JOB 3:4 - Lai (Hakha) Common Language Bible 2006

⁴ Kha ni kha muihnak si ko seh! Cung um Pathian nih kawl hlah seh, Ceunak zong nih ceuh hlah seh.

JOB 3:4 ပူးပေါင်းရင်းမြစ်များ

JOB 3:3

“Ka chuah ni cu rawkral ko seh, ‘Fapa cu pawi a si cang,’ an ti zan zong kha, rawkral ko seh.

JOB 3:5

Muihnak le muih khemkhumnak nih kan ta a si, ti hna seh. Minmei nih zel camcin seh law chunmui nih ṭhih seh.

JOEL 2:2

Cu ni cu muihnak le khuachiat ni, Chum le minmei aa zelh ni a si lai. Tlang cungah khin nak khupmap in khaubawk bu ngan pipi cu an hung chuak; Anmah bantuk cu a um bal lo i hmailei caan zongah a um bal fawn lai lo.

AMOS 5:18

Bawipa ni aa hngahhlangmi nannih mihrut hna, Bawipa ni cu nan caah a sullam zeidah a si lai? Muihnak a si lai, ceunak a si lai lo.

MATTHAI 27:45

Chun in zanlei suimilam pathum tiang cu ram cu a dihlak in muihnak nih a khuh i

LAMKALTU 27:20

Ni tampi, ni siseh, arfi si hna seh, hmu kho loin kan um i thlitu cu fak piin a hrang lengmang ko. A donghnak ah cun nun lai hmanh kha kan i ruah ngam ti lo.

DEUTERONOMI 11:12

Bawipa nan Pathian nih a zohkhenhmi ram a si; kum thawknak in kum donghnak tiang Bawipa nan Pathian mit cu a cungah aa fu zungzal.

BIAPHUAN 16:10

Cun vancungmi panganak nih a kanto cu sahrang bawiṭhutdan cungah khan a bungh. Sahrang pennak ram cungah khan muihnak a tlung ciammam i fahnak an inmi kha a fah tuk caah an lei kha an i seh,