JOB 7:20 - Lai (Hakha) Common Language Bible 2006

²⁰ Ka sual a si ahcun, nang minung lungthin a zohtu, Na cungah zei fahnak dah ka tuah? Zeicahdah keimah cu naa chingchiahmi ah na ka ser? Zeicahdah keimah cu na ca i thilrit ah ka can?

JOB 7:20 ပူးပေါင်းရင်းမြစ်များ

ṬAHNAK HLA 3:12

A likuk kha a za a sih i Keimah cu cantiang hna ca hmuichon ah a ka ser.

SALM 36:6

Na dinnak cu tlang nganpi bantukin a fek i na biakhiahnak cu rilipi bantukin a thuk. Bawipa, nangmah nih minung le saram cu na zohkhenh hna.

JOB 3:24

Ka aihramnak cu ka rawl a si i Ka hrum-ainak cu ti luan in a luang.

SALM 80:4

Maw Lianngan Bik Bawipa Pathian, zeitik tiang dah na mi hna kan thlacamnak hi let duh loin na kan um lai?

SALM 21:12

A thal in a kah hna lai i an i mer lai i an thi lai.

JOB 35:6

Na sual a si ah, zeidah amah ralchanh in na tuah khawh? Cun na phungbuarnak cu a tam chin zongah, amah cu zeitindah na ti khawh hlei?

JOB 33:27

Cun mi vialte hmaiah, ‘Ka sual cang, Dinnak kha dinlonak ah ka ser cang i cucu ka rak ruat bal lo,’ a ti ahcun,

JOB 33:9

‘Ka thiang, sualpalhnak ka ngei lo, soiselnak ka ngei lo i ṭhat lonak ka chungah a um lo.

JOB 31:33

Zapi congoih kha ṭih in ka minung hawi nihsawh kha ka phan caah Midang nih ṭhat lonak an tuahmi an thuh bangin ka thup bal maw? Ka sualnak cu keimah theih awk lawngah ka chia bal maw?

JOB 22:5

Nangmah cu miṭhalo ngai na si i na sualnak hi dongh a hngalh lo.

JOB 14:16

Khi tikah ka kekar cu na rel hna lai i Ka sualnak cu na ngia peng ti lai lo;

JOB 13:26

Nangmah nih ka dantatnak ding cu na ṭial hna i Ka tlanval lio ka ṭhat lonak rocotu ah khan na ka ser.

JOB 6:4

Zeicahtiah Lianngan Bik nih a thal in a ka kah i A sivai nih ka thlarau cu a ciah. Pathian ṭihnunnak nih cun hmaitonh in an ka tianhnawh.

NEHEMIAH 9:6

Nangmah lawnglawng hi Bawipa cu na si; nangmah nih van cu na ser, a sang bik van cu a chung i a ummi thil vialte he na ser hna i vawlei le a cung i a ummi thil vialte zong hi na ser hna i rili le a chung i a ummi thil vialte zong hi na sermi an si dih. An dihlak hin nangmah nih na hmunhter hna i van i a ummi thil vialte nih khin nangmah cu an in biak.

JOB 10:14

Sual seh law, a sualnak kha ngaihthiam duh loin umning, tiah na ka ngiat.

JOB 10:2

Pathian cu ka thawh lai i, ‘Sual ka phaw hlah; Zeicahdah na ka ralchanh hi a si, ka hngalhter.

JOB 10:6

Cucaah cun maw, keimah cu a sual lo, ti na hngal ko na le, Na kut chungin chuah khotu ahohmanh a ngei hna lo ti na hngal ko nain, Ka ṭhat lonak cu na hlat i ka sualnak cu na kawl?