JEREMIAH 7:26 - Lai (Hakha) Common Language Bible 2006

²⁶ asinain ka bia cu an ngai hlei lo i an hna zong an chi hlei lo, an hngawng tu kha an ṭhawnter. An pupa hna nakin an ṭha lo deuh.

JEREMIAH 7:26 ပူးပေါင်းရင်းမြစ်များ

1 SIANGPAHRANG 14:22

Cun Judah mi nih Bawipa mithmuh i a ṭha lomi thil kha an tuah i an pupa hna nih an tuahmi vialte nakin tam deuh in an tuahmi sualnak cun Bawipa cu a nahchuahnak an thawhter.

1 SIANGPAHRANG 14:9

nang tu nih cun na hlan i a rak ummi vialte hna nakin thil ṭhalo na tuah deuh i pathian dang le thletmi milem kha na ser hna, ka thin na ka phawh i na hnulei ah na ka hlonh;

2 SIANGPAHRANG 17:14

Sihmanhsehlaw annih nih ngaih an duh lo, Bawipa an Pathian a rak zum lomi an pupa hna an lung a hah bantuk khan an lung a hak ve.

2 SIANGPAHRANG 17:15

Annih nih a nawlbia hna le an pupa hna he a rak tuahmi a biakamnak le ralrinnak a pekmi hna cu zeihmanh ah an rel lo. A deu a simi thil, siasal kha an zulh hna i annih zong a deu ah an i cang, cun Bawipa nih anmah tuah bantukin nan tuah ve lai lo, tiin nawl a pekmi hna an pawngkam i a ummi miphun hna kha an zulh hna.

2 CHANRELNAK 30:8

Nannih cu nan pupa hna bantuk khan hngawngṭhawng si hlah u, sihmanhsehlaw Bawipa sinah khan i pe u law zungzal ca in a thiantermi a hmunthiang ah khan ra u, cun a thinhunnak ṭihnung cu nan sinin aa mer nakhnga Bawipa nan Pathian cu a rian ṭuan u.

2 CHANRELNAK 33:10

Bawipa nih Manasseh le a mi hna sinah khan bia a chim ko nain zeihmanh ah an rel lo.

2 CHANRELNAK 33:23

A pa Manasseh nih a lung a ṭhumh bangkhan Bawipa hmaiah a lung a ṭhum lo i hi Amon nih hin cun mawhnak kha tam chin lengmang a tuah.

NEHEMIAH 9:29

Cun na phungbia leiah khan merter awkah ralrinnak na pek hna. Sihmanhsehlaw porhlawt ngaiin thil an tuah i na nawlbia kha an ngai lo; na phunglam zulhnak thawngin nunnak a simi na phunglam tu kha an buar hna i an liang kha an i ṭhawnter i an hngawng kha an i rengh i na nawl ngaih kha an duh lo.

PHUNGTHLÛKBIA 29:1

Atu le atu chimhhrin a si ko nain a lung a ṭhawng rih komi cu, Damh khawh ti loin chikkhatte ah a kiak lai.

ISAIAH 48:4

Lunghak mi nan si lai ti kha ka hngalh cia, thir bantukin a ṭhawng i dar bantukin kuaih khawh lomi nan si.

ISAIAH 5:4

Ka dum caah hin tuah ka tlolhmi zei tal a um maw? Ka tlolhmi zeihmanh a um lo ahcun, zeicahdah mitsur thei a ṭhami a tlai lai tiah ka ruahmi tu tlai loin, a thormi lawng a tlai kun?

JEREMIAH 11:8

Sihmanhsehlaw annih nih an ngai lo i an hna zong an ka chit duh lo, an dihlak in anmah le an lungkhon ning cio khan an kal ko. Cucaah an cung i biakamnak ka tuahmi, annih nih an zulh duh lomi biakamnak chung i a ummi dantatnak vialte kha an cungah ka tlunter,” tiah a ti.

JEREMIAH 16:12

Cun nannih hi nan pupa hna nak chia deuh in nan um i milungkhong, miṭhalo nan si i ka bia kha ngaih nan duh lo.

JEREMIAH 17:23

Asinain annih nih an ngai lo i zei zongah an rel lo, cawnpiaknak cu theih le ngaih an duh hrimhrim lo.

