JEREMIAH 8:13 - Lai (Hakha) Common Language Bible 2006

¹³ An rawl ṭuanpiak kha ka duh ko hna, Sihmanhsehlaw mitsur ruang ah mitsur tlai a um lo i Theipi kung ah thei zong a um lo; An hnah hmanh kha an car dih, tiah Bawipa nih a ti.

JEREMIAH 8:13 ပူးပေါင်းရင်းမြစ်များ

ISAIAH 5:10

Rel nga hmun lo ah an cinmi mitsur ruang nih mitsur hang thawl khat lawng a chuah lai i faci phor hra an tuhmi nih phor khat lawng a vui lai,” a ti.

JEREMIAH 14:12

Annih nih rawl an ulh tikah an aunak kha ka ngaihpiak hna lai lo; khangh thawinak le changvut thawinak kha an pekchanh tikah ka cohlanpiak hna lai lo. Vainam le mangṭam le rai tu in ka thah hna lai,” tiah a ti.

JEREMIAH 14:15

Cucaah, vainam le mangṭam cu hi ram ah hin a tlung lai lo,” a titu profet hna, ka thlah hna naloin ka min in bia an chimmi kong ah cun, Bawipa nih hi bangin a ti: Cu profet hna cu vainam le mangṭam in an thi lai.

JEREMIAH 17:8

Amah cu tikam phunmi thingkung bantuk, tiva kam i hram a zammi bantuk a si. Vaupi ni a chuah tikah, ṭih awk zeihmanh a ngei lo, A hnah cu hring dildel in an um zungzal ko. Khuakhen kum a tlun tikah a zei a poi lo i a thei zong a dong lo.

JEREMIAH 5:17

Nan kumvui mi le nan rawl kha an ei dih lai, Nan fanu le nan fapa hna kha an ei dih hna lai, Nan tuurun le nan cawrun kha an ei dih hna lai, Nan mitsur hang hna le nan theipi kung hna kha an hrawh dih hna lai, Nannih nih nan i bochanmi nan khua hna cu, kulhnak vampang ngei hmanh hna seh law, Vainam in an chimh dih hna lai.

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

EZEKIEL 22:31

An cungah ka thinhunnak kha ka bungh i ka thinlinhnak mei chungah khan annih cu ka hrawh cikcek hna. Cuticun annih nih hmuh awkah an i tlakmi dantatnak cu an cungah ka tlunter,” tiah Bawipa Pathian nih a ti.

HOSEA 2:12

A duhtu hna nih an ka phalhmi a si tiah a timi mitsur ruang le theipi kung hna kha ka hrawh hna lai i Ramlak saram an tlonnak ramlak ah ka ser hna lai.

JOEL 1:7

Kan mitsur ruang cu an hrawh dih hna i Kan theipi kung cu an teuh dih hna. A hawng kha thiang hirhiar in an ei dih hna i an nge hna cu a ran in an rang dih.

LEVITIKAS 26:20

cun nan thazang cu pakpalawng ah nan hman lai, zeitintiah nan ram nih tirawl a chuah lai lo i nan ram chung thingkung hna nih thei an tlai lai lo.

HABAKKUK 3:17

Theipi kung cu par loin, Mitsur ruang zongah a thei um hmanh hlah seh, Oliv thing cu tlai loin Lo zongah tirawl zeihmanh chuak loin um hmanh seh, Kawm chung saṭil run kha um loin Saṭil inn ah saṭil kha um hmanh hna hlah seh law,

HAGGAI 1:11

Cucaah ram cungah siseh, tlang cungah siseh, fangvoi cungah siseh, mitsur hang thar cungah siseh, chiti cungah siseh, vawlei chungin a chuakmi thil paohpaoh cungah siseh, mi cungah siseh, saṭil cungah siseh, mi nih an ṭuannak in a chuakmi thil paohpaoh cungah rocar kha ka tlunter,” tiah a ti.

HAGGAI 2:17

Nannih le nan kumvui rawl vialte cu rocarnak le hrirai le rial in kan den hna, sihmanhsehlaw keimah leiah kirnak lungthin nan ngei hlei lo, tiah Bawipa nih a ti.

MALAKHI 3:11

Nan vawlei nih a chuahmi thil a hrawktu hna le nan mitsur ruang car koin a tuahtu hna buṭit khaubawk cu ka kham hna lai i nan lo i mitsur ruang hna cu an thei a sur in an i sur lai, tiah ralkapbu Bawipa nih a ti.

MATTHAI 21:19

Lam pawngah khan theipi kung a hei hmuh i a hei fuh, asinain a hnah lawng a rak si ai. Cucaah thingkung cu aa thawh i, “Zeitikhmanh ah thei tlai ti hlah,” tiah a ti. Hmakhatte ah theipi kung cu a car ko.

JEIM 1:11

Ni cu a hung chuak i a linhnak nih pangpar kung kha a emh; a par cu a ṭil i aa dawhnak cu a lo. Cu bantukte cun mirummi cu hnahnawk luri ngaiin an rian an ṭuan cuahmah lioah khan an lo ko lai.