JOB 7:11 - Lai (Hakha) Common Language Bible 2006

¹¹ “Cucaah ka kaa cu kaa sum lai lo; Lungthin fak ngaiin ka chim ko lai, Lungfak hringhran in ka zai ko lai.

JOB 7:11 ပူးပေါင်းရင်းမြစ်များ

GENESIS 42:21

Pakhat le pakhat kha, “Kan nau cung i ṭhat lonak kan rak tuah kha kan rak palh taktak; ka bawm ko sawh u tiah a rak kan nawl i a harnak kan hmu ko na i a bia kan rak theih duh lo kha! Kha ruangah khan atu harnak kan phak hi a si,” tiah an i ceih.

JOB 10:1

“Ka nunnak hi ka fih; Ka phunzainak hi i sum hin loin ka chim ko lai; Lungfak hringhran in ka chim ko lai.

JOB 10:15

Ka sual cangka in na sinin harnak ka hmuh, Sihmanhsehlaw dinnak ka tuah tikah zeihmanh thangṭhatnak ka hmu hlei ṭung lo. Kei cu harnak a ingmi ka si i ningzahnak nih a ka tuam.

JOB 13:13

“Dai tein um u law ka chim ve lai, zei khom hmanh ka cungah tlung ai kun.

JOB 16:6

Ka holh ah ka fahnak a dai hlei lo, Daite i ka um ah a ka kaltak hlei lo.

JOB 21:25

Cun a dang pakhat cu, ngaihchia ngaiin, ṭhatnak kha tep bal loin a thi.

JOB 23:2

“Nihin zong ka phunzainak cu a fak ko, Aihram loin ka um kho lo.

JOB 36:21

Ṭhat lonak tuah awkah naa mernak hnga lo i ralring tuah, Zeicahtiah cu ruangah cun pei harnak in hneksak na si cu.

JOB 6:26

Ka bia cu leh nan ka duh maw? A hnabei a dong cangmipa nih a chimmi cu thli lawng pei a si ko cu.

JOB 9:27

Ka phunzainak hi ka philh lai i Ngaihchia muihmai ka putmi hi ka hlawt lai i Lunglawm in ka um lai, ka ti ah,

SALM 39:3

ka lungthin cu khuaruahharnak in a khat. Ka ruah deuh paoh ah ka lungretheihnak kha a zual chin,

SALM 40:9

Bawipa na mi an i pumhnak ah, na kan khamhnak thawng ṭha kha ka chim. A chim cu a ngol in ka ngol bal lai lo, ti kha na hngalh.

ISAIAH 38:15

Zeidah ka chim khawh lai? Hi thil a tuahtu cu Bawipa a si. Ka chung a vang i kaa hngilh kho lo.

ISAIAH 38:17

Ka chungvanghnak cu daihnak ah a cang lai. Nangmah nih ka nunnak cu ṭihnung chungin na khamh, ka sualnak vialte kha na ka ngaihthiam.

LUKA 22:44

Lungthin fak ngaingai in fak chinchin in thla a cam i a thlan cu vawlei ah thi dor bantukin a tla.)

2 KORIN 2:4

Ca kan kuat hna ah khan lungthin fak ngai le awlokchong ngai le mitthli tla bu in ka ṭial, cu ka ṭialmi cu nanmah ngaihchiatter dingah khan si loin, zeitluk in dah kan dawt hna, ti kha nan hngalh khawhnak hnga ka duh caah a si.

1 SAMUEL 1:10

Cun Hannah cu a lungre a thei ngaingai i Bawipa sinah thla a cam i lunghno ngai tein a ṭap.