JOB 40:4 - Lai (Hakha) Common Language Bible 2006

⁴ “Zei rel awktlak a si lomi kei nih hin nangmah cu zeitindah ka leh khawh lai? Ka kut in ka ka kaa huh ah a ṭha deuh lai.

JOB 40:4 ပူးပေါင်းရင်းမြစ်များ

GENESIS 18:27

Abraham nih khan a hun i thawh ṭhan i, “Kei cu leidip le vutcam si ko hmanh ning law, Bawipa, nangmah cu ngamh ngaiin kan chawnh hi ka ngaithiam ko.

GENESIS 32:10

Na sal ka cung i na zaangfahnak le zumhawktlak na sinak na langhtermi hi a hmu dingah aa tlakmi ka si lo. Jordan tiva kha ka ṭhiangṭhunh he lawng ka rak tan, sihmanhsehlaw atu cu hi bu bu hnih hna he hin ka ra kir.

2 SAMUEL 24:10

Sihmanhsehlaw mi an rel dih hna hnuah khan David cu lung sivang in a um. Cun David nih Bawipa sinah cun, “Ka tuahmi ah hin fak piin ka sual cang. Sihmanhsehlaw, maw Bawipa, hruhnak piin ka tuah cang caah, na salpa ka ṭhat lonak hi ka hlohpiak ko sawh, tiah kan nawl,” tiah a ti.

1 SIANGPAHRANG 19:4

Sihmanhsehlaw amah tu cu ramlak ah ni khat lamkal a kal i hmunphiah thingkung tangah a ra i a ṭhu; cun a thih nakhnga a hal i, “A za cang; atu cu maw Bawipa, ka nunnak kha la ko; zeitintiah ka pupa hna nakin ka ṭha hlei ṭung lo,” tiah a ti.

EZRA 9:15

Maw Bawipa, Israel Pathian, nihin ah a si bang hin, kannih cu a luatmi a tangmi na kan nganh caah nangmah cu na ding ko. Na hmaiah misual si ko hmanh u sih law, kan zoh ko rih, zeicahtiah kan sualnak ruangah cun na hmaiah a dir khomi ahohmanh kan um lo,” tiah ka ti.

EZRA 9:6

“Maw ka Pathian, nangmah lei hoih hi ka ning a zak i ka hmai a sen ko, zeicahtiah kan ṭhat lonak nih kan lu a lonh i kan mawhnak cu van a tawng.

NEHEMIAH 9:33

Zeitin a si hmanh ah, kan cung i a tlungmi thil vialte kongah nangmah cu na ding ko, zeicahtiah nang nih cun zumhawktlak tein na tuah i kannih nih cun ṭhalo piin kan tuah;

JOB 16:21

Mi nih a hawipa caah nawlnak a tuah bantukin, Pathian a ka nawlpiaktu um seh law ka duh ko,

JOB 21:5

Ka zoh u law nan khuaruah har u, nan kaa kha nan kut in i hup u.

JOB 29:9

Bawi hna kha holh an i sum i an kut in an kaa an i hup;

JOB 31:37

Ka rak umtuning vialte kha ka chim hnga i Cucu zung ah khan keimah chanhnak ding caah ka chim hnga.

JOB 37:19

Amah sin chim ding bia cu kan cawnpiak tuah ngat, Kannih cu, zeizong vialte kha a muih dih caah kan ruahnak kan pumkhawl kho lo hi ta.

JOB 40:3

Cun Job nih Bawipa cu a leh i:

JOB 42:6

Cucaah keimah le keimah cu kaa hua i leidip le vutcam lakah ṭhu in kaa ngaihchih,” tiah a ti.

SALM 39:9

Hi tlukin nganfahnak na ka inter caah dai tein ka um lai i bia pakhat hmanh ka chim lai lo.

PHUNGTHLÛKBIA 30:32

Na rak hruh i na rak i porhlawt i holh fihnung a rak duhmi na si ahcun, na lei cu i sum.

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

ISAIAH 64:6

Kan dihlak in misual kan si, kan thil tuahmi ṭha bik kan timi hna hmanh hi puanchia fihnung an si. Kan sualnak ruangah cun hnahchawl thli nih a choihmi bantuk khi kan si.

ṬAHNAK HLA 3:29

Amah duhnak zulh in kan lu kan khun awk a si. Zeicahtiah ruahchan awk a um kho rih ko.

EZEKIEL 16:63

Na tuahmi vialte kha kan ngaihthiam dih hnuah cun, na lung a pem lai i na ning a zak lai i na lung a ar lai i voi khat hmanh na kaa na ang ṭhan ti lai lo. Mah hihi Bawipa Pathian bia hrimhrim a si,” tiah a ti.

DANIEL 9:5

kannih cu kan sual cang, palhnak le thil ṭhalo kha kan tuah cang; kannih nih nangmah cu kan in doh i na nawlbia le na phunglam hna kha hnulei kan chit hna.

DANIEL 9:7

Maw Bawipa nangmah cu na ding zungzal ko i kannih cu kan dihlak in kan tuahmi cu ningzak a si zungzal ko — Judea ram chungah a ummi le Jerusalem khua chungah a ummi si u sih, ram hla ah siseh, ram nai ah siseh, na kan ṭhekmi si u sih, nangmah sinah zumhawktlak loin khua a sami kan si ko.

LEVITIKAS 13:12

Cun thinghmui zawtnak cu cuar ah a chuah i, tlangbawi nih a hmuh khawh tiangah a zawmipa a cuar cu a lu in a ke tiang thinghmui zawtnak nih cun chuak lakin a khuh ahcun,

MIKAH 7:16

Miphun dang hna nih khan hmu hna seh law an thazang an i bochanmi kha ṭhawng ko hmanh seh law an thinphang hna seh; An kaa kha i cip hna seh law an hna kha i phit hna seh,

HABAKKUK 2:20

Bawipa cu a biakinn thiang chungah a um, vawleicung mi vialte hna a hmaiah dai zirziar in um tuah u.

ZEKHARIAH 2:13

Miphun vialte hna, Bawipa hmaiah dai tein um tuah u! Zeicahtiah amah cu a umnak hmun thiang khan aa thawh cang.

LUKA 18:13

Sihmanhsehlaw ngunkhuai khawltupa cu lamhlatpi ah khin a dir i vanlei hmanh zoh ngam loin a ṭang aa cum i, ‘Maw Pathian, kei misual cungah hin zaangfahnak ngei ko,’ tiah a ti.

LUKA 5:8

Simon Peter nih cucu a hmuh tikah Jesuh hmaiah cun a khuk aa bil i, “Bawipa, ka kaltak ko, kei cu misual ka si,” tiah a ti.

1TIMOTE 1:15

Khrih Jesuh cu misual mi hna khamh awkah vawlei ah a rung ṭum, timi hi ahmaanmi le cohlan awk a tlakmi le zumh awk bia a si. Keimah cu an lakah a sual bik ka si ko,

BIACEIHTU 18:19

Cun annih nih amah cu, “Dai tein um ko, na kaa cu na kut in hup ko, kan sinah ra law, kan caah pa le tlangbawi si ko. Nangmah caah mipa pakhat innchungkhar ca i tlangbawi si maw a ṭha deuh. Israel mi chung i phun khat le hrin khat ca i tlangbawi si dah a ṭha deuh?” tiah an ti.