JOB 1:5 - Lai (Hakha) Common Language Bible 2006

⁵ Cun an puai kha a dih tikah Job nih khan a auh hna i a thianh hna; zingkate in a tho i an milu tlingte khan khangh thawinak a pekchanhpiak tawn hna; zeicahtiah Job nih cun aa thawh i, “Ka fapale hna nih hin sualnak an tuah ko hnga i an lung chungin Pathian kha an vawlhpamh ko hnga,” tiah a ti. Cuticun Job nih a tuah lengmang tawn.

JOB 1:5 ပူးပေါင်းရင်းမြစ်များ

GENESIS 22:3

A thaizing cu zingka tein Abraham nih a laa kha a dan a danh i Isak le a sinum pahnih hna he tiah an kal. Thawinak ding caah cun thing tlawmpal a hlam i Bawipa nih a chimhmi hmun leiah khan kal aa thawh.

GENESIS 6:5

Bawipa nih minung cu khuazakip ah an ṭhat lo tuk hringhran le an lungchung cu ruahnak ṭhalo lawnglawng a khah kha a hmuh tikah,

GENESIS 8:20

Noah nih Bawipa caah biakṭheng pakhat a ser; saram thiang pawl le va chung khan phun khat ah pakhat cio a lak hna i khangh thawinak caah biakṭheng cungah cun a khangh hna.

1 SIANGPAHRANG 18:31

Bawipa bia a sinah a phan i, “Na min cu Israel a si lai,” tiah a timi Jakob i a fapa hna an phun zat khan Elijah nih lung hlei hnih aa lak i

1 SIANGPAHRANG 21:10

cun mi ṭhiṭhalo pahnih in amah hmaiah cun chia hna u law, ‘Nangmah nih Pathian le siangpahrang chiat na serh hna,’ tiin bia puh hna seh. Cun chuahpi u law thi lakin lung in chep u,” tiah a ṭial.

1 SIANGPAHRANG 21:13

Cun mi ṭhiṭhalo pahnih hna kha an ra i a hmaiah khan an ṭhu; cun mi ṭhiṭhalo hna nih khan mi zapi hmaiah cun Naboth cu bia an puh i, “Naboth nih Pathian le siangpahrang kha chiat a serh hna,” an ti. Cucaah khua lengah an chuahpi i thi lakin lung in an cheh.

NEHEMIAH 12:30

Cun tlangbawi hna le Levi mi hna kha an i thianh i mi zapi hna le kutka hna le kulhnak vampang kha an thianh hna.

JOB 1:11

Sihmanhsehlaw atu cu na kut hei chuah law a ngeihmi thil vialte khi tawng tuah ngat, na hmai hrimhrim ah an vawlhpamh ko lai,” tiah a ti.

JOB 1:4

Cun anmahle an inn cio ah a fapa hna nih khan, an ni cio ah, rawl danghnak kha i chawng lengmang in an tuah tawn i an sin i ei awk le din awkah an farle pathum kha an sawm tawn hna.

JOB 2:9

Cun a nupi nih amah cu a thawh i, “Na tlinnak cu fek tein naa tlaih peng ko rih lai maw? Pathian cu vawlpam law thi ko cang,” tiah a ti.

JOB 27:10

Lianngan Bik cu aa bochan hnga maw? Pathian cu a au camcin hnga maw?

JOB 41:25

A hung thawh tikah miṭhawng hna kha an thin a phang, A mei a hun vuak tikah, a umtu awk an hngal lo.

JOB 42:8

Cucaah cawtum pasarih le tuukawng pasarih in i lak hna u law ka sal Job sinah va kal u law nan caah khangh thawinak va pechan u; cun ka sal Job nih thla an campiak hna lai, zeicahtiah ka sal Job nih ka kong ah a dikmi bia a chim bantukin nannih nih nan chim lo ruangah nan hruhnak bantukin nan cungah ka tuah nakhnga lo amah thlacamnak cu ka cohlan lai,” tiah a ti.

JOB 6:14

“Mahle hawi cung i zaangfahnak a ngei lomi cu Lianngan Bik ṭihnak a hlawmi a si.

JOB 8:4

Na fale hna nih a cungah an sual caah An ṭhat lonak dantatnak kha an cungah a tlunter.

SALM 5:3

Zinglei ah ka aw kha na ka theihpiak: nichuak kate ah na sinah thla ka cam tawn i na ka lehnak kha ka hngah tawn.

EXODUS 18:12

Cun Jethro nih cun Pathian caah raithawi awk a hun i phorhmi le khanghthawinak a hun i phorhmi cu an thawi hna i Aaron le Israel mi hruaitu pawl vialte cu Moses pu sinah cun an ra i Pathian hmaika ah rawl kha an ei ṭi hna.

EXODUS 19:10

Bawipa nih Moses cu, “Mi zapi sinah khin va kal law nihin le thaizing biaknak ding caah va timhlamhter hna. An thil kha su hna seh law

EXODUS 24:5

Cun Israel mi tlangval kha a thlah hna i khangh thawinak kha an tuah i hawikomhnak thawinak caah Bawipa kha cawtum an thahpiak.

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

EZEKIEL 14:14

Noah, Daniel le Job, kha mi pathum hna hmanh kha nung rih hna seh law, anmah nunnak dah ti lo cu an dinnak nih khan ahohmanh a khamh kho hlei hna lai lo. Mah hihi Bawipa Pathian bia hrimhrim a si.

LUKA 1:75

cucu kan nunchung vialte, amah hmaiah thianghlim le ding tein kan um nakhnga caah a si.

LUKA 18:7

Pathian nih tah amah a mi hna chunzan hlan in a sinah bawmh hal awkah a au lengmangmi hna cu thiamcoh loin maw a um hna hnga? Anmah bawmh awkah cun a khul a nuar ko hnga maw?

JOHAN 11:55

Judah mi Lanhtak Puai kha a nai i khuate khan mi tampi cu, puai hlan i thianhnak rak tuah awkah, Jerusalem khua ah khan an kal.

LAMKALTU 21:26

Cucaah Paul nih khan mi kha a kalpi hna i a thaizing ah i thianhnak phungphai kha a tuahpi hna. Cun biakinn chungah khan a va lut i an i thianhnak caan a dongh tiangah ni zeizat dah a si lai i cu a dongh tikah an caah raithawinak tuah a herh cio lainak kong kha tlangbawi cu a va chimh.

LAMKALTU 8:22

Cucaah cun hi thil ṭhalo na ruahmi hi i ngaihchih law hi bantuk thil ṭhalo na ruahmi hi an ngaihthiam khawh nakhnga Bawipa sinah thla cam.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

2 KORIN 11:2

Pathian nih an sian hna lo bantukin kei zong nih kan siang ve hna lo. Nannih cu Khrih he i um dingin ka ham cangmi ngaknu thiang bantuk nan si.

EFESA 6:18

Hi vialte hi thlacam buin tuah u law Pathian kha bawmhnak hal u. Thlarau nih an hruai hna ningin zeitik caan paoh ah thlacam u. Hi caah timhcia tein um zungzal u law nan hnabei zeitikhmanh ah dong hlah u; Pathian mi hna caah thlacam zungzal u.

1 SAMUEL 16:5

Cun anih nih, “Daihnak in; Bawipa sin i raithawi awkah ka ra; nanmah kha i thianh u law, raithawinak ah cun ka sinah ra ve u,” tiah a ti hna. Cun Jesse le a fapa hna kha a thianh hna i raithawinak ah khan a sawm hna.