JEREMIAH 19:15

“Ralkapbu Bawipa, Israel Pathian nih hi bangin a ti: Hi khuapi cungah le a pawngkam khua vialte ah hin ka tlunter lai tiah ka rak timi dantatnak kha, nannih nih nan lung a ṭhawn i ka bia kha ngaih nan duh lo caah, ka tlunter taktak lai, a ti,” tiah a ti.

JEREMIAH 22:21

Nan tlam a tlin lioah kan chawnh hna, Sihmanhsehlaw ngaih nan duh lo. Mah hihi nan tlanval lio in nan umtuning a si tawnmi a si; Zeitikhmanh ah ka bia nan ngai bal lo.

JEREMIAH 25:3

“Amon fapa Josiah, Judah siangpahrang, a bawinak kum hleithum ri in atu tiang, kum kul le kum thum chung, Bawipa bia cu ka sinah a ra lengmang i nan sinah thlah lo tein ka chim lengmang ve, sihmanhsehlaw nan ngai lo.

JEREMIAH 25:7

Sihmanhsehlaw ka bia nan ngai lo, nan kut nih a sermi siasal khan ka thin nan ka phawh, cucaah nanmah lila nih nanmah cungah harnak nan i tlunter,” tiah Bawipa nih a ti.

JEREMIAH 26:5

nan sinah ka thlahmi ka profet hna bia kha zei ah nan rel lo ahcun, zei ah nan rel bal hna lo va si kaw,

JEREMIAH 29:19

Hihi an cungah a tlung lai, zeicahtiah annih sinah ka profet kha ka thlah lengmang ko hna nain, ka bia kha an ngai duh lo, tiah Bawipa nih a ti.

JEREMIAH 3:13

Palhnak na tuahmi kha ka tuah taktak ti ko law Bawipa na Pathian na dohnak kha i phuang ko. Thing thladem toi kip ah ram dang pathian hna he nan i duhnak kha i phuang law Ka bia na ngaih lonak kha i phuang ko, tiah Bawipa nih a ti.

JEREMIAH 32:23

Sihmanhsehlaw hi ram chungah an luh i an co tikah annih nih na nawlbia kha an ngai lo i na cawnpiak hna ningin an nung lo; na fialmi hna kha zeihmanh an tuah duh lo. Cucaah hi ṭhat lonak vialte hi an cungah na tlunter.

JEREMIAH 34:14

Cucu hihi a si: ‘Nan sin i a hun i zuarmi Hebru mi, kum ruk an rian cangmi hna kha, nannih nih kum sarihnak chungah nan luatter hna lai.

JEREMIAH 35:15

Ka sal profet hna cu nan sinah ka rak thlah lengmang ko hna i nan ziaza ṭhalo kha ngol awk le a dingmi thil kha tuah awkah an in chimh lengmang ko hna. Nan pupa hna sinah ka pekmi ram ah hin nan um thluangthluan khawh nakhnga annih nih pathian dang kha biak lo ding le an rian ṭuan lo awkah ralrinnak an in pek lengmang ko hna. Sihmanhsehlaw ka bia kha nan ngai duh lo i zeizong ah nan ka rel fawn lo.

JEREMIAH 35:17

Cucaah Ralkapbu Bawipa, Israel Pathian nih Judah mi le Jerusalem mi nan cungah rawhralnak ka tlunter lai tiah ka timi vialte kha ka tlunter lai. Nannih cu kan chawnh hna tikah nan ngai duh lo i kan kawh hna tikah nan ka leh duh lo caah hihi nan cungah ka tuah lai,” tiah a ti.

JEREMIAH 44:16

Kannih kan i hren chihnak biakamnak kha tlinter awkah kan i tim.

JEREMIAH 5:3

Maw Bawipa, na mit nih biatak kha a kawl a si lo maw? Nangmah nih annih kha na tuk hna, sihmanhsehlaw an zei a poi lo, An lung kha na chunh hna, sihmanhsehlaw an i remh hlei lo. Annih nih an hmai cu ṭeklung nak hak deuh ah an ser i Ngaihchih kha an duh lo.

