JOB 11:8 - Lai (Hakha) Common Language Bible 2006

⁸ Van nakkhin a sang deuh — zeidah na tuah khawh lai? Sheol nakin a thuk deuh — zeidah na hngalh khawh lai?

JOB 11:8 ပူးပေါင်းရင်းမြစ်များ

2 CHANRELNAK 6:18

“Sihmanhsehlaw Pathian nih cun vawlei cungah cun minung sinah hin khua a sa taktak hnga maw? Zohhmanh, van le a sang bik van nih khin an in tlum lo; zeitindah hi keimah sakmi inn chinchin nih cun an tlum hnga!

JOB 11:9

Vawlei velchum nakin a sau deuh i rili nakin a kau deuh.

JOB 22:12

“Pathian cu van ah khin a sannak bik ah a um a si lo maw? A sang bik arfi hmanh khi chuk zoh in a vun zoh hna.

JOB 26:6

Sheol cu Pathian hmaiah cun taklawng in a um i Abaddon cu a khuhnak a chin kha hun a si.

JOB 35:5

Van khi hei zoh law ruat tuah, Nangmah cungpi i a ummi khuadawm khi zoh tuah hna.

JOB 37:23

Lianngan Bik cu kannih nih kan hmu kho lo; Amah a ṭhawnnak cu kannih nih kan hngalh khawh leng a si, A dinnak cu biading tuah awkah khan a khul a nuar lo.

JOB 38:17

Thihnak kutka hna cu na sinah phuan an si cang maw? A thukmi muihnak kutka a cawngtu hna cu na hmu bal hna maw?

JOB 7:9

Minmei a ṭian i a loh bangin, Cu bang cun Sheol i a vung kalmi cu a hung ṭhan ti lai lo.

SALM 103:11

Van cu vawlei nakin a san deuh ngaingai bantukin a dawtnak cu amah a ṭihmi hna caah cun a ngan ve.

SALM 148:13

An dihlak in Bawipa min cu thangṭhat hna seh! A min cu min dang vialte nakin a ngan deuh; a sunparnak nih van le vawlei a lonh hna.

SALM 36:6

Na dinnak cu tlang nganpi bantukin a fek i na biakhiahnak cu rilipi bantukin a thuk. Bawipa, nangmah nih minung le saram cu na zohkhenh hna.

PHUNGTHLÛKBIA 30:4

Van ah khin ahodah a hung kai i a ṭum ṭhan? Aho nih dah a kut chungah thli kha a hum hna? Aho nih dah ti kha a puan in a fun hna? Aho nih dah vawlei cu a ramri kha a ser hna? A min cu ahodah a si i a fapa min cu ahodah a si? Na hngalh ahcun chim tuah.

ISAIAH 55:9

Van khi vawlei nakin a let tam piin a san deuh bangin ka ruahning le ka thil tining zong nan ruahning le nan thil tining nakin a let tam piin a sang deuh.

AMOS 9:2

Sheol i an vung kal hmanh ah, Khika hmanh cun ka kut nih a vun hnuh hna lai; Vancung i an kai zongah, Khika hmanh cun ka va ṭhumh hna lai.