JEREMIAH 9:15 - Lai (Hakha) Common Language Bible 2006

¹⁵ Cucaah Ralkapbu Bawipa keimah Israel Pathian nih ka tuah laimi kha ngai hmanh. Ka mi hna hi ei awkah anfangkha ka pek hna lai i din awkah sivai cawhmi ti kha ka pek hna lai.

JEREMIAH 9:15 ပူးပေါင်းရင်းမြစ်များ

SALM 60:3

Na mi cu temhnak tampi na kan inter, a kan rittertu zu kha na kan dinter.

SALM 69:21

Ka rawl a ṭam tikah sivai tu an ka pek, ka ti a hal tikah ti thor an ka dinh.

SALM 75:8

Bawipa nih a kut in hrai pakhat aa put, cu hrai cu zu hrim, a ṭhawng ngaingaimi in a khat, a thlet i miṭhalo vialte kha a dinter hna, a ne zongin an khawn dih.

SALM 80:5

Mitthli hi ni fate kan ei awk rawl ah na ser i hrai nganpi khat in kan din awkah na kan chiahpiak ko.

ISAIAH 2:17

Cun minung porhlawtnak cu a dong lai i minung ruamkainak cu a rawk lai. Cu ni a phak tikah cun Bawipa lawnglawng kha hlorh a si lai i

ISAIAH 2:22

Thih thiammi minung cu i bochan hna hlah u. Zeihmanh an ṭhathnem ṭung lo.

JEREMIAH 23:15

Cucaah profet hna kong ah Ralkapbu Bawipa nih, “Annih cu ei awkah anfangkha ka pek hna lai i Din awkah a khami sivai ka pek hna lai; Zeicahtiah Jerusalem profet hna sinin ram dihlak ah Pathian zeirellonak kha a karh cang,” tiah a ti.

JEREMIAH 24:10

Cun anmah le an pupa hna sinah ka pekmi hna ram in annih cu hrawh cikcek an si hlantiang, an cungah vainam le mangṭam le rai ka tlunter lai,” tiah a ti.

JEREMIAH 25:15

Hi bangin Bawipa, Israel Pathian nih ka sinah a ti: “Hi thinhunnak mitsur hang hrai hi ka kut in i lak law, va kal, tiah kan fialnak miphun vialte cu va dinter hna.

JEREMIAH 44:27

Nan cung i ṭhatnak tlunter awkah si loin ṭhat lonak tlunter dingah nannih cu ṭha tein kan zoh hna, cun Judah ram mi Izipt ram i a ummi vialte nih pakhat hmanh an taan lo tiangin vainam le mangṭam in an thi lai.

JEREMIAH 49:37

Elam cu anmah hrawh awk aa timmi an ral hna hmaiah khan ka hrawh lai. An cungah ka thinhunnak ka chuahter ciammam lai i ka hrawh dih hna lai, an loh cikcek hlantiang, vainam in ka hrem hna lai.

JEREMIAH 8:14

Zeicahdah nan ṭhut sawhsawh ko? Hmunkhatte ah nan dihlak in tho tuah u, Kulhnak hau a ngei mi kan khua hna ah khan va kal u si law Khika ah khan va thi dih hna u sih; Zeicahtiah Bawipa cungah kan sual caah, Bawipa kan Pathian nih hrawh awkah a kan ruah cang i Sivai paihmi ti kha din awkah a kan pek cang.

ṬAHNAK HLA 3:15

A khami an in a ka khimter i Anfangkha in a ka ritter.

ṬAHNAK HLA 3:19

Ka temhnak le ka vahvaihnak ka ruah ah hin Anfangkha le hnitkha bantuk an si ko.

EZEKIEL 5:12

Na mi cheu thum cheu khat cu na chungah rai le mangṭam in an thi lai; cheu thum cheu khat cu na pawngkam ram ah vainam in an thi lai; cun cheu thum cheu khat cu khuazakip ah ka ṭhek hna lai i phawi cia vainam he ka zulh hna lai.

EZEKIEL 5:2

Ral hrennak a dih tikah sam cheu thum cheu khat cu khuapi laifang ah khan khang; cun cheu thum cheu khat cu nam in sam law khuapi velchum ah cun hlonh; cun cheu thum cheu khat cu thlitu lakah khan hlonh hna law vainam zuh cia he ka zulh hna lai.

DEUTERONOMI 28:36

“Nanmah nih siseh nan pupa hna nih siseh nan hngalh bal lomi miphun sinah, nanmah le nan cungah nan chiahmi nan siangpahrang cu Bawipa nih ah kalpi hna lai i, khika ah thing le lung in sermi khuazing dang kha nan biak hna lai.

DEUTERONOMI 29:18

Nannih lakah mipa siseh, minu siseh, innchungkhar siseh, miphun siseh, Bawipa kan Pathian sinin nihin ah a lung a mer i khi miphun hna pathian hna biak awkah a kal i nannih lakah sivai ngei le a khami thei a tlaimi hram nan um sual nakhnga lo, i ralring tuah u.

BIAPHUAN 8:11

(Cu arfi cu a min ah ‘A kha’ ti a si). Ti cu cheu thum cheu khat a kha i, ti cu a khaat caah cu ti a dingmi cu mi tampi an thi.