JEREMIAH 6:10

Cun kei nih ka leh i, “Aho nih dah ka chawnh hna le ralrinnak ka pek hna tikah ka bia an ngaih duh lai? Annih nih an hna an i phih cang i an ngai bal lai lo. Na bia cu ngaih an duh lo i na chimmi cu nihchuak ah an rel.

JEREMIAH 6:17

Cun ka thawh hna i, ‘Nan caah ralvengtu ka chiah hna lai, Muko aw thawng kha ngai u,’ ka ti hna. Sihmanhsehlaw annih nih an i thawh i, ‘Zei ah kan rel lai lo,’ an ti.

JEREMIAH 7:24

Sihmanhsehlaw ngaih an duh lo i zeizong ah an rel duh lo, anmah ruahnak le anmah lungkhonnak tu kha an zul deuh i hmailei ah kal loin hnulei tu ah an kir.

JEREMIAH 9:13

Cun Bawipa nih a leh i, “Hi thil hi zeicahdah a chuah ti ahcun, ka mi hna nih ka pekmi hna cawnpiaknak kha an hlawt caah a si. Ka bia kha ngaih an duh lo i ka chimhmi hna zong kha tuah an duh lo.

EZEKIEL 12:2

“Mipa, na umnak mi hi ralthawh hmangmi an si. Mit an ngei nain khua an hmu lai lo i hna an ngei nain khua an thei lai lo, zeicahtiah mi dohhmang an si.

EZEKIEL 12:3

Cucaah mipa, an mit hmuh hrimhrim ah chun ah lam ca i na herh ding kha i tim law khualtlawn ah cun i thawh tuah. Na inn kha na kaltak i an hmuhhngan ah ral taannak chungah na kal tikah hin, annih nih mi dohhmang kan si ti kha an hei hngalh hmanh hnga maw.

EZEKIEL 20:30

“Cucaah Israel mi cu chim hna law hihi Bawipa Pathian bia a si tiah ti hna; ‘Nan pupa hna nih an i thurhhnawmh bangin nan i thurhhnawmh lengmang ko maw? Fih a nungmi an pathian hna sinah khan maw zeihmanh ruat loin nan i pek lengmang ko?

DANIEL 9:6

Kan siangpahrang hna le kan bawi hna le kan pupa hna le hi ram chung mi vialte hna sinah nangmah min in bia a rak chimtu na sal na profet hna cu an bia kan rak ngai hna lo.

HOSEA 11:7

Keimah cu an ka mertak cang i cu ruangah a chuakmi thil kha an hrial kho ti lai lo, An cung i an i khinhmi seihnam rit ruangah khan an ai len lai, sihmanhsehlaw ahohmanh nih an ṭhialpiak kho hna lai lo.

ZEKHARIAH 7:11

Sihmanhsehlaw ngaih an duh lo, zeirello in keimah kha an ka hnuhoih, an hna kha an i phih i theih an duh lo.

MALAKHI 3:7

Nan pupa chan in nannih cu lampial hmangmi nan si i ka phunglam kha nan zul hna lo. Ka sinah nan ra kir ahcun, nan sinah ka ra kir ve lai, tiah ralkapbu Bawipa nih a ti. Nannih nih nan i thawh i, “Zeitindah kan kir khawh lai?” nan ti.

MATTHAI 21:38

Sihmanhsehlaw dum hlanhmi pawl nih khan a fapa cu an rak hmuh tikah an i thawh i, ‘Hihi dum ngeitu fapa a si. Ra u, that u si law a thilri hi i lak u sih,’ an ti.

MATTHAI 23:32

i nan pupa hna nih an rak thawkmi cu lim lawlaw ko uh.

LAMKALTU 7:51

“Zeitluk lung hakmi dah nan si rih? Zeitluk in dah lungchung in cuarpar aa tan lomi le Pathian bia theihnak leiah a hna aa chehmi nan si rih! Nannih cu nan pupa hna hlikhlekte kha nan si ko, nannih zong nih Thiang Thlarau kha nan donh zungzal ko!

ROM 2:5

Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.

DEUTERONOMI 8:20

Nan hmaiah Bawipa nih miphun a rawkter hna bangin Bawipa nan Pathian aw cu nan ngaih duh lo ahcun, cu bangin nan rawk ve lai.