JEREMIAH 8:8 - Lai (Hakha) Common Language Bible 2006

⁸ Zeitindah, ‘Kannih cu kan fim i Bawipa phungbia kha kan ngei’ nan ti khawh? Cazi hna nih pei an hlennak cafung in lih ah an ser cang hi.

JEREMIAH 8:8 ပူးပေါင်းရင်းမြစ်များ

JOB 11:12

Sihmanhsehlaw ramlak laa fa cu minung in a chuah tik ceo ah Mihrut cu an fim te lai.

JOB 12:20

Zumhmi mifim hna kha holh kho loin a tuah hna i Upa kha thil thleidan khawhnak fimnak kha a chuh hna.

SALM 147:19

Jakob cu a bia kha a chimh, Israel cu a nawlbia le a phunglam kha a pek.

PHUNGTHLÛKBIA 17:6

Tu le fa hi tar hna bawiluchin an si, Fapa hna an sunparnak cu an pale hi an si.

ISAIAH 43:27

Nan pupa hmasa bik hna nih sualnak an rak tuah, nan hruaitu pawl nih ka cungah sualnak an tuah.

JEREMIAH 18:18

“Ra tuah u, Jeremiah hi zeitindah kan tuah lai, i ceih tuah u sih,” an ti. “Kannih lam a kan hruaitu ah tlangbawi an um ṭhiamṭhiam ko lai, fim a kan chimtu ah mifim an um ṭhiamṭhiam ko lai i Pathian bia a chimtu ah profet an um ṭhiamṭhiam ko lai. Ra u law, a cungah bia kawl tuah u sih, a bia cu zeihmanh ah rel hlah u sih,” an ti.

JEREMIAH 19:7

Hi hmun ah hin Judah le Jerusalem khuakhannak kha thawl khuai bantukin ka khuai lai. Annih cu an ral hna nih khan an tei hna lai i vainam in an thah hna lai. An ruak cu van i a zuangmi va hna le vawlei i a tlongmi saram hna sinah rawl caah ka pek hna lai.

JEREMIAH 2:8

Tlangbawi hna nih khan, ‘Bawipa cu khuazei ah dah a um?’ an ti ti lo. Phungbia a tlaimi hna nih khan keimah kha an ka ruat lo; Ka mi tuukhal hna nih khan keimah cu an ka doh; Profet hna nih khan Baal min in bia an chim i Bawmh khawhnak zeihmanh a ngei lomi pathian kha an zulh hna.

JEREMIAH 4:22

Ka mi hna cu mihrut an si, keimah kong kha zeihmanh an hngal lo; Annih cu fa lungping, hngalhthiamnak ngei lomi an si. Ṭhat lonak tuah bel an thiam ngai, sihmanhsehlaw ṭhatnak cu zeitindah ka tuah lai ti kha an hngal lo.

JEREMIAH 48:14

“Moab mi hna, zeitindah nannih nih, Kannih cu ralṭha le ralkap ṭhawng kan si,” nan ti khawh?

HOSEA 8:12

Cawnpiaknak kha rel cawk loin ca in ka ṭialpiak ko hna nain zeihmanh ah an rel hna lo.

MATTHAI 15:6

a nu siseh, a pa siseh, a bawmh hna a herh ti lo, nan ti. Hihi Pathian bia zei i nan rel lo ning le nanmah cawnpiakning lawng zulh nan duhning cu a si.

JOHAN 9:41

Jesuh nih cun, “Nan mit cu rak caw seh law, sualphawt nan si hnga lo. Sihmanhsehlaw nanmah nih, ‘Khua kan hmu kho,’ nan ti ruangah hin sualphawt nan sinak cu a tang peng ko,” tiah a leh hna.

ROM 1:22

Annih nih cun, kan fim, an ti, sihmanhsehlaw mihrut an si;