JOB 40:9 - Lai (Hakha) Common Language Bible 2006

⁹ Pathian kut bantuk kut na ngei maw? Amah aw bantukin khuarit in na ri kho maw?

JOB 40:9 ပူးပေါင်းရင်းမြစ်များ

JOB 23:6

Keimah cu nam chih awkah a ṭhawnnakpi cu a hmang hnga maw? A hmang lai lo, ka bia cu a ka ngaihpiak deuh ko lai.

JOB 37:2

Pathian aw khuari thawng le a kaa chungin a chuakmi aw thawng cu ngai tuah.

JOB 9:4

Pathian cu a lungthin in a fim i a thazang in a ṭhawng Aho nih dah an doh khawh lai?

SALM 29:3

Bawipa aw cu rili cungah a thang, a sunglawimi Pathian cu khuari bantukin a ri i a aw cu rili cungah khan a thang dih.

SALM 29:4

Bawipa aw cu a than khawh chung le a ṭhawn khawh chungin a thang!

SALM 89:10

Limkeng Rahab cu na tei i na thah; a liannganmi na ṭhawnnak in na ral cu na tei hna.

SALM 89:13

Zeitluk in dah na lianhngan! Zeitluk in dah na ṭhawn!

SALM 98:1

Bawipa cu hla thar in thangṭhat tuah u, khuaruahharmi thil kha a tuah hna! A ṭhawnnak le a thiangmi a thazang in ral kha a tei hna.

EXODUS 15:6

Bawipa, na orhlei kut a ṭhawngmi cu khuaruahhar a si; ral pawl kha a den cikcek hna.

ISAIAH 45:9

Tlak um nih a sertu kha bia a al ngam hnga maw? Um dang bantuk cio a si vemi nih khan a al ngam hnga maw? Um nih khan, a sertu kha, a ser na ka thiam lo, tiah a zaihnawh bal maw?

ISAIAH 52:10

Bawipa nih a thiangmi a ṭhawnnak cu a hman cang; a mi kha a khamh cang hna i cucu vawlei mi vialte nih an hmuh cang.

JEREMIAH 50:24

Maw Babilon, rap na chiah i nangmah rawhnak caah a si; Hngalh loin nangmah le nangmah naa foih ai; Khakha na si cang ko khah, naa foih ko cang khah, Zeicahtiah Bawipa pei na zuamcawh cu.

EZEKIEL 10:5

Cherubim hna thla khawn thawng cu lenglei tual tiang khan aa thei kho i Lianngan Bik Pathian nih bia chim seh law cu bantuk cun a thang.

1 KORIN 10:22

Bawipa cu a nahchuak seh ti maw kan duh? Amah nakin kan ṭhawng deuh tiah maw kan i ruah?

JOSHUA 4:24

zeitintiah vawlei cung mi vialte nih Bawipa kut cu a ṭhawng ti kha an hngalh nakhnga le Bawipa nan Pathian cu zungzal in nan ṭih nakhnga,” tiah a ti.