JEREMIAH 9:11 - Lai (Hakha) Common Language Bible 2006

¹¹ Jerusalem cu a rawkmi thil pon ah le cenghngia nih an veh lengmangmi hmun ah ka ser lai; Cun Judah ram khua hna cu an chungah mi um ti loin ka ṭhio dih hna lai.

JEREMIAH 9:11 ပူးပေါင်းရင်းမြစ်များ

NEHEMIAH 4:2

A unau hna le Samaria ralkapbu hna um hngan ah khan aa thawh i, “Hi Judah mi santlailo rual nih hin zei kan tuah an hei ti hnga dah? Thil kha an remh ṭhan hna lai maw? Raithawinak kha an tuah lai maw? Ni khat ah an lim hnga maw? Hnawmpon chung lung, khangh ciami lung hna kha an nunter ṭhan hna hnga maw?” tiah a ti.

SALM 107:43

A fimmi nih cun hi thil hi ruat hna seh; Bawipa dawtnak fek cu ruat zungzal hna seh.

SALM 44:19

Asinain sahrang lakah na kan kaltak i a thuk bik muihnak chungah na kan chiahtak ṭhiamṭhiam.

SALM 79:1

Maw Pathian, lawkihmi nih na mi hna kan ram hi an rung chim; na biakinn thiang cu an thurhhnawmh i Jerusalem cu an hrawh dih.

ISAIAH 13:22

Innsang hna le bawi inn nuamnuam ah khan cenghngia aw le ramui awnh thawng lawng a leng ko lai. Babilon cu a caan a phan cang! A ni cu a dih dengmang cang,” a ti.

ISAIAH 25:2

Khuapi cu na hrawh dih cikcek hna i an kulhnak ralhau cu na chimh dih hna. Kan ral nih an sakmi inn ṭhaṭha cu an rawk dih cang, ahohmanh nih an sa ṭhan ti hna lai lo.

ISAIAH 34:13

Siangpahrang inn vialte hna le ralhau a ngeimi khua vialte hna chungah khan hling le so lawng an kho cang lai i ram-ui le chimbu kha an um lai.

ISAIAH 44:26

Sihmanhsehlaw ka sal nih cun thil a chimchung tikah le ka timhmi phuan awkah lamkal ka thlah tikah, cu ka timhmi hna le chimchungmi thil hna cu ka tlinter hna. Jerusalem cu ka thawh i, na chungah mi an um ṭhan lai, Judah ram khua cu remh an si ṭhan lai tiah ka chimh. Hi khua hna cu an rawhnak chung khan an tho ṭhan lai.

JEREMIAH 1:15

Zeicahtiah zohhmanh, chaklei ram hna chung i a ummi miphun vialte kha ka kawh hna, tiah Bawipa nih a ti; cun annih cu an ra lai i Jerusalem kutka luhnak hna ah khan le a velchum vampang vialte hna pawng le Judah ram khua vialte ah khan an bawiṭhutdan cu an chiah cio hna lai.

JEREMIAH 10:22

Ngaihmanh, bia chawkvai pakhat a rung thang, A thawng a ngan chin lengmangmi thawngpang cu chaklei ram in a rung; Judah ram khua hna cu ṭhio awk le cenghngia riahhmun i ser awkah a rami ralkapbu thawng a si.

JEREMIAH 16:10

“Cun hi mi hna hi hi bia vialte kha na chimh hna tikah an in thawh lai i, ‘Zeicahdah hi a nganmi ṭhat lonak hi kan cung i tlun awkah Bawipa nih nawl a pek? Zei ṭhat lonak dah kan tuah? Bawipa kan Pathian cungah zei sualnak dah kan tuah?’ tiah an ti lai.

JEREMIAH 25:11

Kum sawm sarih chung hi ram hi ningzak le tuksapur in a um lai i hi miphun hna nih hin Babilon siangpahrang cu an rianh lai.

JEREMIAH 25:18

cu hna cu hihi an si: Jerusalem le Judah khuapi hna le a siangpahrang hna le a bawi hna, annih cu nihin tiang i an si bang hin, ningzak le tuksapur le nihsawh awk thil le serhsat awk thil ah ka canter hna;

JEREMIAH 26:18

“Judah siangpahrang Hezekiah chan ah Moresheth khuami Mikah nih bia a chim i Judah ram mi vialte cu, hi hi Ralkapbu Bawipa bia a si: Zion cu thuanmi lei ah a cang lai i Jerusalem cu a rawkmi hnawmpon ah a cang lai, Biakinn tlang cu hlingbur hmun ah a cang lai, tiah a ti hna.

