JOB 2:10 - Lai (Hakha) Common Language Bible 2006

¹⁰ Sihmanhsehlaw amah cu a thawh i, “A hrutmi nu bantukin pei bia na chim cu. Pathian kut in ṭhatnak kan hmuh i ṭhat lonak zong kan hmuh awk a si hnga lo maw?” tiah a ti. Hi thil vialte ah hin Job nih a kaa in sualnak a chim lo.

JOB 2:10 ပူးပေါင်းရင်းမြစ်များ

GENESIS 3:17

Cun Adam cu a thawh i, “Na nupi bia na ngaih i ei hlah kan timi thei kha na ei caah vawlei hi nangmah ruangah chiatserh a si lai. Na ei khim rawl hmuhnak dingah na nun chung fak piin rian na ṭuan a hau lai.

2 SAMUEL 13:13

Keimah lei ca in chim ah, hi ka ningzahnak cu khuazei ah dah kaa phorh khawh lai? Cun nangmah ca zongah, nangmah cu Israel mi lak i horhrutmi pakhat na si ve ko lai. Cucaah siangpahrang sinah chim tuah, tiah kan nawl, nangmah vat cu a ka thlauh lem lai lo,” tiah a ti.

2 SAMUEL 19:22

Sihmanhsehlaw David nih, “Nannih Zeruiah fapa hna, nannih nan i thlak awk zeidah a um, nihin i keimah caah ral bantuk nan si hnga cu? Nihin ah hin Israel mi ahohmanh thah awk a si hnga maw? Zeitintiah nihin ah hin Israel mi cungah siangpahrang ka si kha hngal loin maw ka um?” tiah a ti.

2 SAMUEL 19:28

Zeitintiah ka innchungkhar vialte cu siangpahrang ka bawipa hmaiah cun thah awk i khilmi men pei an hei si ko cu; asinain nangmah nih na salpa cu na cabuai i rawl a eimi hna lakah na ka chiah. Cucaah siangpahrang sinin thil dang a hal ngam ding ka si ti hnga maw?” tiah a ti.

2 SAMUEL 24:10

Sihmanhsehlaw mi an rel dih hna hnuah khan David cu lung sivang in a um. Cun David nih Bawipa sinah cun, “Ka tuahmi ah hin fak piin ka sual cang. Sihmanhsehlaw, maw Bawipa, hruhnak piin ka tuah cang caah, na salpa ka ṭhat lonak hi ka hlohpiak ko sawh, tiah kan nawl,” tiah a ti.

2 CHANRELNAK 16:9

Zeitintiah vawlei cung dihlak ah hin Bawipa mit cu aa chawk dih i amah lei i an lung soisel awk a um lomi hna cungah a ṭhawnnak kha a langhter. Hi thil ah hin hrut piin na tuah cang; zeitintiah atu cun ral na ngei cang lai,” tiah a ti.

JOB 1:10

Amah le a inn le a ngeihmi vialte cu hau in na kulh hna lo maw? Nangmah nih a kut rianṭuannak cu thluachuah na pek i ram chungah hin a ngeihmi thil cu an karh.

JOB 2:9

Cun a nupi nih amah cu a thawh i, “Na tlinnak cu fek tein naa tlaih peng ko rih lai maw? Pathian cu vawlpam law thi ko cang,” tiah a ti.

SALM 39:1

“Ka tuahmi ah khan kaa ralring lai ka lei kha sualnak ka tuahter lai lo; miṭhalo kha lamnai i an um lioah zeihmanh ka chim lai lo,” ka ti.

SALM 39:10

Dan cu ka tat ti sawh hlah, na dantatnak in ka thi dengmang cang.

SALM 39:9

Hi tlukin nganfahnak na ka inter caah dai tein ka um lai i bia pakhat hmanh ka chim lai lo.

SALM 59:12

An kaa chungah sualnak a um an bia cu bia sual lawngte an si; an i porhlawtnak ah cun anmah lila i foih hna seh. Annih cu chiatserhnak bia a chimmi le lihchimmi an si caah

PHUNGTHLÛKBIA 9:13

Nu hrut cu a lung duh ning paoh khan a um i ngakchia bantuk a si i zeihmanh a hngal lo.

PHUNGTHLÛKBIA 9:6

Hruhnak lam kha kaltak u law nung cang tuah u, fimnak lam kha zul tuah u,” a ti.

PHUNGCHIMTU 7:14

Ṭhat ni ah i lawm law harnak na ton ni ah hihi va ruat tuah: Pathian nih lunglawmhnak zong cu a umter i harnak zong cu a umter, hmailei ah zeidah a um lai ti bel, ahohmanh nih an hngal lo.

ṬAHNAK HLA 3:37

Bawipa nih a thlauhmi thil cu Aho nih dah tuah si seh tiah nawl a pek khawh lai?

MATTHAI 16:23

Jesuh cu a hun i mer i Peter cu, “Satan, ka sinah um hlah. Na ruahnak hi Pathian ruahnak si loin minung ruahnak a si caah ka caah dawntu na si,” tiah a ti.

MATTHAI 25:2

Panga cu an hrut i panga cu an fim.

JOHAN 18:11

Jesuh nih Peter cu a thawh i, “Na nam kha a kawng ah sawh ṭhan. Ka Pa nih a ka pekmi hrai, nganfah innak hrai cu ding loin a um hnga ti ah maw na ka ruah?” tiah a ti.

ROM 12:12

Nan i ruahchanmi thawng khan nan tha nuam ko u; harnak nan in tikah lungsau thinfual in um u law thla cam zungzal u.

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

JEIM 3:2

Kan dihlak hin palhnak kan tuah cio tawn. A biachim ah palhnak a tuah lomi cu mitling a si i a pum aa uk khomi a si.

1 SAMUEL 3:18

Cucaah Samuel nih zeizong vialte a chimh dih i a sinin zeihmanh a thup lo. Cun anih nih, “Mah cucu Bawipa a si; a ṭha tiah a timi cu tuah ko seh,” tiah a ti.