JOB 7:16 - Lai (Hakha) Common Language Bible 2006

¹⁶ Ka hnabei a dong, nun hi ka duh ti lo. Hnahnawh lo tein keimah te lawng in um ko ning, ka nunnak cu tikhu men a si ko.

JOB 7:16 ပူးပေါင်းရင်းမြစ်များ

GENESIS 27:46

Rebekah nih Isak cu a thawh i, “Esau nih a ṭhit mi hna ramdangmi a nupile nih hin an ka nor tuk hringhran. Jakob zong nih Hit mi hi a ṭhit ve sual ahcun, ka caah thih hmanh a ṭha deuh,” a ti.

1 SIANGPAHRANG 19:4

Sihmanhsehlaw amah tu cu ramlak ah ni khat lamkal a kal i hmunphiah thingkung tangah a ra i a ṭhu; cun a thih nakhnga a hal i, “A za cang; atu cu maw Bawipa, ka nunnak kha la ko; zeitintiah ka pupa hna nakin ka ṭha hlei ṭung lo,” tiah a ti.

JOB 10:1

“Ka nunnak hi ka fih; Ka phunzainak hi i sum hin loin ka chim ko lai; Lungfak hringhran in ka chim ko lai.

JOB 10:20

Ka nun chung ni hi an tlawm ko lo maw? Ka va kal i ka kir ti lonak ding thihnak thladem le a thukmi muihnak ram i ka kal hlanah hin, Hnangamnak tlawmte tal ka hmuh nakhnga, keimah um tein ka umter ko tuah.

JOB 14:6

Amah cu mertak ko law amah um tein umter ko, Kuli ṭuanmi bantukin a ni hna cu aa nuamhpi khawh ah i nuamhpi ko seh.

JOB 6:9

Pathian nih hei ka rial cikcek dih seh law, A kut kha hei samh seh law hei ka lek ko seh law, ka hei duh hnga dah!

JOB 7:15

Cucaah hngawng dih le thih cu ka ruh hna nakin thim ka duh deuh hna.

JOB 7:7

“Ka nunnak cu thaw menmen a si kha hngal camcin ko; Ka mit nih hin ṭhatnak zeihmanh a hmu ṭhan ti lai lo.

JOB 9:21

Soi awk um lo ka si ko, sihmanhsehlaw ka caah zeidah a ṭhahnem? Nun hi a ka nor tuk cang.

SALM 144:4

Minung cu thaw bantuk men a si ko, a nun chung ni hna cu a liam zaumi thladem bantuk men an si ko.

SALM 39:10

Dan cu ka tat ti sawh hlah, na dantatnak in ka thi dengmang cang.

SALM 39:13

Thlan mual ka liam i ka um ti lo hlanah hin lunglawmhnak tlawmpalte tal ka hmuh nakhnga hnahnawk lo tein run ka umter ko.

SALM 39:6

thlahawm menmen an si ko. An tuahmi vialte hi pakpalawng an si dih; chaw le va kha heh tiah an khon, sihmanhsehlaw a cotu ding cu aho an si kha an hngal lo.

SALM 62:9

Mi vialte hi thaw bantuk menmen an si, a thi khomi minung hi zeihmanh an man lo. Cuaithlainak cungah chia hna u law zeihmanh an tlai lai lo, thaw nak hmanh in an zaang deuh.

SALM 78:33

cucaah cun an ni cu thaw bantukin a donghter hna, an nunnak cu chikkhatte ah thil ṭhalo nih a tlunhnawh hna i a dong.

SALM 78:39

Minung an si kha a philh lo, a hung hrang i a lo ṭhan komi thlitu bantuk men an si kha a philh lo.

PHUNGCHIMTU 2:17

Cucaah nunnak hi ka caah sullam zeihmanh a ngei lo. Zeicahtiah harnak dah ti lo cu zeihmanh a ka pekmi a um lo. Pakpalawng men a rak si ko. Thlitu men ka rak dawi ko.

JEREMIAH 8:3

Hi miphun ṭhalo chungin a nungmi paohpaoh nih hin, ka ṭhawl hnanak hmun kip ah, nun nakin thih an duh deuh lai,” tiah Ralkapbu Bawipa nih a ti.

JONAH 4:3

Cucaah cun atu cu ka that ko. Ka caah hin nun nakin thih a ṭha deuh,” tiah a ti.

JONAH 4:8

Cun ni a hung chuah tikah nichuahlei thli lin kha Pathian nih a hranter i Jonah cu ni nih a lukheng in a vun emh caah a thi dengmang. Cucaah thihnak caah khan thla a cam i, “Ka caah hin nun nakin thih a ṭha deuh,” a ti.