JOB 7:5 - Lai (Hakha) Common Language Bible 2006

⁵ Ka titsa cu tholung le hmunthur nih an tuam i Ka cuar cu a car i a kek ṭhan tawn.

JOB 7:5 ပူးပေါင်းရင်းမြစ်များ

JOB 13:28

Amah cu a ropmi saphaw bantuk, Rungrul nih a eimi puan bantuk a si.

JOB 17:14

Thlan cu, ka pa na si, ka ti lai i A ka eitu rungrul cu, ka nu le ka far nan si, ka ti hna lai.

JOB 17:7

Ngaihchiatnak in ka mit cu a mui cang i Ka kutke vialte hi thladem bantuk ceo an si cang.

JOB 19:20

Ka ruh cu ka cuar lengah an fong i ka ha vun in ka luat.

JOB 19:26

Cun ka cuar cu hrawh a si dih tikah ka titsa in Pathian cu ka hmuh lai.

JOB 24:20

Ahohmanh nih amah cu an hngal ti lo, a nu hmanh nih a hngal ti lo; Tholung nih an ei i a rawk dih cikcek.

JOB 9:31

Nawncek chungah cun na ka thlak ṭhiamṭhiam ko lai i Keimah ka thilthuam lila nih fihnung ah an ka ser ding a si ko.

ISAIAH 1:6

Nan kechik in nan luthlung tiang, nan pum cungah hin khuazei hmanh ah damnak a um lo, hma le rung in nan khat dih. Nan hma cu an in ṭawlpiak hna lo i an in tuampiak hna lo. Si zong an in thuhpiak hna lo.

ISAIAH 14:11

Tingtang aw dawhdawh he upatnak an rak in pek tawnmi kha atu cu mithi khua ah na um ve ai cang. Tholung a khatmi ihkhun ah na it ve cang i cangcel nih a zual in an in zual ve ai cang,” an rak ti.

ISAIAH 66:24

“An chuah pah ah a ka dohtu hna an ruak kha an hmuh lai. An sa a eitu tholung kha zeitikhmanh ah an thi lai lo i a kanghtu hna mei kha zeitikhmanh ah a mit lai lo. Annih cu an hmuh hna tikah mi vialte cu an luak a chuak lai.”

EZEKIEL 20:43

Khika ah nannih nih hlanlio nan umtuning le nan i thurhhnawmhnak thil ṭhalo vialte kha nan hngalh hna lai i thil ṭhalo nan rak tuahmi vialte ruangah khan nan i fih lai.

LAMKALTU 12:23

Herod nih Pathian kha upatnak a pek lo caah Bawipa vancungmi nih chikkhatte ah a vun tuk. Amah cu tholung nih an ei i a thi.