JOB 1:22 - Lai (Hakha) Common Language Bible 2006

²² Hi vialte ah hin Job nih sualnak a tuah lo i Pathian cu a mawhchiat lo.

JOB 1:22 ပူးပေါင်းရင်းမြစ်များ

JOB 2:1

Pathian fapa hna cu Bawipa hmai i an chuah ṭhan ni a hung phan ṭhan i Satan zong cu Bawipa hmai i chuah ve awkah, an sinah cun a ra ve.

JOB 2:10

Sihmanhsehlaw amah cu a thawh i, “A hrutmi nu bantukin pei bia na chim cu. Pathian kut in ṭhatnak kan hmuh i ṭhat lonak zong kan hmuh awk a si hnga lo maw?” tiah a ti. Hi thil vialte ah hin Job nih a kaa in sualnak a chim lo.

JOB 34:10

“Cucaah ka bia thei tuah u, nannih hngalhthiamnak a ngeimi hna, Pathian nih cun ṭhat lonak a tuah naisai lai lo i Lianngan Bik nih cun palhnak a tuah naisai lai lo.

PHUNGCHIMTU 8:14

Sihmanhsehlaw cucu pakpalawng a si. Vawlei cung i thil umtuning hi zoh ngat u, miding mi nih pei miṭhalo mi hna nih an hmuh awk a simi dantatnak kha an in i miṭhalo mi nih miding mi hna hmuh awk a simi laksawng kha an hmuh tawn ko hi. Mah hihi pakpalawng a si, ka ti.

MALAKHI 3:15

“Miruamkai pei lunglawmmi cu an si ko hi, miṭhalo hna pei an nun a nuamh lawng si loin Pathian a hneksak i a luatmi an si ko hi,” nan ti.

ROM 9:20

Sihmanhsehlaw ka kawi, nangmah cu Pathian bia a let lakmaktu dingah ahodah na si? Tlak um nih a sertu cu, “Zeicahdah hi bantuk hin na rak ka ser,” tiah a hal lo.

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

JEIM 1:4

Zeihmanh bau loin a tlingmi nan si nakhnga, a karlak ah ing kho loin um sual loin a dongh tiangin ing ko u.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.