JOB 4:6 - Lai (Hakha) Common Language Bible 2006

⁶ Pathian na ṭihnak cu naa bochanmi a rak si lo maw? Na ziaza tlinnak cu naa hngatchanmi a si lo maw kha?

JOB 4:6 ပူးပေါင်းရင်းမြစ်များ

2 SIANGPAHRANG 20:3

‘Maw Bawipa, zeitindah nangmah hmaiah zumhawktlak le lungcheubang loin ka kal tawn i nangmah mithmuh ah a ṭhami ka tuah kha na cinken nakhnga, kan nawl,” tiah a ti. Cun Hezekiah cu a ṭap thluahmah ko.

JOB 1:1

Uz ram ah hin mipa pakhat a min Job a simi a rak um; cu pa cu soisel awk um lo, miding, Pathian a ṭih i ṭhat lonak kha a hrialmi a si.

JOB 13:15

Ruahchannak zeihmanh ka ngei ti lo, cucaah Pathian nih a ka thah zong ah zeidah a poi? A hmai hrimhrim ah ka bia cu ka va chim ṭhiamṭhiam ko lai.

JOB 16:17

Sihmanhsehlaw ka kut nih zaang-ennak kha an tuah hna lo i Ka thlacamnak a thiang ko.

JOB 17:15

Khuazei ah dah ruahchannak cu ka ngeih? A ka hmuhpiaktu aho tal an um maw?

SALM 26:1

Bawipa, nangmah kha ka lung a dih-umnak in kan bochan i a dingmi thil kha ka tuah caah, misual lo ka sinak kha ka thanhpiak tuah.

SALM 27:3

Ralkapbu nganpi nih ka kulh hna hmanh seh law ka thin a phang lai lo; ka ral nih ka doh hna hmanh seh law Pathian cu kaa bochan ṭhiamṭhiam ko lai.

PHUNGTHLÛKBIA 14:26

Bawipa ṭihnak aa bochanmi miṭhawng cu, A tefa hna caah himnak a si.

PHUNGTHLÛKBIA 3:26

Zeicahtiah Bawipa cu na hnangamnak a si lai i na ke cu aa awh nakhnga lo amah nih an zohkhenh lai.

ISAIAH 33:6

hi miphun cu a fehter lai. A mi kha a huhphenh zungzal hna i fimnak le hngalhnak kha a pek hna. Annih chawva a sung bik cu Bawipa an ṭihnak kha a si.

1 PETER 1:13

Cucaah nan lung in rianṭuan awkah timhcia tein um u. Ralring tein um u law, Jesuh Khrih a langh tikah nan hmuh laimi velngeihnak laksawng cungah khan nan i ruahchannak cu bunh ko u.

1 PETER 1:17

Pathian sin i thla nan cam tikah, amah cu kan Pa tiah nan kawh; amah nih cun mi vialte kha an tuahning cio ah duhdanh zeihmanh um loin bia a ceih hna. Cu Pathian cu a sin i thla nan cam tikah, kan Pa, tiin nan kawh ṭung ahcun, hi vawleicung nan nun lioah hin amah upat bu tein nan um awk a si.