JEREMIAH 8:3 - Lai (Hakha) Common Language Bible 2006

³ Hi miphun ṭhalo chungin a nungmi paohpaoh nih hin, ka ṭhawl hnanak hmun kip ah, nun nakin thih an duh deuh lai,” tiah Ralkapbu Bawipa nih a ti.

JEREMIAH 8:3 ပူးပေါင်းရင်းမြစ်များ

1 SIANGPAHRANG 19:4

Sihmanhsehlaw amah tu cu ramlak ah ni khat lamkal a kal i hmunphiah thingkung tangah a ra i a ṭhu; cun a thih nakhnga a hal i, “A za cang; atu cu maw Bawipa, ka nunnak kha la ko; zeitintiah ka pupa hna nakin ka ṭha hlei ṭung lo,” tiah a ti.

JEREMIAH 23:3

Ka tuu a tangmi hna cu ka dawinak hna ram kip khan keimah hrimhrim nih ka pumh ṭhan hna lai. Anmah le an inn cio ah ka ṭinpi ṭhan hna lai i an pungzam lai i an karhcho lai.

JEREMIAH 23:8

‘Israel tefa hna chaklei ram in le a ṭhawl hnanak ram kip chungin, anmah le an vawlei cio i khuasakter ṭhan awkah a ratpitu hna Bawipa a nun bangin,’ ti in chiatsernak an tuah lainak caan kha a ra lio,” tiah Bawipa nih a ti.

JEREMIAH 29:14

keimah cu nan ka hmuh lai, tiah Bawipa nih a ti. Cun nannih cu nan vanṭhatnak kha kan pek ṭhan hna lai i miphun vialte hna sin le hmun kip i kan ṭhawl hnanak hmun khan kan pumh ṭhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi ṭhan hna lai, tiah Bawipa nih a ti.

JEREMIAH 29:28

Babilon i a ummi hna kha, khika ah khan saltang saupi nan si lai caah inn le lo i khuar hna u law dum i ser hna u law, nan cinthlakmi khan i cawm hna u, tiin ca a kuat hna caah amah kha thlauh hrimhrim awk a si,” a ti

JEREMIAH 40:12

Cucaah an i ṭheknak hmun khan Judah mi vialte cu Judah ram ah khan an ra kir i Mizpah i Gedaliah sinah cun an ra chuak; cun mitsur hang le ṭhal caan theitlai kha tam nawnpi an pumh.

JEREMIAH 44:2

“Hi bangin Ralkapbu Bawipa, Israel Pathian nih a ti: Jerusalem khua le Judah ram khua vialte hna cungah ka tluntermi ṭhat lonak vialte cu nan hmuh cang: atu ah cun an ṭiao dih i ahohmanh um ti loin kaltak an si dih cang,

JEREMIAH 44:6

Cucaah Judah ram chung khua hna le Jerusalem khuachung lampi hna ah khan ka thinhunnak cu mei bantukin a kang i nihin i ṭiaotakmi hnawmpon an simi ah hin an cang.

JEREMIAH 6:9

Hi bangin Ralkapbu Bawipa nih a ti, “Mitsur ruang bantukin Israel mi a tangmi hna cu an mua sua cikcek hna, Mitsur thei a lotu bantukin a nge hna kha na kut in vun pur rih tuah hna.”

DANIEL 9:7

Maw Bawipa nangmah cu na ding zungzal ko i kannih cu kan dihlak in kan tuahmi cu ningzak a si zungzal ko — Judea ram chungah a ummi le Jerusalem khua chungah a ummi si u sih, ram hla ah siseh, ram nai ah siseh, na kan ṭhekmi si u sih, nangmah sinah zumhawktlak loin khua a sami kan si ko.

LEVITIKAS 26:33

Miphun hna lakah kan ṭhek hna lai i nan hnu in vainam kan zuhhnawh hna lai i nan ram cu a ṭhing lai i nan khua cu an ṭiao lai.

AMOS 3:1

Nannih Israel mi hna, Bawipa, nih nan sinah a chimmi bia hi ngai tuah u, Izipt ram in a chuahpimi nan phun ningpi in nan sinah a chimmi bia hi ngai tuah u:

JONAH 4:3

Cucaah cun atu cu ka that ko. Ka caah hin nun nakin thih a ṭha deuh,” tiah a ti.

MIKAH 2:3

Cucaah Bawipa bia cu hi bangin a si: Hi mi hna cungah hin rawhralnak tlunter ka tim lio i ahohmanh an luat kho lai lo. I uangthlar ngaiin nan i chawk thluaimai kho ti lai lo, Zeicahtiah cu caan cu an caah caan chia a si lai.

DEUTERONOMI 30:1

“Cun mah thil vialte, thluachuahnak le chiatnak hna, nan hmaiah ka chiahmi hna hi nan cungah a tlun i, Bawipa nan Pathian nih an dawi hnanak miphun vialte hna lakah cucu nan hun hngalh ṭhan hna i,

DEUTERONOMI 30:4

Nan lakin chuahmi hna kha vanhramdeng bik i an um hmanh ah, khika khin Bawipa nan Pathian nih an pumh hna lai i khika khin an ratpi hna lai.

BIAPHUAN 6:16

Tlang le lungpi cu an auh hna i, “Kan nenh u law bawiṭhutdan cungah a ṭhumi hmai le Tuufa thinhunnak cun kan phen tuah u!

BIAPHUAN 9:6

Cu thla nga chung cu kha mi hna nih khan thih an i duh deuh lai, sihmanhsehlaw an thi kho ṭung lai lo; thih kha an i kawh lai, sihmanhsehlaw thihnak nih a zamtak ṭung hna lai.