cungah um seh; nan tuahmi kha i ralring u, zeitintiah Bawipa kan Pathian sinah cun biading merh siseh, duhdanh ngeih siseh, ziknawh siseh, a um lo,” tiah a ti.

JOB 10:3

Mi kha rialchih i nangmah kut nih a sermi kha nautat i Miṭhalo hna khuakhannak hnatlakpi cu, a ṭha tiah na ruah maw?

JOB 19:6

Pathian hi ka cungah a ding lo i, Amah nih a sur in a ka khuh ti hi nan hngal kho lo maw?

JOB 19:7

Mah hihi lainawn a si, tiin ka au ah, ahohmanh nih an ka let lo, Ka bawm u, tiah ka ti ah, dinnak zeihmanh ka hmu lo.

JOB 21:15

Lianngan Bik cu an i thawh i, ‘Ahodah na si i na rian kan ṭuan hnga cu? Na sin i thla kan cam ah zei miaknak dah kan hmuh?’ an ti.

JOB 21:20

An rawhnak cu anmah mit hrimhrim nih hmu seh law Lianngan Bik thinlinhnak cu anmah nih ding hrim ko hna seh.

JOB 34:5

Zeicahtiah Job nih aa thawh i, ‘Kei cu sualnak ka ngei lo i Pathian nih ka dinnak kha a ka lakpiak;

JOB 35:13

Pathian nih au sawhsawhnak cu a thei lo i Lianngan Bik nih mah cucu zeihmanh ah a rel lo.

JOB 36:23

Aho nih dah a lam cu an ruahchungpiak i Aho nih dah, na palh, tiah an ti khawh?

JOB 36:3

A ka Sertu a ding tinak kha ka chim tikah hin Ka bia bawmtu hi lamhlat piin ka va khawmh hna lai.

JOB 37:23

Lianngan Bik cu kannih nih kan hmu kho lo; Amah a ṭhawnnak cu kannih nih kan hngalh khawh leng a si, A dinnak cu biading tuah awkah khan a khul a nuar lo.

JOB 4:17

‘A thi khomi minung hi Pathian hmaiah cun a ding kho maw? Minung hi a Sertu hmaiah a thiang kho maw?

JOB 40:2

“Minung nih Lianngan Bik he bia an i al tikah hin lungṭhawng in um awk a si maw? Pathian he bia aa almi nih hin a leh ṭhan awk a si hnga maw?” a ti.

JOB 40:8

Nangmah cu na ding lo na ka ti ngam lai maw? Asiloah, nangmah cu na din nakhnga keimah cu na palh na ka ti lai maw?

JOB 9:2

“Biangai tein, mah cucu cu bantukin a si tiah ka hngalh ko, Sihmanhsehlaw minung cu zeitindah Pathian hmaiah cun a din khawh lai?

SALM 89:14

Na pennak cu dinnak le biading cungah a hram bunh a si, na tuahmi thil kip chungah hin dawtnak le zumhawktlak sinak an um.

SALM 99:4

A liannganmi Siangpahrang, nang cu ahmaanmi thil a duhmi na si; Israel mi cungah ding tein le a tlari in thil na tuah.

EZEKIEL 18:25

Bawipa nih zulhmi phunglam ngei setsai lo in rian a ṭuan, nan ti. Israel mi hna ngai hmanh u, phunglam ngei loin a tuahtu cu nanmah nan si, keimah ka si lo.

EZEKIEL 33:17

Na mi nih an i thawh i, ‘Bawipa cu zulhmi ningcang zeihmanh ngei lo in rian a ṭuan,’ an ti; sihmanhsehlaw anmah thil ti ning kha pei ningcang ngei lo cu a si cu.

EZEKIEL 33:20

Cucaah maw Israel mi hna, zeitindah nan tuahmi ning tein bia kan ceih hna tikah Bawipa cu ningcang loin rian a ṭuan nan ka ti khawh?’ tiah a ti.

DANIEL 9:14

Bawipa kan Pathian, nangmah nih na tuahmi thil vialte cu a hmaanmi a si i kannih cu nangmah bia a ngai lomi kan si caah nangmah nih kannih dantat awk kha naa tim i dan cu na kan tat taktak.

ROM 2:5

Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

BIAPHUAN 16:7

Cun biakṭheng khan aw pakhat a rak chuak i “Bawipa, Lian Ngan Bik Pathian, na biakhiahnak cu a dingmi le a hmaanmi an si taktak,” tiah a ti thawng kha ka theih.