JOB 7:9 - Lai (Hakha) Common Language Bible 2006

⁹ Minmei a ṭian i a loh bangin, Cu bang cun Sheol i a vung kalmi cu a hung ṭhan ti lai lo.

JOB 7:9 ပူးပေါင်းရင်းမြစ်များ

2 SAMUEL 12:23

Sihmanhsehlaw atu cu a thi cang; zeicahdah rawl cu ka ulh ti lai? Ka nunter ṭhan khawh lai maw? Keimah cu a sinah ka kal te lai, sihmanhsehlaw amah cu ka sinah a ra kir ṭhan lai lo,” tiah a ti.

2 SAMUEL 14:14

Kannih cu kan dihlak in kan thi hrimhrim ko lai, vawlei i thletmi ti ruh ṭhan khawh ti lomi bantuk khi kan si; sihmanhsehlaw hi a zammi fapa hi phung leng chuahmi si lo dingin khua a khangtu cu a nunnak Pathian nih a lakpiak lai lo.

JOB 11:8

Van nakkhin a sang deuh — zeidah na tuah khawh lai? Sheol nakin a thuk deuh — zeidah na hngalh khawh lai?

JOB 16:22

Zeicahtiah ka kir ṭhan ti lai lo nakding lam ka zulhnak dingah hin Kum tlawmte lawnglawng a duh ko.

JOB 17:13

Ruahchannak zeihmanh ka ngei ti lo, Sheol hi ka umnak ding inn a si ko, Khika ah ka it lai: mui lakah cun ka it ko lai.

JOB 17:16

Keimah he vui ṭi awk le Sheol i vung kal ṭi awkah, Aa timmi aho tal an um maw?” tiah a ti.

JOB 3:13

Kha lioah khan rak thi ning law, atu cu kaa din diam cang hnga.

JOB 30:15

Ṭihnung nih khan an ka tlunhnawh chin luaimai i Kaa ruahchihmi kha thlitu choih bangin a choi i Teinak kaa ruahchanmi cu minmei bangin a ṭian.

JOB 37:11

Khuadawm chah pipi cu an chungah ti a rawn hna; Khuadawm nih a minmei cu khuazakip ah a ṭhek hna.

SALM 39:13

Thlan mual ka liam i ka um ti lo hlanah hin lunglawmhnak tlawmpalte tal ka hmuh nakhnga hnahnawk lo tein run ka umter ko.

ISAIAH 26:14

Atu cu an thi cang i an nung ṭhan ti lai lo, an thlarau cu a tho ṭhan lai lo, zeicahtiah nangmah nih dan na tat cang hna i na hrawh cang hna. Ahohmanh nih an hngal ti hna lo.

ISAIAH 38:11

Minung mi hna vawlei cungah hin, Bawipa si seh, a nungmi si hna seh, ka hmu ti rua hna lai lo, ka rak ti.