JOB 26:8 - Lai (Hakha) Common Language Bible 2006

⁸ A chahmi khuadawm chungah ti cu a fun hna i a rit nain khuadawm cu an i cheu lo.

JOB 26:8 ပူးပေါင်းရင်းမြစ်များ

JOB 36:29

Aho tal nih khuadawm an zamning khi a hngal kho maw? A khuadawm chung i khuari hna khi a hngal khotu an um maw?

JOB 38:37

Vawlei cu thir bantukin a hah i leitlang hna cu pakhat le pakhat an i sengh dih tikah, Ahodah ruah kha kawh khawhnak dingah le vancung ti khonnak cu phongh khawhnak dingah, fimnak a ngei?

JOB 38:9

Rili cu khuadawm in puan zual in ka rak zual i minmei chungah khan ka rak tuam i,

SALM 135:7

Vanhramdeng in khuadawm kha a ratpi hna, thlichia chungin ṭek kha a chuahter i a thil khonnak inn chungin thli kha a chuahter.

SALM 147:8

Van ah khin minmei a zamter; vawlei kha ruah in a cawm i tlang cungah ram a khohter hna.

PHUNGTHLÛKBIA 30:4

Van ah khin ahodah a hung kai i a ṭum ṭhan? Aho nih dah a kut chungah thli kha a hum hna? Aho nih dah ti kha a puan in a fun hna? Aho nih dah vawlei cu a ramri kha a ser hna? A min cu ahodah a si i a fapa min cu ahodah a si? Na hngalh ahcun chim tuah.

PHUNGTHLÛKBIA 8:28

Cunglei van hna khi fek tein a ser hna tikah le ti thuk cerhti hna cu a fehter hna tikah khan

ISAIAH 5:6

Ka buatter lai i mitsur ruang cu an nge ka tanpiak hna lai lo; vawlei zong kha ka co lai lo, hling le so tu ka khahter hna lai. Khuadawm hmanh kha, ruah pe hlah, tiah ka thlauh lai,” a ti.

JEREMIAH 10:13

A aw thawng ah van i ti khi an awn, Van hram deng in minmei kha a thawhter, Ruah caah awng kha a ser hna i A thil khonnak inn chungin thli kha a chuahter hna.