JOB 2:5 - Lai (Hakha) Common Language Bible 2006

⁵ Sihmanhsehlaw atu cu na kut hei chuah law a ruh le a sa kha tawng tuah hna ngat, na hmai hrimhrim ah an vawlhpamh ko lai,” tiah a ti.

JOB 2:5 ပူးပေါင်းရင်းမြစ်များ

1 CHANRELNAK 21:17

Cun David nih Pathian sinah. “Mi kha va rel hna u, tiah nawl petu cu keimah ka si lo mei? Sualnak a tuah i ṭhalo ngaiin a tuahtu cu keimah ka si. Sihmanhsehlaw hi tuu hna nih hin zeidah an tuah? Maw Bawipa, ka Pathian, na kut cu keimah le ka pa innchungkhar cungah si ko seh, rai cu na mi hna cungah tlung sawh hlah seh, tiah kan nawl,” tiah a ti.

JOB 1:11

Sihmanhsehlaw atu cu na kut hei chuah law a ngeihmi thil vialte khi tawng tuah ngat, na hmai hrimhrim ah an vawlhpamh ko lai,” tiah a ti.

JOB 1:12

Cun Bawipa nih Satan cu a thawh i, “Zohhmanh, a ngeihmi vialte cu nangmah kut chungah an um; amah taktak belte na kut cun tawng hlah,” tiah a ti. Cucaah Satan cu Bawipa hmaika cun a chuak.

JOB 1:5

Cun an puai kha a dih tikah Job nih khan a auh hna i a thianh hna; zingkate in a tho i an milu tlingte khan khangh thawinak a pekchanhpiak tawn hna; zeicahtiah Job nih cun aa thawh i, “Ka fapale hna nih hin sualnak an tuah ko hnga i an lung chungin Pathian kha an vawlhpamh ko hnga,” tiah a ti. Cuticun Job nih a tuah lengmang tawn.

JOB 2:4

Khi tikah Satan nih Bawipa cu a leh i, “Cuar caah cuar! Mi nih cun a ngeihmi vialte cu a nunnak caah cun a sian ko lai ta.

JOB 2:6

Cun Bawipa nih Satan cu a thawh i, “Zohhmanh, amah cu na kut chungah a um, a nunnak bel zuah ko,” tiah a ti.

JOB 2:9

Cun a nupi nih amah cu a thawh i, “Na tlinnak cu fek tein naa tlaih peng ko rih lai maw? Pathian cu vawlpam law thi ko cang,” tiah a ti.

SALM 39:10

Dan cu ka tat ti sawh hlah, na dantatnak in ka thi dengmang cang.

ISAIAH 65:3

ningzah hngal hrimhrim loin ka thin an ka hunter zungzal ko. Dum thiang timi ah khan lawkih rai an thawi i lawkih biakṭheng cungah khan zihmui an khangh.

ISAIAH 8:21

Mi cu ram chungah khan hnabei dong le rawlṭam in an vak lai. An rawlṭam le an thinhun in an siangpahrang le an Pathian kha chiat an serh hna lai. Van an zoh lai,

LEVITIKAS 24:11

Israel minu fapa nih cun Pathian Min cu a vawlhpamh i chiat a serh. Amah cu Moses sinah an ratpi. A nu min cu Shelomith, Dan phun chung mi Dibri fanu a si.

LEVITIKAS 24:15

Cun Israel mi hna cu, a Pathian chiat a serhtu paoh nih cun amah a sualnak kha a in lai.

BIAPHUAN 12:10

Cun vancung ah cun aw thangpi pakhat ka theih i, “Atu cu Pathian khamhnak a phan cang! Atu cu Pathian nih a ṭhawnnak kha siangpahrang bantukin a langhter cang. Atu cu a Messiah nih khan a nawlngeihnak kha a langhter cang. Kannih kan unau hna sual a puhtu, Pathian hmaiah dir riangmang in chunzan in sual a puh zungzaltu hna kha, vancung in lengah hlonh a si cang.