JEREMIAH 9:16 - Lai (Hakha) Common Language Bible 2006

¹⁶ An pupa nih si hna seh, anmah nih si hna seh, an hngalh bal lomi miphun hna sinah ka ṭhek hna lai i ka lim cikcek hna hlantiang vainam kha ka thlahhnawh hna lai, tiah a ti.

JEREMIAH 9:16 ပူးပေါင်းရင်းမြစ်များ

NEHEMIAH 1:8

Na sal Moses sinah nawl na pek i, ‘Zumhawktlak loin nan um ahcun miphun hna lakah kan ṭhek hna lai;

SALM 106:27

cun nan tefa cu lawkihmi hna lakah ka ṭhek hna lai i ramdang ah ka thihter hna lai,” a ti.

PHUNGCHIMTU 12:5

Hmun sang kha na ṭih hna lai i chawh kha na caah ṭihnung a si lai. Na sam kha a par lai i nu le pa duhnak na ngeihmi kha a lo lai i zeihmanh nih a umter ṭhan kho ti lai lo. Kannih cu kan umnak ding zungzal kan inn ah khan kan kal lai i khua chung lampi ah ṭahnak a um lai.

JEREMIAH 13:24

Cucaah thetse ram thli nih a choihmi favai bantukin nannih cu kan ṭhek hna lai.

JEREMIAH 24:10

Cun anmah le an pupa hna sinah ka pekmi hna ram in annih cu hrawh cikcek an si hlantiang, an cungah vainam le mangṭam le rai ka tlunter lai,” tiah a ti.

JEREMIAH 25:27

Annih cu na thawh hna lai i, ‘Hi ti hin Ralkapbu Bawipa, Israel Pathian nih a ti: Hihi ding u, ri u law lua u; nan lak i ka thlah dingmi vainam hmaiah hin tho ti lo dingin tlu u,’ na ti hna lai.

JEREMIAH 29:17

Mah hihi Ralkapbu Bawipa bia cu a si: An cungah vainam le mangṭam le rai kha ka tlunter lai i theipi ṭhalo, a ṭhat lo tuk ca i ei awk tlak a si lomi bantuk ah ka ser hna lai.

JEREMIAH 44:27

Nan cung i ṭhatnak tlunter awkah si loin ṭhat lonak tlunter dingah nannih cu ṭha tein kan zoh hna, cun Judah ram mi Izipt ram i a ummi vialte nih pakhat hmanh an taan lo tiangin vainam le mangṭam in an thi lai.

JEREMIAH 7:29

Maw Jerusalem, Pathian sin i naa peknak hmelchunhnak na sam kha i met law hlonh tuah; Tlang par kolh ah khin va ṭap tuah, Zeicahtiah a thin a huntertu chan kha Bawipa nih a hlawt cang i a kaltak cang hna,’ na ti lai.

JEREMIAH 8:19

Ram hlapi ah a ummi ka mi hna au thawng cu ngai hmanh: ‘Bawipa cu Zion ah a um lo maw? A Siangpahrang cu a chungah cun a um ti lo maw?’ tiah an au. Zeicahdah an siasal hna le ramdang pathian hna in ka thin an ka phawh? a ti.

EZEKIEL 11:17

Miphun dang hna chung khan ka pumh ṭhan hna lai i ka ṭhek hnanak ram chung khan ka khawmh ṭhan hna lai, cun Israel vawlei cu ka pek ṭhan hna lai.

EZEKIEL 12:15

Cun miphun dang hna sin le ram dangdang ah ka ṭhek hna tikah khan Bawipa ka si cu an hngalh lai.

EZEKIEL 14:17

Asiloah, cu ram ah cun vainam kha tlunter ning law cu vainam cu ram chung dihlak ah khan kal in minung le saṭil kha that hna tiah nawl pe ning law,

EZEKIEL 20:23

Cun annih nih ka nawlbia kha an ngai lo i ka phunglam kha an hlawt hna i ka sabbath kha an thurhhnawmh hna i an pupa hna siasal kha an mitthlirh peng hna caah, ‘Nannih cu miphun hna lakah kan ṭhek hna lai i khuazakip ah kan kalter hna lai,’ tiah kut hler in an sinah ramlak ah chiat kha ka ser.

