JOB 4:9 - Lai (Hakha) Common Language Bible 2006

⁹ Pathian thaw in an rawk i A thinhunnak in a chem hna thawngin an kang dih.

JOB 4:9 ပူးပေါင်းရင်းမြစ်များ

2 SIANGPAHRANG 19:7

Zohhmanh, a chungah thlarau pakhat ka chiah lai i biathangchin a theih lai i amah ram ah a kir lai; cun amah ram chung lila ah vainam in ka thihter lai, a ti,’ tiah va chim u,” tiah a ti.

JOB 1:19

zohhmanh, ramlak lei khin thli fakpi a hung hrang i inn cu a ki li in a den i seino pawl cungah cun a tla i an thi dih; cun keimah lawnglawng hi nangmah chimtu dingah ka luat,” tiah a ti.

JOB 15:30

Muihnak in a luat lai lo i meizik nih a nge kha a hrem dih hna lai i Thli nih a par kha a choih dih hna lai.

JOB 40:11

Na thinhunnak cu chuahter law aa porhlawmi paoh cu zoh hna law ṭhum hna.

JOB 40:13

Leidip lakah khan hmunkhat ah thup dih hna; Hngalh lomi thlan ah khan thup men hna.

SALM 18:15

Maw Bawipa, nangmah nih na ral cu na sik hna i na thinhun in na onhhnawh hna tikah rili tawne cu a lang i vawlei hram cu a chin kha aa hung.

EXODUS 15:10

Sihmanhsehlaw na thaw voi khat na chuah i rili nih a khuh hna; ṭih a nungmi ti chungah khan suan bantukin an tla.

EXODUS 15:8

Na thaw in na chem i ti cu an i chong, a luang liomi ti cu vampang bangin a dir; rili thuk cu a ne tiangin a hak.

ISAIAH 11:4

Sifakmi kha an bia ṭha tein a ceihpiak hna lai i nauta pawl kha a ṭanh hna lai. Amah nawl pekning in ram cu dantat a si lai i mi ṭhalo cu an thi lai.

ISAIAH 30:33

Assiria siangpahrang khanghnak dingah meiphu nganpi tihnak ding hmun kha hlan piin timh a si cang. Cu meiphu tihnak ding hmun cu thukpi le kau piin cawh a si i a chung khat in thing chiah a si. Cu meiphu duahnak dingah cun Bawipa nih a thaw ah meizik a chuah lai i cu nih cun a alhter lai.

ISAIAH 40:7

Bawipa nih thli a chemter hna tikah ram cu an car i pangpar cu an uai. Minung hi ram bantuk men cu an si taktak ko.

2 THESALON 2:8

Khi tikah Miṭhalo Pa kha a hung chuak lai i Bawipa Jesuh nih a kaa in a chuakmi thaw in a thah lai i Bawipa Jesuh a rat tikah a ceumi a sunparnak in amah cu a hrawh lai.

BIAPHUAN 2:16

Nan i mer lo ahcun nan sinah ka ra zau lai i ka kaa chungin a chuakmi vainam khan kha mi hna kha ka tuk sual hna lai.