JEREMIAH 7:30 - Lai (Hakha) Common Language Bible 2006

³⁰ Zeicahtiah Judah mi nih ka mit hmuh ah ṭhat lonak an tuah, tiah Bawipa nih a ti. Ka min in kawhmi inn kha fih a nungmi an siasal in an thurhhnawmh cang,

JEREMIAH 7:30 ပူးပေါင်းရင်းမြစ်များ

2 SIANGPAHRANG 21:3

Zeitintiah a pa Hezekiah nih a rak hrawhmi khuahrum bo kha a remh ṭhan hna i Israel siangpahrang Ahab nih a tuah bantuk khan Baal le Asherah caah biakṭheng a ser hna i van i a ummi thil vialte khi a biak hna i an rian a ṭuan hna.

2 SIANGPAHRANG 21:4

Bawipa nih, “Jerusalem khua ah ka min cu ka chiah lai,” tiin a rak tihnawh chanmi Bawipa inn chungah biakṭheng a ser hna.

2 SIANGPAHRANG 21:7

Bawipa nih David le a fapa Solomon sinah, “Hi inn chungah le Israel miphun vialte lakin ka thimmi Jerusalem khua chungah ka min ka chiah zungzal lai i ka mi Israel mi hna nih hin nawl ka pekmi vialte hna ning le Moses nih nawl a pekmi vialte hna ning in an tuah ahcun an pupa hna sinah ka rak pekmi ram chung hin an ke cu ka pialter lai lo,” tiah a timi inn chungah khan amah nih a serchommi Asherah siasal cu a chiah.

2 SIANGPAHRANG 23:12

Cun Ahaz cung dot inncung i a ummi biakṭheng, Judah siangpahrang hna nih an sermi hna kha le Manasseh nih Bawipa inntual pahnih chung i biakṭheng a sermi hna kha a chimh hna i a den cikcek hna, cun a dip cu Kidron tiva ah a paih hna.

2 CHANRELNAK 33:15

Cun ramdang pathian hna le siasal kha Bawipa inn khan a ṭhial hna i Bawipa inn umnak tlang le Jerusalem i a sermi biakṭheng vialte kha khua lengah a hlonh dih hna.

2 CHANRELNAK 33:3

Zeicahtiah a pa Hezekiah nih a rak hrawhmi khuahrum bo kha a ser ṭhan hna i Baal caah khan biakṭheng a ser hna i Asherah hna kha a ser hna i van i a ummi thil vialte kha a biak hna i an rian a ṭuan hna.

2 CHANRELNAK 33:7

Cun amah nih a sermi siasal milem cu Pathian inn chungah khan a chiah. Cun inn kongah cun Pathian nih David le a fapa Solomon sinah khan, “Israel phun dihlak chungin ka thimmi Jerusalem le hi inn chungah hin zungzal in ka min cu ka chiah lai;

ISAIAH 66:4

Cucaah cun ka kawh tik hna i an ka leh duh lo ca le ka chawnh tik hna i an ka chawnh duh lo caah an ṭihmi thil thengte, rawhralnak kha an cungah ka tlunter lai. Ka nawl zulh duh lo i ṭhat lonak tuah cu an i thimmi a si,” a ti.

JEREMIAH 16:18

Annih nih ka ram cu fih a nungmi an siasal hna ruak in an khahter i ka ro cu an thil fihnung in an khahter caah an sualnak le an ṭhat lonak cu a let hnih in ka chamter hna lai,” tiah Bawipa nih a ti.

JEREMIAH 23:11

“Profet nih si hna seh, tlangbawi nih si hna seh, An phu hnih in Pathian kha zei ah an rel lo; Ṭhat lonak an tuahmi kha ka inn chung hmanh ah ka hmuh, tiah Bawipa nih a ti.

JEREMIAH 32:34

An thil fihnung siasal hna cu ka min umnak inn chungah khan an chiah hna i an thurhnawmhter.

JEREMIAH 32:35

Benhinnom Nelrawn ah Baal caah hmunthiang an ser hna i khika ah Molek sinah an fanu hna le an fapa hna kha an pek hna. Hi thil fihnung tuah awk hi le sualnak chungah Judah luhpi hi keimah sinin a chuakmi nawlbia a si lo i ka lunglai ah a chuak balmi zong a si lo.

EZEKIEL 7:20

An hlawn ṭhaṭha cu porhlawtnak ah an hman i cu an hlawn cun fihnungmi siasal kha an ser hna. Cucaah an hlawn cu hmunthur bantuk ah ka ser lai i

EZEKIEL 8:3

Kut bantuk a simi khi a hun samh i ka calsam in a ka tlaih. Thlarau nih van le vawlei karah a ka cawi i Pathian langhnak in Jerusalem ah a ka kalpi i chaklei hoihmi chungchin kutka luhnak ah khan a ka chiah; khika ah cun Hornak Siasal kha a um i cucu hornak lungthin thawhternak caah a si.

DANIEL 11:31

Amah nih a thlahmi ralkap hna nih khan hmunthiang le a kulhnak kha an thurhhnawmh lai i pekchanh tawnmi raithawinak kha an hloh lai. Cun khika hmun ah khan, “Ṭhiotu Fihnung” kha an chiah lai.

DANIEL 9:27

Cu a ṭhawngmipa nih cun mi tampi he zarh khat chung a fekmi biakamnak a tuah lai i raithawinak le pekchanhnak kha zarh cheu chung a ngolter hna lai. Biakinn a sannak bik hmun ah khan ṭhiotu fihnung caah donghnak caan Pathian nih a timhmi a phak hlantiang cuka ah cun ṭiaonak chuahtertu thil fihnung cu a um lai.