JEREMIAH 9:7 - Lai (Hakha) Common Language Bible 2006

⁷ Cucaah Ralkapbu Bawipa nih hi bangin a ti: Keimah cu anmah ṭhentu ka si i ka hneksak hna lai. Zeitindah ka mi cu zeirello in ka um khawh hna lai?

JEREMIAH 9:7 ပူးပေါင်းရင်းမြစ်များ

2 SAMUEL 13:26

Khi tikah Absalom nih a thawh i, “Asilo ahcun, ka unau Amnon cu ka sinah kal seh, tiah kan nawl,” tiah a ti. Cun siangpahrang nih amah cu, “Zeicahdah na sinah cun a kal lai?” tiah a ti.

2 CHANRELNAK 36:15

Bawipa, an pupa hna Pathian nih khan a mi hna le a umnak hmun cungah khan zaangfahnak a ngeih caah lamkaltu kha ngol duh lo tein a thlahhnawh lengmang hna;

SALM 120:4

Ralkap cantiang le meiṭil sen in dan an tat hna lai.

SALM 55:22

Na thilri cu Bawipa sinah ṭhum ta law amah nih an bawmh lai; miṭha cu zeitikhmanh ah a sunghter bal lai lo.

SALM 62:5

Pathian lawnglawng kha kaa bochan, amah lawnglawng kha kaa ruahchan.

ISAIAH 1:25

Atu cu kan tongh cang hna lai. Ngun an thianh bantukin kan thianh hna lai i nan thurhnawmhnak vialte kha ka thianh dih lai.

ISAIAH 48:10

Ngun cu somei chungah hneksak a si bangin temhinnak mei chungah khan kan hneksak hna. Asinain santlailo nan rak si.

ISAIAH 59:3

Lih nan chim, nan puar i lai nan nawn.

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

JEREMIAH 5:1

Jerusalem khua chung lam a kenkip ah khan vaa chawk u law va zoh u law vaa chingchiah tuah u, Khi khua cu ka ngaihthiam khawh nakhnga Biading a kawl i biatak a tuahmi mi pakhat tal, A khua chung i hmun kau pipi ah khan va kawl tuah hna u law nan hmu kho hna hnga maw?

JEREMIAH 6:27

Jeremiah, nangmah cu ka mi hna fiantertu le hneksaktu ah kan ser, Va hneksak hna law an umtuning kha va hliah tuah.

HOSEA 4:1

Maw Israel, Bawipa bia cu thei tuah; Zeicahtiah hi rammi hna cungah hin Bawipa nih bia pakhat a ngei: Hi ram chungah hin pakhat le pakhat i zumhnak le pakhat le pakhat i bochannak le Pathian hngalhnak a um lo,

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

MALAKHI 3:3

Levi mi kha a thianh hna lai i ngun le sui an ṭawl hna bantukin a ṭawl hna lai i cucaah Bawipa sin i laksawng a rak putu dingah khan an i tlak lai.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

1 PETER 4:12

Ka dawtmi ka hawile hna, a fakmi temhinnak nan in caah hin, nan khuaruahhar hlah u, kan cungah a um bal theng lomi thil a tlung tiin ruat hlah u.