JEREMIAH 7:28 - Lai (Hakha) Common Language Bible 2006

²⁸ Khi tikah annih cu na thawh hna lai i, ‘Hi miphun hi Bawipa an Pathian aw a ngai lo miphun an si i chimhhrinnak zong a cohlang duh lomi an si; biatak cu a thi cang, an hmur ah a cuang ti lo.

JEREMIAH 7:28 ပူးပေါင်းရင်းမြစ်များ

SALM 12:2

Pakhat le pakhat an i hleng i hlepar faknak hmur le lung hnih ngei in bia an chim.

SALM 50:17

Kan chimhhrin hna lai, ka ti tikah nan duh ṭung lo, ka nawlbia kha nan hlawt ko ṭung hna.

PHUNGTHLÛKBIA 1:7

Bawipa ṭih hi hngalhnak hramthawknak a si; Sihmanhsehlaw mihrut nih cun fimnak le cawnpiaknak kha zei ah an rel lo.

ISAIAH 30:9

Annih cu a zungzal in Pathian kha an doh, a zungzal in lih an chim, a zungzal in Pathian cawnpiaknak kha an al.

JEREMIAH 11:10

An pupa hna sualnak ah khan an kir ṭhan i ka bia kha ngaih an duh lo; pathian dang hna kha an zulh hna i an biak hna; Israel le Judah nih an pupa hna he ka rak tuahmi biakamnak kha an hrawh.

JEREMIAH 17:23

Asinain annih nih an ngai lo i zei zongah an rel lo, cawnpiaknak cu theih le ngaih an duh hrimhrim lo.

JEREMIAH 2:30

Nan fale ka velh hna cu pakpalawng men a si, an i remh hlei lo; Chiandeih hrang bantukin nanmah vainam nih nan profet kha a ei hna.

JEREMIAH 32:33

An hnulei an ka chit i an hmai kha an ka mertak; anmah cawnpiak awkah kaa zuam lengmang nain ngaih an duh lo i zulh zong an duh lo.

JEREMIAH 5:1

Jerusalem khua chung lam a kenkip ah khan vaa chawk u law va zoh u law vaa chingchiah tuah u, Khi khua cu ka ngaihthiam khawh nakhnga Biading a kawl i biatak a tuahmi mi pakhat tal, A khua chung i hmun kau pipi ah khan va kawl tuah hna u law nan hmu kho hna hnga maw?

JEREMIAH 5:3

Maw Bawipa, na mit nih biatak kha a kawl a si lo maw? Nangmah nih annih kha na tuk hna, sihmanhsehlaw an zei a poi lo, An lung kha na chunh hna, sihmanhsehlaw an i remh hlei lo. Annih nih an hmai cu ṭeklung nak hak deuh ah an ser i Ngaihchih kha an duh lo.

JEREMIAH 6:17

Cun ka thawh hna i, ‘Nan caah ralvengtu ka chiah hna lai, Muko aw thawng kha ngai u,’ ka ti hna. Sihmanhsehlaw annih nih an i thawh i, ‘Zei ah kan rel lai lo,’ an ti.

JEREMIAH 6:28

An dihlak in midohhmang, milungkhong, Mi congoih i a vak lengmangmi an si.

JEREMIAH 6:8

Maw Jerusalem, i ralring tuah, Cu ti a si lo ahcun kan chuahtak lai i Ahohmanh um lonak ram, ṭiaotakmi ah kan ser sual lai.”

HOSEA 4:1

Maw Israel, Bawipa bia cu thei tuah; Zeicahtiah hi rammi hna cungah hin Bawipa nih bia pakhat a ngei: Hi ram chungah hin pakhat le pakhat i zumhnak le pakhat le pakhat i bochannak le Pathian hngalhnak a um lo,

ZEFANIAH 3:2

Ralrinnak peknak aw kha zeihmanh a ngaihmi a um lo, Chimhhrinnak kha zeihmanh a lung ah aa kenmi a um lo; Bawipa kha aa bochan lo i a Pathian kha a fuh lo.

ZEFANIAH 3:7

Ka cawnpiaknak vialte kha a hngalh ṭhan lai ti ruahchannak in, “A ṭih cu ka ṭih ko law kan chimhhrinnak cu na lung chungah i ken ko,” ka ti. Sihmanhsehlaw hmasa nak hmanh khan ṭhat lonak tuah kha an duh deuh; tuante khan an tho i ṭhat lonak tuah awkah khan an i chawk.