JOB 3:8 - Lai (Hakha) Common Language Bible 2006

⁸ Kha ni kha eihthiammi hna nih chiatserh hna seh, Limkeng, a ṭhanghter khomi hna nih khan chiat cu serh hna seh.

JOB 3:8 ပူးပေါင်းရင်းမြစ်များ

2 CHANRELNAK 35:25

Jeremiah zong nih ṭah hla a lawh i hlasak thiammi pa vialte le nu vialte nih nihin tiang hin Josiah cu an hla ah an cuanter. Mah hihi Israel mi lakah phunglam ah an ser hna; zohhmanh, Ṭah Hla chungah an i ṭial.

JOB 3:7

Kha zan kha zan ṭhing si ko seh; Lawmhnak thawng zeihmanh leng hlah seh.

JOB 3:9

Kha zan i zinglei arfi hna cu mui hna seh, Ceunak kha i ruahchan awk zeihmanh um hlah seh.

JOB 41:1

“Leviathan cu nga sio in na hnuk kho hnga maw? Asiloah, hrihrual in a lei na khit hnga maw?

JOB 41:10

A thawh cang ahcun, zeitluk in dah ṭihnung a si, Ahodah a dir-onh ngam lai?

JOB 41:25

A hung thawh tikah miṭhawng hna kha an thin a phang, A mei a hun vuak tikah, a umtu awk an hngal lo.

ISAIAH 27:1

Cu ni ah cun Leviathan rulpi, a kualh in aa kual i a ngerh in aa ngerhmi rulpi kha dantat awkah le rili chung i a ummi rulpi kha thah awkah a ṭhawng i a har ngaingaimi a vainam kha Bawipa nih a hman lai.

AMOS 5:16

Cucaah hihi Bawipa, Ralkapbu Pathian bia cu an si: Lam kip ah khan ṭahnak a um lai i Khuachung tlonlennak bualrawn paohpaoh ah khan aihramnak a um lai. Lothlo kha ṭap tiah an ti hna i Ṭahhla lawh thiammi hna cu, ṭap u tiah an kawh hna lai.

MATTHAI 11:17

‘Nupi ṭhitnak hla kha kan in tumpiak hna, asinain nan lam duh lo. Mithi ṭahnak hla kan in sakpiak hna, asinain nan ṭap duh fawn lo,’ tiah an hauh hna.

MARKA 5:38

Pumhnak inn uktu inn kha an va phan i Jesuh nih cun an i tuai len ko le an ṭah le an ai kha a hmuh hna,