JOB 7:1 - Lai (Hakha) Common Language Bible 2006

¹ “Vawleicung ah hin mi nih rian har a ngei a si lo mei? Cun a ni hna hi hlanchom sinum ni bantuk an si ko lo maw?

JOB 7:1 ပူးပေါင်းရင်းမြစ်များ

JOB 10:17

Keimah ralchanhtu tehte kha na ngei zungzal hna, Ka cung i na thinhunnak cu na karhter; Ralkapbu thar thar kha keimah doh awkah na ratpi hna.

JOB 14:1

“Nu hrinmi minung paoh cu a chan a tawi i harnak in a khat.

JOB 5:7

Sihmanhsehlaw meici cu cunglei ah a choi phung a si bantukin, Minung cu harnak hmu dingin hrin a si.

JOB 7:2

Thladem tang i dinh a duh ngaingaimi sal bantuk le A ṭuan man hmuh awkah a ngangnganmi hlanchom sinum bantuk a si.

SALM 39:4

“Bawipa, zei can dah ka nun rih lai? Zei tikah dah ka thih lai? Zeitluk tuan ah dah ka nunnak hi a dongh lai ka chim tuah,” ti hi hal loin ka um kho lo.

PHUNGCHIMTU 8:8

Ahohmanh thi loin a um kho lai lo, a thih ni zong kha a thawn kho pek fawn lai lo. Raltuknak a tlun tikah cun luatnak a um lo, lihchim in kan luat kho lai lo.

ISAIAH 16:14

Cun atu cu aa thawh i, “Kum thum chung hrimhrim ah Moab rumnak cu a lo dih lai. A mi tampi hna chung khan tlawmte lawng an tang lai i cu hna cu a der a thawmmi an si lai,” a ti.)

ISAIAH 21:16

Cun Bawipa nih a ka thawh i, “Kum khat chung hrimhrim ah Kedar miphun lianhngannak kha donghnak a phan lai.

ISAIAH 38:5

Hezekiah sinah khan va kal law, “Na pu David i a Pathian Bawipa keimah nih na thlacamnak kha ka theih i na mitthli kha ka hmuh, kum hleinga kan nunter rih lai.

ISAIAH 40:2

“Jerusalem khuami cu lunglawmhnak pe hna u law, ‘Cu caan an in cu a za cang i atu cu an sualnak kha ka ngaihthiam cang hna,’ a ti tiah chim hna u. An sualnak ruangah a za in dan ka tat cang hna,” a ti.

LEVITIKAS 25:50

A cawtu pa he cun amah le amah aa zuarh kum in jubili kum tiang an rel ṭi lai i a luatnak man cu a kum zat ning in a si lai; amah a ngeitu sin i a um caan cu kuli can bantukin tuakpiak a si lai.

DEUTERONOMI 15:18

Nanmah sinin nan chuahter tikah nan caah a har lem lai lo; zeicahtiah hlanmi rianṭuantu nih a hmuhmi a cheu lawng khan in kum ruk chung an rianh hna. Cucaah Bawipa nan Pathian nih zeizong nan tuahmi kip ah thluachuahnak an pek hna lai.