EZEKIEL 27:2

“Mipa, Tair hi ṭahhla lawh tuah, i thawh law,

EZEKIEL 5:12

Na mi cheu thum cheu khat cu na chungah rai le mangṭam in an thi lai; cheu thum cheu khat cu na pawngkam ram ah vainam in an thi lai; cun cheu thum cheu khat cu khuazakip ah ka ṭhek hna lai i phawi cia vainam he ka zulh hna lai.

EZEKIEL 5:2

Ral hrennak a dih tikah sam cheu thum cheu khat cu khuapi laifang ah khan khang; cun cheu thum cheu khat cu nam in sam law khuapi velchum ah cun hlonh; cun cheu thum cheu khat cu thlitu lakah khan hlonh hna law vainam zuh cia he ka zulh hna lai.

LEVITIKAS 26:33

Miphun hna lakah kan ṭhek hna lai i nan hnu in vainam kan zuhhnawh hna lai i nan ram cu a ṭhing lai i nan khua cu an ṭiao lai.

AMOS 5:16

Cucaah hihi Bawipa, Ralkapbu Pathian bia cu an si: Lam kip ah khan ṭahnak a um lai i Khuachung tlonlennak bualrawn paohpaoh ah khan aihramnak a um lai. Lothlo kha ṭap tiah an ti hna i Ṭahhla lawh thiammi hna cu, ṭap u tiah an kawh hna lai.

MIKAH 2:4

Cu ni a phak tikah nan konglam hi mi nih rawhralnak tahchunhnak ah an hman lai i hi ngaihchiatnak hla hi an sak lai i Kan rawk cikcek cang! Bawipa nih kan ram cu a lak cang. Sal i a kan tlaitu kha a pek cang hna, an ti lai.

ZEKHARIAH 7:14

Cucaah an hngalh bal lomi miphun hna lakah ka dawi hna i an ram cu ṭiao relrul in an kaltak i pakhat hmanh an i chawk an i let ti lo. Cuticun an ram a nuam ngaimi cu pakpalawng ah an ser.

DEUTERONOMI 28:25

“Bawipa nih nannih cu nan ral hna hmaiah khan an sunghter hna lai; annih doh awkah lam pakhat in nan kal lai i an hmai in lam pasarih in nan zam lai; vawleicung pennak vialte hna mithmuh ah tuksapur nan si lai.

DEUTERONOMI 28:36

“Nanmah nih siseh nan pupa hna nih siseh nan hngalh bal lomi miphun sinah, nanmah le nan cungah nan chiahmi nan siangpahrang cu Bawipa nih ah kalpi hna lai i, khika ah thing le lung in sermi khuazing dang kha nan biak hna lai.

DEUTERONOMI 28:64

Cun khattelei vanhramdeng in khattelei vanhramdeng tiang Bawipa nih miphun kip sinah an ṭhek hna lai i, nanmah nih siseh nan pupa hna nih siseh nan hngalh lomi pathian, thing le lung in an sermi hna kha, khika ah nan biak hna lai.

DEUTERONOMI 32:26

An ral nihsawh lai kha le An ral hna nih cun, “Kanmah kut nih a tei hna, Hi chungah hin pakhat hmanh Bawipa i a tuahmi a um lo,” Tiin an ti i an ruah sual lai kha ṭih hlah ning law cu, “Ka hei ṭhek dih cang ko hna hnga i Minung lakin anmah theihhngalhnak cu ka hloh dih ko lai,” Ka hei ti ko hnga,’ a ti.

DEUTERONOMI 4:27

Cun Bawipa nih miphun hna lakah an ṭhek hna lai i Bawipa nih an dawi hna naklai miphun hna lakah tlawmte lawng nan taang lai.

JEIM 1:1

Pathian le Bawipa Jesuh Khrih sal a simi Jeim nih, vawlei cung khuazakip i aa ṭhekmi Pathian mi kha kan biakchawnh hna.