JOB 32:7 - Lai (Hakha) Common Language Bible 2006

⁷ Keimah le keimah cu, ‘Kum le khua a saumi nih chim ko hna seh, chan a saumi nih chim ko hna seh,’ kaa ti.

JOB 32:7 ပူးပေါင်းရင်းမြစ်များ

2 CHANRELNAK 10:6

Cun Siangpahrang Rehoboam nih cun, a pa Solomon a nun lio i a hmai i a rak dirmi tar hna kha ruahnak a hal hna i, “Hi mi hna hi zeitin va let hna ti ah dah nan ka ti?” tiah a ti.

JOB 12:12

Fimnak cu tar nih an ngeih, Sihmanhsehlaw Pathian nih cun fimnak le ṭhawnnak a ngeih; Hngalhthiamnak cu chan saumi nih an ngeih, Sihmanhsehlaw Pathian nih cun hngalhthiamnak le thil ti khawhnak a ngeih.

JOB 15:10

Ṭuakparmi hna le tar hna cu kan sinah an um, Na pa nakin a upa deuhmi an si.

JOB 32:9

Upa lawng hi a fimmi an si lo i a dik a hngalmi hi a tarmi an si theng lo.

SALM 119:100

Na nawlbia kha ka zulh hna caah tar nakin fimnak ka ngei deuh.

PHUNGTHLÛKBIA 16:31

Ṭuakpar hi sunparnak bawiluchin a si, nun a dingmi nih an hmuh.

HEBRU 5:12

Nannih cu saya hmanh si awk nan si cang nain, Pathian bia cawnnak hmasa bik chimtu saya kha nan herh rih. Rawl taktak ei kha nan cu cang, sihmanhsehlaw caw hnuk ṭheo nan ding ko rih.