JOB 16:4 - Lai (Hakha) Common Language Bible 2006

⁴ Nang le kei hi umhmun aa thleng ding si u si law nangmah bantuk hin kei zong nih ka chim khawh ve ko hnga. Bia cun kan ṭhuat len ko hnga i ka lu zong kan hrilhhnawh len ko hnga.

JOB 16:4 ပူးပေါင်းရင်းမြစ်များ

2 SIANGPAHRANG 19:21

Mah hihi amah kong ah Bawipa nih a chimmi bia cu a si: Maw Sennakherib, nangmah cu Zion fanu nih an zawmhtaih i an nihsawh, Jerusalem fanu nih na hnulei in a lu an thinhnawh.

JOB 11:2

“Bia tampi hi leh loin maw um a si lai? Mi biatam paoh hi maw thiamco zungzal a si lai?

JOB 16:5

Sihmanhsehlaw thazang peknak biatu kha ka chim lai i Nangmah hnemhnak bia ka chimmi cu tiva bangin a luang lai.

JOB 35:16

Job nih bia lolak chim in a ka aa an i hngalh set ṭung loin bia kha a karhter luaimai ko hna,” a ti.

JOB 6:14

“Mahle hawi cung i zaangfahnak a ngei lomi cu Lianngan Bik ṭihnak a hlawmi a si.

SALM 109:25

Mi nih an ka hmuh tikah an ka nihsawh, keimah serhsatnak ah an lu lawng an thing ko.

SALM 22:7

A ka hmumi paoh nih capo ah an ka saih, an lei an ka chakhnawh i an lu an ka thinhnawh.

SALM 22:8

An i thawh i, “Bawipa naa bochan ṭung, zeicahdah an khamh kun lo? Bawipa nih an dawt ahcun, zeicahdah an bawmh kun lo?” an ti.

SALM 44:14

Miphun hna lakah zahpi awk thil ah na kan ser; kanmah serhsatnak ah an lu kha an ka thinhnawh.

PHUNGTHLÛKBIA 10:19

Bia tam deuh na chim paoh ah tam deuh in na sual ve sual ko lai, cucaah na fim ahcun bia naa sum lai.

PHUNGCHIMTU 10:14

Mihrut cu dong loin bia a chim. Ahohmanh nih hmailei ah zei thil a um lai ti kha kan hngal lo, cun kan thih tikah zeitindah kan um lai ti kha ahohmanh nih an chim kho fawn lo.

ISAIAH 37:22

Bawipa nih cun, “Sennakherib, nangmah cu Jerusalem khua nih khan a nih in an nihsawh men ko, capo men ah an saih ko.

JEREMIAH 18:16

Anmah nih an ram cu pakpalawng ah an ser i Zungzal in mi nih an nihsawh lai. A pawng i a kalmi paoh cu an thla a hlauh hna lai i an lu an i thin sek len lai.

JEREMIAH 48:27

Moab, Israel mi kha zeitindah nihchuak capo i na ser hna kha philh hlah. Mifir hna lakah tlaihchihmi si hna seh law cu bang, cuticun na tuah hna khah.

ṬAHNAK HLA 2:15

A kalmi paoh nih khan an kut an in benghhnawh i An in cekcekhnawh i an lu an in thinhnawh, Maw Jerusalem fanu; “Hi khua hi maw, dawhnak ah a tlingmi vawlei cung dihlak lawmhnak, rak timi cu a si?” an ti.

ZEFANIAH 2:15

Hi khua hi, ka him ko, tiah amah le amah aa porhmi khua a si i, “Keimah hlei in a dang ahohmanh an um ti lo,” tiah aa timi a si. Atu tah zeidah a si cang kun? Pakpalawng hmun, ramlak saram tlonnak hmun, a pawng i a kalmi paoh nih an cekcekhnawhmi le an kuttum thinhnawhmi a si ko cang.

MATTHAI 7:12

“Mi nih kan cungah tuah hna seh ti nan duh bantuk khan midang cung zongah va tuah ve u; hihi Moses Nawlbia le profet hna cawnpiaknak an sullam cu a si.

ROM 12:15

Aa lawmmi sinah vaa lawm ve u, a ṭapmi sinah va ṭap ve u.

1 KORIN 12:26

Pum chung nge pakhatkhat nih fahnak a in ahcun a dang nge vialte zong nih khan an rak inpi ve; cun pakhatkhat nih khan thangṭhatnak a hmuh ahcun a dang vialte zong nih khan aa lawmhnak cu an rak i hrawm ve.