JOB 27:9 - Lai (Hakha) Common Language Bible 2006

⁹ Harnak nih a tlunhnawh tikah Pathian nih a thlacamnak cu a ngaihpiak lai maw?

JOB 27:9 ပူးပေါင်းရင်းမြစ်များ

SALM 109:7

Biaceihnak kha ing seh law, “Na sual,” ti hna seh. A thlacam hmanh kha sual ah relpiak hna seh.

SALM 18:41

Bawmhnak hal in an ai, sihmanhsehlaw ahohmanh nih an khamh kho hna lo; Bawipa kha an auh, sihmanhsehlaw a let hna lo.

SALM 18:42

Dip cikcek in ka rial hna i thli nih a choihmi leidip bantuk ah an cang, lam i leicet bantukin ka lamh hna.

SALM 66:18

Ka sualnak kha rak thup ning law ka thlacamnak cu a rak ka ngaihpiak hnga lo.

PHUNGTHLÛKBIA 1:27

Launak nih thlichia bangin an den hna tik le Nan vanchiatnak cu phuchim bangin a rat i Harnak le vansang aunak nih an tlunhnawh hna tikah, a nih in kan nih men ko hna lai.

PHUNGTHLÛKBIA 1:28

Khi tikah cun an ka auh lai, sihmanhsehlaw ka let hna lai lo; An ka kawl len lai, sihmanhsehlaw an ka hmu lai lo.

PHUNGTHLÛKBIA 28:9

Phungbia kha ngai duh loin a mertakmi cu a thlacamnak hmanh kha fihnung a si.

ISAIAH 1:15

“Thlacam in nan kut nan hler tikah kan zoh duh hna lai lo. Zeizat tam hmanh in cam u law kan ngaihpiak hna lai lo, zeicahtiah nan kut ah thisen aa neh.

JEREMIAH 11:11

Cucaah Bawipa nih hi bangin a ti: Atu cu an luat khawh lomi ṭhat lonak kha an cungah ka tlunter lai; an ka au lai nain annih cu ka ngai hna lai lo.

JEREMIAH 14:12

Annih nih rawl an ulh tikah an aunak kha ka ngaihpiak hna lai lo; khangh thawinak le changvut thawinak kha an pekchanh tikah ka cohlanpiak hna lai lo. Vainam le mangṭam le rai tu in ka thah hna lai,” tiah a ti.

EZEKIEL 8:18

annih cu ka thinhun in ka merhnawh hna lai i ka zaangfah hna lai lo i ka zuah fawn hna lai lo. Thang piin ka au hna hmanh seh law ka ngai lai lo,” tiah a ti.

HOSEA 7:14

Ka sin i thla an cammi hi lungtak in an si lo; An ihkhun cungah khan an kiao an ai men i a si ko, Rawl le mitsur hang thar caah khan nam in an i at, Sihmanhsehlaw keimah kha an ka doh.

MIKAH 3:4

Khi tikah Bawipa kha an auh lai, sihmanhsehlaw a let hna lai lo; khi caan a phak tikah a hmai kha a thuhkanh hna lai, zeicahtiah an tuahmi kha a ṭhalo tuk hringhran.

ZEKHARIAH 7:13

Ka auh tik hna ah an ngaih lo caah kei zong nih an ka auh tikah ka ngai ve lo, tiah Ralkapbu Bawipa nih a ti;

LUKA 13:25

“Inn ngeitu cu a tho lai i kutka cu a khar lai; cun nannih cu a leng i nan dir i kutka khar cu nan kingh i, ‘Bawipa, innka kan hunh tuah,’ nan ti tikah, ‘Khuazei in dah nan rat kha ka hngal lo,’ tiah an leh hna lai.

JOHAN 9:31

Pathian nih misual cu an bia a ngai hna lo i amah a upatmi le a duhnak a tuahmi kha an bia a ngaihpiak hna ti cu kan hngalh.

DEUTERONOMI 1:45

Cun nan ra kir ṭhan i Bawipa hmaiah nan ṭap, sihmanhsehlaw Bawipa nih nan aw kha a ngai lo i a hna zong an chit hna lo.

JEIM 4:3

Cun nan hal tikah nan hmu kho lo, zeicahtiah nan i tinhmi kha a ṭha lo; nanmah nuamhnak ca lawng i hman awkah khan thil cu nan hal.