JEREMIAH 8:16 - Lai (Hakha) Common Language Bible 2006

¹⁶ An rangtum hna hnarphit thawng cu Dan in theih a si, An rangtum tildit lo hna awnh thawng ah vawlei cu a ning piin aa hnin. Ral cu an ra i ram cu a chung i a ummi thil vialte he khan an ei dih, Khuapi le a chung i a ummi hna zong, an hrawh dih hna.

JEREMIAH 8:16 ပူးပေါင်းရင်းမြစ်များ

JOB 39:20

Khaubawk bangin na pehter maw? A hnar tum thawng cu ṭihnung a si.

SALM 24:1

Vawlei le a chung i a ummi thil vialte hi Bawipa ta an si, vawlei le a cung i a ummi minung vialte zong hi amah ta kan si dih.

JEREMIAH 10:25

Nangmah an hngal duh lomi miphun hna cungah le Na min an au lomi miphun hna cungah, na thinhunnak cu bung tuah; Zeicahtiah Jakob cu an ei cang i an lim cang, A inn cu an hrawh cikcek cang.

JEREMIAH 3:24

Hlanliopi in ningzahnak pathian Baal nih cun Kan pupa hna nih an ṭuanmi theitlai hna le, an tuurun hna le an cawrun hna le, An fapa hna le an fanu hna kha a ei dih hna.

JEREMIAH 30:16

Asinain, an eitu vialte cu ei an si ve lai i An hremtu vialte hna cu sal ah an tang lai. Nangmah aan ramhtu cu ramh an si ve lai i nangmah aan hrawktu cu hrawh ka siter ve hna lai.

JEREMIAH 30:5

“Daihnak thawng si loin, launak ai thawng le ṭihnak ai thawng kha ka theih.

JEREMIAH 4:24

Tlang khi ka hei zoh hna i an sawn len ko, Mual vialte cu an i hnin dih.

JEREMIAH 4:7

Rambur chungin chiandeih a hung chuak cang Miphun hna hrawktu aa thawh cang; Nan ram kha hrawh awkah a umnak hmun in a chuak cang; Nan khuapi hna cu an chungah mi um loin an rawk cikcek lai.

JEREMIAH 47:3

An rangtum hna tin khawn thawng cu ngai hmanh! An rangleng hna an rung choi cukmak thawng le an rangleng ke rilh thawng cu! Pale nih an fale caah zeihmanh an ruat kho ti lo; An kut nih zeihmanh a tuah kho ti lo.

JEREMIAH 5:17

Nan kumvui mi le nan rawl kha an ei dih lai, Nan fanu le nan fapa hna kha an ei dih hna lai, Nan tuurun le nan cawrun kha an ei dih hna lai, Nan mitsur hang hna le nan theipi kung hna kha an hrawh dih hna lai, Nannih nih nan i bochanmi nan khua hna cu, kulhnak vampang ngei hmanh hna seh law, Vainam in an chimh dih hna lai.

JEREMIAH 50:42

Li le vainam kha an i bei, Mipuar ngai, zaangfahnak ngei lomi an si. Rangtum kha an i cit hna i an thawng cu rili thawng bantuk a si; Annih cu nangmah doh awk i aa tiangmi an si, maw Babilon.

JEREMIAH 51:29

Babilon cu ṭiaotakmi hmun le mi um lonak hmun siter awkah Bawipa nih Babilon kong i aa tinhmi kha a tlin cang caah Vawlei cu a ther i aa hnin.

JEREMIAH 6:23

Li le fei kha an i put, Mipuar an si i zaangfahnak an ngei lo. An rang kha an i cit hna i an thawng cu rili thawng bantuk a si; Raltuknak caah pa nih aa thuamh bangin an i thuam, Nangmah he doh awkah, Maw Zion fanu!”

NAHUM 3:2

Rang tuknak fung thawng cu ngai hmanh, Rangleng kekual an i mer thawng le rangtum an ke khawn thawng cu ngai hna hmanh.

HABAKKUK 3:10

Tlang nih an in hmuh tikah an i ngerh cukmak, Tilian hna cu an luang hluahmah; a thukmi rili hna cu an awn.

1 KORIN 10:26

Zeicahtiah Cathiang zong nih pei, “Vawlei le a cung i a ummi thil vialte cu Bawipa ta an si,” a ti cu.

1 KORIN 10:28

Sihmanhsehlaw pakhatkhat nih, “Hi rawl hi siasal dohdanghnak rawl a si,” tiah an chimh ahcun, an chimtupa ruangah le chiaṭha thleidannak ruangah, cu rawl cu va ei hlah.

BIACEIHTU 18:29

Cun khua cu a min ah, Israel hrinmi Dan an pu min chuankhan in Dan an sak, sihmanhsehlaw cu khua min cu a terte ah cun Laish a si.

BIACEIHTU 20:1

Cun Israel mi vialte cu Dan in Beersheba tiang, Gilead zong tel chih in an chuak i, mibu cu Bawipa sinah Mizpah ah minung pakhat bantukin an i pum.

BIACEIHTU 5:22

“Khi tikah rangtum ke thawng cu, A rangtum ṭhawng hna an i chaih len thawng he, Fak piin a thang.