JOB 5:8 - Lai (Hakha) Common Language Bible 2006

⁸ “Kei cu, nang ka si ahcun, Pathian kha ka fuh ko hnga i Amah sinah khan ka konglam cu ka chiah ko hnga;

JOB 5:8 ပူးပေါင်းရင်းမြစ်များ

JOB 11:13

“Na lungthin kha ding tein chia law Amah leiah khan na kut zao tuah.

JOB 13:2

Nanmah nih nan hngalhmi cu kei zong nih ka hngalh ve ko, Zeihmanh ah nanmah tluk ka si lonak a um lo.

JOB 13:3

Sihmanhsehlaw bia i ruah ṭi ka duhmi cu nanmah he si loin Lianngan Bik kha a si, Pathian he cun ka kong hi i al ka duh.

JOB 22:21

“Atu cu, Job, Pathian he khan remnak ser law, na ral ah rel ti hlah law thluachuahnak na hmuh lai.

JOB 22:27

A sinah thla na cam lai i an theih lai; Cun na biahrennak kha na tlinter hna lai.

JOB 8:5

Pathian kha na kawl i Lianngan Bik kha na kawl i,

SALM 37:5

Na nunnak kha Bawipa pe tuah, amah kha i bochan law amah nih an bawmh lai.

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

JEREMIAH 11:20

Maw Ralkapbu Bawipa, ding tein bia a ceih i Minung lungchung le ruahnak a hneksak dihtu, Ka cung bia hi nangmah kan pek, Phu na hlam hnanak cu ka hmuhter ko.

2TIMOTE 1:12

hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.

1 PETER 2:23

Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.

1 PETER 4:19

Cucaah Pathian duhning a si ruang i temhnak a ingmi hna nih cun thil ṭha an tuahmi thawng khan Pathian sinah i pe ko hna seh — Pathian cu anmah a Sertu hna kha a si i a biakam kha a tlolh bal lo.