JEREMIAH 9:21 - Lai (Hakha) Common Language Bible 2006

²¹ “Thihnak cu kan thlalangawng in an rung lut i Kan inn ṭhaṭha hna ah an lut cang; Khualak lam i ngakchia hna kha an thah hna i Khualak tual i tlangval hna kha an dawi hna,” tiin i cawnpiak hna seh.

JEREMIAH 9:21 ပူးပေါင်းရင်းမြစ်များ

2 CHANRELNAK 36:17

Cucaah an tlangval hna cu an hmunthiang inn chungah khan vainam in a that i, tlangval cungah siseh, upa cungah siseh, zaangfahnak a ngei lomi, Khaldi mi siangpahrang kha an cungah a ratpi; a kut chungah cun an dihlak in a chanh hna.

ISAIAH 40:30

A nomi hmanh kha an tha a der tawn i tlangval hmanh kha an tha a ba kho.

JEREMIAH 15:7

Ka vamh hna i ram chung khua kip ah khan ka ṭhek hna; Annih nih an lam kha an hlawt duh lo caah an cungah ngaihchiatnak ka tlunter i ka mi cu ka hrawh hna.

JEREMIAH 18:21

Cucaah an fale hna cu mangṭam tonter hna, Vainam sinah khan kaltak men ko hna. An nupile hna cu fa ngei lo le nuhmei siter ko hna, an pale hna cu thihnak nih kalpi ko hna seh, An tlangval hna cu raltuknak hmun ah vainam in thi hna seh.

JEREMIAH 44:7

“Atu cu Bawipa, Ralkapbu Pathian, Israel Pathian nih hi bangin a ti: Zeicahdah nanmah lila cungah hi bantuk a nganmi rawhralnak hi nan i tlunter? Zeicahdah Judah mi nan cungah, pa si u, nu si u, ngakchia si u, bawhte si u law, a nungmi um lo tiangin, rawhnak nan i tlunter?

JEREMIAH 50:30

Cucaah a tlangval hna cu khualak lam ah khan an ril lai i Khi ni ah a ralkap hna cu thihnak chungah dai tein an it lai, tiah Bawipa nih a ti.

JEREMIAH 6:11

Bawipa, na thinhunnak cu ka chungah a khat, A in in ka ing kho ti lo,” ka ti. Cu tikah Bawipa nih a ka thawh i, “Ka thinhunnak cu khua lak i aa chawkmi ngakchia hna cungah le Aa pummi tlangval hna cungah khan bung ko kun. Pasal si hna seh, nupi si hna seh, cu chungah cun an i tel ve lai i A tar ngaingaimi ṭuakparmi hna zong kha an i tel ve ko lai.

JEREMIAH 6:21

Cucaah hi mi hna hi an hmaiah i chuih awk lungtum ka chiahpiak hna lai i an i chuih lai i an tlu lai; Pale hna le fale hna le innpa le hawikom hna kha hmun khat ah an thi lai,” tiah Bawipa nih a ti.

JEREMIAH 7:33

Cun hi mi hna ruak cu van i a zuangmi va hna caah le lei i a tlongmi saram hna caah rawl an si lai i annih ṭhawltu ah ahohmanh an um ti lai lo.

JEREMIAH 8:2

Cun annih nih an rak duh hna i an rian an rak ṭuan hna i an rak dawi hna i an rak kawl hna i an rak biakmi hna, ni le thlapa le van ralkapbu vialte hna hmaiah khin an pho hna lai. Cu ruh hna cu pumh an si lai lo, vui zong an si lai lo, vawlei ah non ah an cang lai.

JOEL 2:9

Khuapi kha an nam, A vampang ah khan an kai, inn chungah khan an lut, Mifir bantukin thlalangawng in an lut.

AMOS 5:2

Ngaknu thiang Israel cu tho ṭhan ti lo dingin a tlu cang, Amah a ram ah cun a bawk i ahohmanh amah a thotu ding an um lo.

AMOS 6:9

Inn pakhat chungah mi pahra an taan ahcun an dihlak in an thi lai.

ZEFANIAH 1:17

Bawipa nih, “Minung cungah a fakmi harnak kha ka tlunter lai; Bawipa cung i an sual ruangah khan mitcaw bantukin an i chawk lai. An thi cu ti bantukin thlet a si lai i an ruak zong ek bantukin hlonh a si lai,” a ti.