JEREMIAH 26:9

“Zeicahdah Bawipa min in bia na chim i, hi inn cu Shiloh bantuk a si lai i hi khua cu a chung ummi pakhat hmanh um lo tiangin a ṭiao lai, na ti,” an ti. Cun mi vialte nih cun Jeremiah cu Bawipa inn ah khan an kulh.

JEREMIAH 34:22

Keimah nih nawl ka pek hna lai i hi khuapi ah hin an ra kir ṭhan lai. An tuk lai, an lak lai i an khangh dih lai. Judah ram khua hna cu ahohmanh an um lonak thetse ram bantuk ah ka ser hna lai, tiah Bawipa nih a ti.

JEREMIAH 4:27

Bawipa nih hi bangin a ti, “Ram cu a ning piin a ṭiao dih lai, Sihmanhsehlaw a donghnak taktak cu ka phakter lai lo.

JEREMIAH 44:2

“Hi bangin Ralkapbu Bawipa, Israel Pathian nih a ti: Jerusalem khua le Judah ram khua vialte hna cungah ka tluntermi ṭhat lonak vialte cu nan hmuh cang: atu ah cun an ṭiao dih i ahohmanh um ti loin kaltak an si dih cang,

JEREMIAH 49:33

Hazor cu cenghngia tlonnak hmun ah ka ser lai i zungzal in a rawk ko lai; Khika ah ahohmanh an um lai lo i ahohmanh nih innlo an khuar lai lo, tiah Bawipa nih a ti.

JEREMIAH 50:3

Zeicahtiah anmah tuk awkah chaklei in miphun pakhat a rung cang, Pakpalawng hmun ah a ser lai i khika ah minung siseh, saram siseh, an um lai lo,” tiah chim, a ti.

JEREMIAH 51:37

Cun Babilon cu a rawkmi thil pon, Cenghngia tlonnak hmun, tuksapur le cekcekhnawhmi hmun, A chung i mi a um lomi hmun ah a cang lai.

JEREMIAH 8:22

Gilead ah damnak si-ai a um ti lo maw? Khika ah sibawi pakhat tal an um lo maw? Zeicahdah ka mi hna hi an dam lo?

ṬAHNAK HLA 1:4

Zion lei kalnak lam kha an ṭap, zeitintiah a puai thiang ah khan a rami an um lo; A kutka vialte cu an rawk dih, a tlangbawi hna cu an hrum an ai; A ngaknu hna cu lamhlatpi ah an hnuh hna i Amah hrimhrim nih fak piin a in.

ṬAHNAK HLA 2:2

Bawipa nih zaangfahnak um loin Jakob umnak vialte cu a hrawh dih. A thinhun in Judah fanu ralhau vialte kha a chimh dih; Pennak le a bawi hna cu vawlei ah a ṭhumh hna i a thurhhnawmhter hna.

ṬAHNAK HLA 3:47

Kan hmaiah sadawitu khanhawtnak le khor le chiatnak le rawhralnak kha an um.

LEVITIKAS 26:32

Ram cu ka hrawh cikcek lai i cu caah nan ral hna cu a chung i an um tikah an khuaruah a har lai.

MIKAH 1:6

Cucaah Samaria cu ramlak i thilchia ponnak hmun, mitsur cinnak ah ka ser lai. A lung kha hor chungah ka hlonh hna lai i a dirnak a hram kha ka langhter lai.

MIKAH 3:12

Cucaah nanmah ruangah Zion cu lei bantukin thuan a si lai i, Jerusalem cu a rawkmi thilpon ah a cang lai i, Biakinn tlang cu tupi ah a cang lai.

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

DEUTERONOMI 29:23

cu hremnak cu, ram cu a dihlak in kat le cite, thi lakin khanghmi, zeihmanh tuh lo, zeihmanh corh lo, ram zeihmanh khoh khawh lonak a si, a thinhunnak le a thinlinhnak in Bawipa nih a hrawhmi Sodom le Gomorrah le Admah le Zeboiim rawknak bantuk a si —

BIAPHUAN 18:2

Fak piin a au i, “Nu kha a ril cang! Babilon Khualipi kha a tlu cang. Khuachia le thlarau thur nih an umhnawh cang i a thurhnawmmi le fihnung a simi vate a phunphun in a khat cang.