JOB 17:4 - Lai (Hakha) Common Language Bible 2006

⁴ Hngalhthiamnak an ngeih nakhnga lo, an lung cu na phih hna i Ka cungah diriam in umter hna hlah.

JOB 17:4 ပူးပေါင်းရင်းမြစ်များ

2 SAMUEL 15:31

Cun David cu, “Ahithophel kha ralthli khua a khangtu hna lakah Absalom sinah aa tel ve,” tiah an chimh. Cun David nih, “Maw Bawipa, Ahithophel khuaruah thiamnak cu hruhnak ah canter ko sawh, tiah kan nawl,” tiah a ti.

2 SAMUEL 17:14

Cun Absalom le Israel mi vialte nih cun, “Hushai ruahnak cheuhmi cu Ahithophel ruahnak cheuhmi nakin a ṭha deuh,” tiah an ti. Zeitintiah Bawipa nih Absalom cungah ṭhat lonak a tlunter nakhnga, Bawipa nih Ahithophel cheuhmi ruahnak ṭha cu sunghter awkah a rak ruah cia cang.

2 CHANRELNAK 25:16

Sihmanhsehlaw bia a chim lioah cun siangpahrang nih khan a thawh i, “Nangmah cu siangpahrang fimchimtu ah maw kan in ser? Ngol ko! Zeicahdah thah na si lai?” tiah a ti. Cucaah profet nih cun a ngol, sihmanhsehlaw, “Mah hihi na tuah i kan chimhmi na ngaih lo caah, Pathian nih nangmah hrawk awk cu a ruah cang tiah ka hngalh,” tiah a ti.

JOB 12:20

Zumhmi mifim hna kha holh kho loin a tuah hna i Upa kha thil thleidan khawhnak fimnak kha a chuh hna.

JOB 17:5

Phungthluk bia hlun ah, mi pakhatkhat nih tangka ruangah a hawipa kha a rawi ahcun, A fale mit kha a caw lai, ti a si.

ISAIAH 19:14

Lungthin an cheuh hna tikah an lung a tuaitam chin tu dingin Bawipa nih lungthin a cheutu cu a umter hna. Cucaah cun Izipt cu a tuahmi paoh ah khan a palh lengmang i amah luak lila i a nalmi zuri bantukin a sawn lengmang.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

MATTHAI 13:11

Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

ROM 11:8

Cathiang nih, “Pathian nih an lung a pinter hna; nihin ni tiang hrimhrim hin an mit in an hmu kho lo i an hna in an thei kho lo,” a ti bang khan a si taktak.

1 KORIN 1:20

Cucaah cu nih cun nan mifim hna cu khuazei ah dah a chiah hna? Nan cathiam hna zong cu tah? Vawlei fimnak in bia al a thiammi hna kha tah? Vawlei fimnak hi cu hruhnak a si ti kha Pathian nih a langhter.