JOB 1:11 - Lai (Hakha) Common Language Bible 2006

¹¹ Sihmanhsehlaw atu cu na kut hei chuah law a ngeihmi thil vialte khi tawng tuah ngat, na hmai hrimhrim ah an vawlhpamh ko lai,” tiah a ti.

JOB 1:11 ပူးပေါင်းရင်းမြစ်များ

GENESIS 26:11

Cun Abimelek nih khan mi cu an dihlak in nawl a pek hna i, “Hi mipa siseh, a nupi siseh, an cungah ṭhat lonak a tuah mi cu thah nan si lai,” a ti hna.

JOB 1:12

Cun Bawipa nih Satan cu a thawh i, “Zohhmanh, a ngeihmi vialte cu nangmah kut chungah an um; amah taktak belte na kut cun tawng hlah,” tiah a ti. Cucaah Satan cu Bawipa hmaika cun a chuak.

JOB 1:21

Cun aa thawh i, “Ka nu paw chungin taklawng in ka chuak i taklawng in ka kir ṭhan lai; Bawipa nih a ka pek i Bawipa nih a lak ṭhan; Bawipa min cu thangṭhat si ko seh,” tiah a ti.

JOB 1:5

Cun an puai kha a dih tikah Job nih khan a auh hna i a thianh hna; zingkate in a tho i an milu tlingte khan khangh thawinak a pekchanhpiak tawn hna; zeicahtiah Job nih cun aa thawh i, “Ka fapale hna nih hin sualnak an tuah ko hnga i an lung chungin Pathian kha an vawlhpamh ko hnga,” tiah a ti. Cuticun Job nih a tuah lengmang tawn.

JOB 19:21

“Ka cungah zaangfahnak ngei tuah u, Ka cungah zaangfahnak ngei tuah u, maw nannih ka hawile hna, Zeicahtiah Pathian kut nih a ka tawngh cang.

JOB 2:3

Cun Bawipa nih Satan cu a thawh i, “Ka sal Job hi na ruat bal maw? Vawlei cungah hin amah bantuk soisel awk um lo, miding, Pathian a ṭih i ṭhat lonak a mertakmi hi an um lo. Amah cu zei ruang lo ah hrawh awkin na ka canghter cang nain, a tlinnak cu fek tein aa tlaih peng ko,” tiah a ti.

JOB 2:5

Sihmanhsehlaw atu cu na kut hei chuah law a ruh le a sa kha tawng tuah hna ngat, na hmai hrimhrim ah an vawlhpamh ko lai,” tiah a ti.

JOB 2:6

Cun Bawipa nih Satan cu a thawh i, “Zohhmanh, amah cu na kut chungah a um, a nunnak bel zuah ko,” tiah a ti.

JOB 2:7

Cuticun Bawipa hmaika cun Satan cu a chuak i fih a nungmi hma in Job cu a kechik in a luthlung tiang a hrem.

JOB 2:9

Cun a nupi nih amah cu a thawh i, “Na tlinnak cu fek tein naa tlaih peng ko rih lai maw? Pathian cu vawlpam law thi ko cang,” tiah a ti.

JOB 4:5

Sihmanhsehlaw atu cu nangmah cungah harnak tlun caan a phan i na thin a tawi, Nangmah cu an tawngh i na lung a dong.

SALM 105:15

Aa thawh i, “Ka thimmi ka sal cu tawng hna hlah u, ka profet cu fahnak pe hna hlah u,” a ti.

ISAIAH 5:25

Bawipa cu a mi hna cungah a thin a hung i anmah kha dantat awkah a kut a samh. Tlang cu an i hnin lai i a thimi cu an ruak kha zatlang lam ah an ril lai. Cu ti a si hmanh ahcun Bawipa thinhunnak cu a dong rih lai lo i dantatnak pek awkah a kut cu aa samh ko rih lai.

ISAIAH 65:3

ningzah hngal hrimhrim loin ka thin an ka hunter zungzal ko. Dum thiang timi ah khan lawkih rai an thawi i lawkih biakṭheng cungah khan zihmui an khangh.

ISAIAH 8:21

Mi cu ram chungah khan hnabei dong le rawlṭam in an vak lai. An rawlṭam le an thinhun in an siangpahrang le an Pathian kha chiat an serh hna lai. Van an zoh lai,

ZEKHARIAH 2:8

Nanmah an ramhtu hna miphun hna sinah khan ralkapbu Bawipa nih rian a ka fial tikah a chimmi bia cu hihi a si, nanmah an tawngtu hna cu anmah an mit falai aa tawngmi an si.

BIAPHUAN 12:10

Cun vancung ah cun aw thangpi pakhat ka theih i, “Atu cu Pathian khamhnak a phan cang! Atu cu Pathian nih a ṭhawnnak kha siangpahrang bantukin a langhter cang. Atu cu a Messiah nih khan a nawlngeihnak kha a langhter cang. Kannih kan unau hna sual a puhtu, Pathian hmaiah dir riangmang in chunzan in sual a puh zungzaltu hna kha, vancung in lengah hlonh a si cang.

BIAPHUAN 16:11

cun fahnak le hmachia an in ruangah khan vancung Pathian cu an thangchiat. Asinain an lam ṭhalo kha an kaltak hlei lo.

BIAPHUAN 16:21

Rial ngan pipi, pawng za khat tiang a ritmi kha van in minung cungah an tla. Cun mi nih rial in hremnak an in ruangah cun Pathian kha an thangchiat, an inmi hremnak cu a fak hringhranmi a si ko.

BIAPHUAN 16:9

Ni lin nih cun mi kha a kangh hna i hi hremnak cung i nawl a ngeitu Pathian min kha an thang chiat. Asinain an sualnak kha an mertak duh lo i Pathian lianhngannak kha an thangṭhat duh lo.