JOB 2:3 - Lai (Hakha) Common Language Bible 2006

³ Cun Bawipa nih Satan cu a thawh i, “Ka sal Job hi na ruat bal maw? Vawlei cungah hin amah bantuk soisel awk um lo, miding, Pathian a ṭih i ṭhat lonak a mertakmi hi an um lo. Amah cu zei ruang lo ah hrawh awkin na ka canghter cang nain, a tlinnak cu fek tein aa tlaih peng ko,” tiah a ti.

JOB 2:3 ပူးပေါင်းရင်းမြစ်များ

GENESIS 6:9

Noah tefa hna cu hihi an si: fapa pathum a ngeih hna, Shem, Ham le Jafeth an si. Noah cu miṭha a si i amah lawnglawng kha cu caan ah cun Pathian lung a tongmi a si; Pathian he i hawikomh in a nungmi a si.

2 SAMUEL 20:20

Joab nih a leh i, “Cuticun a si hrimhrim lo, dolh ka tim lo i hrawh zong ka tim naisai lo!

JOB 1:1

Uz ram ah hin mipa pakhat a min Job a simi a rak um; cu pa cu soisel awk um lo, miding, Pathian a ṭih i ṭhat lonak kha a hrialmi a si.

JOB 1:11

Sihmanhsehlaw atu cu na kut hei chuah law a ngeihmi thil vialte khi tawng tuah ngat, na hmai hrimhrim ah an vawlhpamh ko lai,” tiah a ti.

JOB 1:6

Cun Pathian fapa hna cu Bawipa hmai i an chuah ni a hung phan i Satan zong an sinah cun a ra ve.

JOB 1:8

Cun Bawipa nih Satan cu a thawh i, “Ka sal Job hi na ruat bal maw? Vawlei cungah hin amah bantuk soisel awk um lo, miding, Pathian a ṭih i ṭhat lonak a mertakmi hi an um lo,” tiah a ti.

JOB 13:15

Ruahchannak zeihmanh ka ngei ti lo, cucaah Pathian nih a ka thah zong ah zeidah a poi? A hmai hrimhrim ah ka bia cu ka va chim ṭhiamṭhiam ko lai.

JOB 2:2

Cun Bawipa nih Satan cu a thawh i, “Khuazei in dah na rat?” tiah a ti. Satan nih cun Bawipa cu a leh i, “Vawlei cung khuazakip i kaa chawhnak le kaa lehnak in,” tiah a ti.

JOB 2:4

Khi tikah Satan nih Bawipa cu a leh i, “Cuar caah cuar! Mi nih cun a ngeihmi vialte cu a nunnak caah cun a sian ko lai ta.

JOB 9:17

Zeicahtiah thil hme tete kongah fak piin a ka tongh i Sullam ngei loin ka cungah tuknak cu ruah sur in a surter.

JOB 9:20

Suallo si hmanh ning law, keimah kaa lila nih sual a ka phawt ko lai; Soi awk um lo si hmanh ning law, amah nih cun lamtlau a ka ti khawh ko lai.

SALM 26:1

Bawipa, nangmah kha ka lung a dih-umnak in kan bochan i a dingmi thil kha ka tuah caah, misual lo ka sinak kha ka thanhpiak tuah.

SALM 37:37

Miṭha khi zohhmanh u, miding khi zohhmanh u; daihnak mi cu tefa an ngei;

SALM 41:12

Ahmaanmi kha ka tuah caah na ka bawmh lai; na hmaika ah a zungzal in na ka umter lai.

PHUNGTHLÛKBIA 11:8

Miding cu harnak chungin chuah a si, sihmanhsehlaw miṭhalo cu cu chungah cun a paih in an i paih.

PHUNGTHLÛKBIA 13:6

Dinnak tuahnak nih khan miding cu a ven hna, sihmanhsehlaw ṭhat lonak cu mi sual mi hna tluknak a si.

PHUNGTHLÛKBIA 14:2

Miding nih cun Bawipa kha an ṭih, sihmanhsehlaw midepde nih cun zei ah an rel lo.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

PHUNGTHLÛKBIA 16:17

Miding hna nih cun ṭhat lonak a hrialtu lam kha an zulh, cucaah khuazei i na kal kha zoh tuah, na nunnak an khamh khawh lai.

JOHAN 9:3

Jesuh nih cun, “A mitcawtnak hi amah sualnak ruangah siseh, a nu le a pa sualnak ruangah siseh a si lo. Pathian ṭhawnnak cu amah damnak thawng hin a langh nakhnga caah a mit a cawt hi a si.

FILIPI 3:12

Hi thil ah hin ka tlam a tling cang ti a si lo i ka tling cang ti zong a si fawn lo. Sihmanhsehlaw a ka ngeitu cu Khrih kha a si cang caah cu thil cu ka ta a si khawh nakhnga kaa zuam lengmang.

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.